GBOO FEAN BƆƐ KƆYINDI KO A 7:6 - Yataa 'a Dɔbɛnɛ Nama

⁶ Chɛɛ Yataa, min mbe faayɔn tɔɛ n faa ma nande, a‑a a ma wan nn faa chima‑a, kɛn Taitɔsi na‑a nn tena.

GBOO FEAN BƆƐ KƆYINDI KO A 7:6 ပူးပေါင်းရင်းမြစ်များ

MATIU 5:4

“Mɔɛ miin mbe di chɛ‑a, an duaen mu. Yataa ɛ di ka‑a wan an ya a.

CHƆN 14:16

N mbe fa ɔ tisa‑a wan, a ni a ma, wo ni demanɛ dɔ mende ma sɔn. A sin, ɛ a Nyina a na‑a wan, a ni ma wo fɛ tima ɔ tima ko a.

GBOO DOMI KO A 15:5

Yataa an mbe mmɔ faa ma nande, a sin fan mbe a ma to mmɔ ɛ mmɔ faa bia. Chɛ an fɛ mu, Yataa ni a ma wo ni sɔ Chasi chen gba ɔ, faachima ni ma wo ɔ wo nyɔn ko a.

GBOO FEAN BƆƐ KƆYINDI KO A 7:13

Chɛ an fɛ mu, wo‑a nn faa ma nande. A sin, a ka nn ta ma, Taitɔsi wɛɛ‑a a ma wan, nn bu ɔ dia‑a kaka, a si a ta buɔdia ma, wo tɛ ɔ. Koe min na mu, a‑a a ɔ yian fan nn na, wo gbɛɛ‑a a deman buɛ min dɔ, a bu ɔ ni dia.

GBOO FEAN BƆƐ KƆYINDI KO A 7:14

N gbu na‑a wo ma yonka tɛ wan a tena, wo sin ma n na mau ni. Tima ɔ tima ko a, nn‑na bai miin gbɛɛ fɔ wo ye, tea nu mu. A sin, a chia dɔndɔ gbe chɛ a mu, nn‑na yonka min tɛ Taitɔsi tena, a si wo ma, a wɛɛ ma‑a tea a.

GBOO FEAN BƆƐ KƆYINDI KO A 7:7

A na koe dechee nii ma, min na‑a a ma, nn bu ɔ dia‑a. Chɛɛ a na‑a konanɛ min bɛɛ chɛ, a si bia ma, wo‑a min chɛ a a. A‑a a ɔ yian fan to nn na, wo toen mu buɛ min dɔ wo ni n yen. A sin to, a ɔ, mbɛ wo faa yɔnden mu. A yɛ to, mbɛ wo ma bɛnden mu sɔ koe a n ko a. Chɛ gbu an ko a mu gbɛ, n 'na buɔdia gbu ma munda‑a.

Gboo Fiipai Ko A 2:1

Tea ko a, mɔ dɔndɔɛ mu wo a Chasi a. Chɛ sin ma‑a wo tena faamanande a. Chasi toen mu wo a, wo sin mbe an buɔdia ɔ. Wo e wan ko dɔndɔɛ ɔ, wo bɛ Yataa Nyina a. A sin, koadia ɛ wan wo faa ɔ, a basan chinchimaya a.

Gboo Saa Tɛsadonika Ko A 3:2

Mbɛ Timoti sin, nn‑na a sɔ wo tena. Mmɔ suun ma nyɔɛ chɛ, nn bɛ ɛ wai chɛ tena min na Yataa ko a, sakana bai chɛndɛ sa koe a, a si Chasi ma. Nn‑na a ta wo tena, a ni a ma, wo ɔ ni gbɛa, wo ni wo kai fa Chisɔsi a gbau gbau.