Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




GBOO FEAN BƆƐ KƆYINDI KO A 7:15 - Yataa 'a Dɔbɛnɛ Nama

15 A sin, chɛ ko a, wo 'a koadia ma ɛ munda tena wan a faa ɔ, ɛ ma a yii na chii‑a wo a. A si wo gbɛɛ ma bɛnden ni buɛ min dɔ, bea koe a dasi chɛ n fɛ, a ni miin be wo ma. A yɛ to, wo gbɛɛ, wo‑a wo boo si buɛ min dɔ a kɔɔ ma samba ɔ, chianɛ ɛ wo ɔ.

အခန်းကိုကြည့်ပါ။ ကော်ပီ




GBOO FEAN BƆƐ KƆYINDI KO A 7:15
23 ပူးပေါင်းရင်းမြစ်များ  

Ɛ ma‑a wan dechee, yɔ ni musu bu ɔ tɛ‑a, faamɔnɛ min mbe ma a ma, koe min na mu, tɔɔya ɔ bia tima che‑a a boo ɔ. Chɛɛ ni a‑a den chɛ suun gbɛ dechee, kun na dia ɔ, mbɛ a nyina‑a a 'a tɔɔya ma. Ɛ ma gbɛ buɔdia an dɔ, koe min na mu, a‑a mɔ gbu ma sɔn dunya chɛ ɔ.


Mbɛ a‑a dambo ma chee, a don‑da nɔ. A sin, a ma samba sambaenɛ ɛ, a bea‑a wan Pɔɔ chen na, an fea Sidasi a.


Chɛ an‑na a fɔ, mmɔ bɛ ni kɛn, n gboo ɔ nii ma gbɛa nin bɛ. A yɛ to, chianɛ ni wan n dɔ, a basan ma samba a.


N na‑a gboo chɛ nyɛn wo tena chɛ an na, n ni wo yiima yan. N ni a ɔ gbɛ, ni n 'na dasi nu, wo ma bɛnden fan mu tima ɔ tima ko a a ya koe a.


Wo 'a koadia nn tena, a danka ee. Chɛɛ wo wandi gbu, wo wan mbe ban tena koadia yian koe a nn na.


Wo wan yɔnɛ nu, wo kooya be wo ti n ma. Wo chian an ma, a sin, masamba ni ma wo ɔ an ko a. Wo kooya be an ma wo faa gbɛɛ a, yɔ wo e a be buɛ min dɔ Chisɔsi Chasi ma.


Koe min na mu, n toen mu wo a, yɔ Chisɔsi Chasi 'a koadia ɛ buɛ min dɔ. Yataa wandi an mu n 'na siiya a, ni tea ma chɛ a.


N dia nyɔɛ nu, mmɔ bɛ ni tima min na, wo ni wan n da a kuiɛ ma. N mbe ee ka tima min na wo ya kɔɔ, a gbu nyin gbɛ sanche wan, wo ni ma n da a kuiɛ ma chɛndɛ chɛ. Wo ma yɛ kuu kɔ koe n ma koe a, miin ma biaen mu wo ko a, Yataa‑a wo wɛn baun. Wo an ma ma samba ɔ, wo an ma chiandia ɔ.


Wo gbɛɛ, wo e gbɛ Yataa an na boo ma. A to‑a wan wo a, a sin‑na a boo sɔ wan wo ma, a ta mɔɛ n na. Chɛ an‑na a fɔ, chinchimaya faa ni ma wo ɔ, ni ko chɛndɛ ma faa. A yɛ to, wo ni wo wandi ma yii, wo ni wo ma chima, a sin, wo ni wo faa bia.


Mɔɛ ɛ ma‑a wan kɔɛ nɔ, min ban‑da koe chɛ n ma koe a, nn‑na koe miin nyɛn gboo chɛ ɔ wo tena. Ni ɛ ka wan, wo wo ya gba sa an mɔɛ chɛ ma. Wo sin gbu ma gbɛn a ma, min mbe a ma, a ni mau a wandi ma.


Mɔ ɔ mɔ min boo cheen mu deman chɛ koe a, a ni a suun ma nyɔɛ deman, min ya kɔɔ tawaen mu. Chɛɛ ni a‑a a faa a kɔɔ a suun ma nyɔɛ chɛ ma, a ee che a fɔ‑a, mbɛ a toen fan mu Yataa a a faa ɔ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ