GBOO FEAN BƆƐ KƆYINDI KO A 7:11 - Yataa 'a Dɔbɛnɛ Nama

¹¹ Wo wandi gbu, wo a ɔ yen bɛ, wo 'a faayɔnɛ chɛ, Yataa‑a min dɔ bɛn wo ko a, a ma‑a koe min na wo tena. Wo ma‑a gbɛ tea mɔ wa an na, wo ma bɛndenɛ ɛ a ɔ yen koe a, mbɛ wo ma ko yama ma ni. Wo faa tɛ‑a wan, wo chian‑da, yiinachii ko a wo ɔ, mbɛ wo‑a wo wandi be, wo ma bɛndenɛ ɛ ko yama ma mɔɛ n tɔɔya koe a. Wo gbu, wo‑a a ɔ yian, mbɛ mabɔ ee wo ma, chia ɔ chia a, an koe gbu gbɛɛ ɔ.

GBOO FEAN BƆƐ KƆYINDI KO A 7:11 ပူးပေါင်းရင်းမြစ်များ

MAKI 3:5

Mbɛ Chisɔsi‑a an gbɛɛ ya kɔɔɛ ma fɛn dɔndɔ dɔndɔɛ a a 'a tindanɛ. A faa tɛenɛ ɛ an ma, a yɛ to, ɛ faamɔnɛ ɔ, a si an 'na faa a kɔɔɛ ma. Mbɛ a ɔ kamin chɛ ma, “I boo ɔ tan.” Mbɛ a‑a a boo ɔ sawan, mbɛ a boo baun‑da, yɔ a dɔndɔɛ ni buɛ min dɔ.

CHƆN 2:17

Mbɛ a puin‑da a fɛ denɛ n yii ma, mbɛ Yataa 'a gboo‑a a fɔ wan, a ɔ, “Fa Yataa, i 'a chen chɛ 'a koadia koo n faa ɔ, n mbe fa tena wan a ko a.”

CHISƆSI 'A SƆ MƆƐ NU 17:16

Tima min na Pɔɔ n ni an ma kɔn tena, na koe a, a faa yɔn‑da wan yama yama. Koe min na mu, a‑a a ɔ yen fan, mbɛ Atɛnsi duu a faen fan ni fania yataa n na.

GBOO DOMI KO A 11:20

Tea gbu mu chɛ a. Chɛɛ an ma danɛ min chɛ ni Yataa a, an‑na a ma, an wagban‑da a ma. Wo tana sin, wo chii‑a gban a ma, koe min na mu, wo danda a a. Chɛɛ wo ma dɔpandaya bɔ, a si chɛ ma. Wo e min ma, chianɛ ni ma wo ɔ Yataa ko a.

GBOO DOMI KO A 14:18

A sin, mɔ ɔ mɔ min mbe wai chɛ a buɛ chɛ ɔ ka Chisɔsi Chasi ko a, ɛ ma‑a Yataa faa ma koe an na, mɔɛ n bɛɛ bu ɔ dia‑a wan a mɔɛ chɛ ko a.

GBOO DOMI KO A 3:5

Chɛɛ a yen ko, ni mɔɛ n‑na ko yama ma, a tima a mu mɔ dɔ mende n mbe a yen gbadan, Yataa ɛ ko chɛndɛ min ma. Chɛɛ chɛ tɛ bɔ buɛ ɛ wan nɔ. Mɔɛ dɔ nu, an mbe a fɔ wan gbu, mbɛ Yataa ee tea ko ma, ɛ ma ka mmɔ tɔɔya min chɛ‑a mmɔ 'a ko yama n ko a. (Chɛɛ n mbe ka koɔ tena dechee, yɔ mɔgbuya ɛ a tasi buɛ min dɔ tima dɔsa a).

GBOO SAA KƆYINDI KO A 12:25

Chɛ ni a ma, koɛ ma ma mmɔ sɔna n tɛ, mmɔ gboo ma. Chɛɛ mmɔ sɔna n gbɛɛ, an gbɔsɔenɛ ni ma an nyɔn ko a kuiɛ a kanɛ ɔ.

GBOO SAA KƆYINDI KO A 5:2

Koe an nɛ, wo e di chɛ min na. Chɛɛ chɛ gbɛɛ ɔ, wo e dɔpanda an bɔ tena. Chɛɛ wo ni an mɔ bonda chɛ gbain fan, min‑na ko bonda chɛ ma, a ni bɔ wo tɛ ɔ chɔchi ɔ.

GBOO FEAN BƆƐ KƆYINDI KO A 13:7

Chɛɛ nn mbe samunɛ chɛ tena, wo ma na ko yama kan kɔ kan ma. Nn mbe ee a ɔ yian tena wan ka, mɔɛ n na, mbɛ nn‑na wai chɛndɛ an chɛ wo tɛ ɔ. Chɛɛ nn toen mu, wo ni koe n ma, miin nyin, a ma koe a. A ni ma wɛɛ, mbɛ nn‑na wai min chɛ, ko ma bɔ ni a ɔ.

GBOO FEAN BƆƐ KƆYINDI KO A 2:6

Wo sɛsɛ, wo e tɔɔya min chɛ‑a a mɔɛ chɛ a, a‑a a kun a ko a.

GBOO FEAN BƆƐ KƆYINDI KO A 6:4

Chɛɛ nn mbe min ma, nn 'na wai chɛ buɛ gbɛɛ ɔ, nn mbe nn tachɛ buɛ ma mɛn fan, yɔ Yataa 'a wai chɛ mɔɛ nu. A chia chɛ a, nn mbe nn faa bia wan ko gbɛama n dɔ, yakɔɔtawa n dɔ, a basan ko yawaenɛ n dɔ a.

GBOO FEAN BƆƐ KƆYINDI KO A 7:1

N dia nyɔɛ nu, tooɔdia chɛ n fan mbe mmɔ ko a. Chɛ ko a, mmɔ mmɔ boo a ko, a bɔ ko yama gbɛɛ ɔ. Fen kɔ fen, miin mbe a ma, mmɔ ma ɛ nyamui Yataa tena, mmɔ 'a fɔɛ gbɛɛ ɔ, mmɔ ni mmɔ boo a ko an ma. Mmɔ gbu sin, mmɔ 'a fɔɛ gbɛɛ ɔ, mmɔ ni ma tenchen Yataa ko a, a ma chianɛ ni ma mmɔ ɔ.

GBOO FEAN BƆƐ KƆYINDI KO A 7:7

A na koe dechee nii ma, min na‑a a ma, nn bu ɔ dia‑a. Chɛɛ a na‑a konanɛ min bɛɛ chɛ, a si bia ma, wo‑a min chɛ a a. A‑a a ɔ yian fan to nn na, wo toen mu buɛ min dɔ wo ni n yen. A sin to, a ɔ, mbɛ wo faa yɔnden mu. A yɛ to, mbɛ wo ma bɛnden mu sɔ koe a n ko a. Chɛ gbu an ko a mu gbɛ, n 'na buɔdia gbu ma munda‑a.

GBOO FEAN BƆƐ KƆYINDI KO A 7:9

Koe n sin mbe ka gbɛ buɛ min dɔ sanche, n bu ɔ di. A ɔ ma di faayɔn chɛ an ko a, n‑na gboo a min be wo ma. Chɛɛ a ɔ di koe min na, faayɔn chɛ‑a a ma, wo ka‑a wo sɔn yama n kun ma. Wo 'a faayɔn chɛ, Yataa‑a an ma ka ko chɛndɛ a. Chɛ ni a ɔ yian, mbɛ nn ma ko yama kan kɔ kan ma ni wo a.

GBOO FEAN BƆƐ KƆYINDI KO A 9:2

N‑na a ɔ sɔn fan, mbɛ wo ma bɛndenɛ mu, basan koe a an ma. N gbu sin, n mbe yonka tɛ wan, a si wo ma mmɔ bɔɛ Chisian chɛ n tena Masidonia chɛnyɛ ɔ. N mbe a fɔ wan an ye, mbɛ an bɔɛ Chisianɛ nu, miin mbe Akaya chɛnyɛ ɔ, an ma bɛndenɛ mu, kɛn banun, demanɛ chɛ koe a. Faa min mbe wo ɔ demanɛ chɛ koe a, a‑a a ma wan, an sɛsɛ faa bɔ‑a gbɛ.

Gboo Ɛfisɔsi Ko A 4:26

Wo faa ni tɛ wɛɛ, wo ma ko yama ma. Wo faa gbu sin, a ma tɛ, a ka sauma ma, aan tee ni bea.

Gboo Ɛfisɔsi Ko A 5:11

Wo ma wo boo chɛ ko ɔ pimbienɛ ɔ, miin mbe ee den chɛndɛ suun. Chɛɛ an ko bonda chɛ nu, wo a ma mɔɛ n ni a ɔ sɔn, mbɛ an ma nyin.

Gboo Fiipai Ko A 2:12

N dia nyɔɛ nu, mmɔ bɛ ni tima min na, wo ni wan n da a kuiɛ ma. N mbe ee ka tima min na wo ya kɔɔ, a gbu nyin gbɛ sanche wan, wo ni ma n da a kuiɛ ma chɛndɛ chɛ. Wo ma yɛ kuu kɔ koe n ma koe a, miin ma biaen mu wo ko a, Yataa‑a wo wɛn baun. Wo an ma ma samba ɔ, wo an ma chiandia ɔ.

Gboo Saa Tɛsadonika Ko A 4:6

Mbɛ an chia chɛ a, mɔ ɔ mɔ ma ko yama ma a bɔ Chisianɛ a, a ma gbasaya din a ma. Nn‑na chɛ fɔ wan wo ye a kɔma a gbau gbau, mbɛ Mansa Yataa ɛ mɔɛ n tɔɔ‑a wan, miin mbe ko bonda chɛ sima ma‑a.

1 TIMOTI 5:20

Tea fɔ an ye fanka ɔ, an fɛn mbe ko yama ma‑a, min mbe a ma, mɔɛ tɔɛ n ni chian.

2 TIMOTI 2:15

Butuin chɛ, min mbe a ma, Yataa faa ni chima i a. I ni ma wai chɛ mɔɛ chɛndɛ a, min mbe ee mau, a wandi gba ma, min mbe Yataa 'a bai kan tena teaya buɛ ɔ.

TAITƆSI 3:8

Tea bai an nɛ, n mbe ka min fɔ tena. N toen mu i ni koe chɛ n ma i ma gbɔsɔɛ a, min mbe a ma, mɔɛ miin kai faen mu Yataa a, an ni tachɛ gbee chɛ a. Chɛ ɛ a ma‑a wan, an ni ko chɛndɛ ma bia an boo fea a, min nyin. A sin, tɔnɔnɛ ɛ wan a ɔ, mɔ ɔ mɔ ko a.

GBOO IBU MƆƐ N KO A 4:1

Chɛ an fɛ mu, tooɔdia ɛ wɛ ka nɔ tima min na, mmɔ don koe a suin tena chɛ, Yataa‑a min dɔ bɛn, mmɔ chiandenɛ ni ma, kɔkɔɛ mmɔ dɔ nu, mmɔ ee na‑a kun‑da don koe a suin tena chɛ.

CHIMISI 3:17

Chɛɛ koe saa saa mu min na, Yataa ta yiimatɛ, ko ɔ ko ee a ma. Sɔnkɔ sɔnkɔ ee a kɔ chia a, faachima an mbe a ɔ. A yɛ to, basamaya an be a ɔ, chinchimaya, ni ko chɛndɛ ma. Yiimatɛ an nɛ, min mbe ee mɔ ya bɔ, nɛnɛn feaya sin mbe ee a ɔ.

1 PITA 1:17

Ni wo ma‑a samun‑da a tena, wo e a chee wo Fa an na. A sin mbe ma kaa a tɛ‑a, a ee a boo don mɔɛ n tɛ ɔ. Ɛ kaa a tɛ mɔ ɔ mɔ chɛ chɛ wai n fan ma. Chɛ an‑na a fɔ, sonda mu ka buɛ min dɔ wo 'a fɔɛ chɛ ɔ nɛ dunya ma, wo chian Yataa ma, aan a che tee dankama tee ma.

1 PITA 2:2

Wo to Yataa 'a bai a min koe a, tima ɔ tima ko a, yɔ den toa toen mu buɛ min dɔ a de susu yii a. Wo a a min, min mbe a ma, wo ni kɔɔ Yataa sɔnɛ ɔ, mbɛ wo‑a bauncha ma sɔn.

CHUDA 1:23

Dɔ n bɛɛ baun, i ni an sogban, a bɔ ta ɔ. Chinchimaya, a basan sika a, a ni ma wo ɔ dɔ n sin ko a. Chɛɛ tima ya, an 'na ko yama maenɛ ma na sin i ma.

KO Ɔ NUNDENƐ 3:19

Mɔɛ chɛ nu, n toen mu miin na, n mbe an fan ma nyin, mbɛ n‑na a ma, an tɔɔ‑a. Chɛ an fɛ mu, wo wo ma bɛn, mbɛ wo‑a wo kan kɔ sɔ wo 'a ko yama n na.