GBOO FEAN BƆƐ KƆYINDI KO A 7:10 - Yataa 'a Dɔbɛnɛ Nama

¹⁰ Koe min na mu, faayɔnɛ min mu Yataa 'a dɔbɛnɛ a, ɛ a ma wan mmɔ ni mmɔ kan kɔ sɔ ko yama ma a, a ni na bauncha a. A sin, n ni ma‑a a ɔ sɔn‑da ee a ɔ. Chɛɛ faayɔnɛ min mbe bɔ mɔgbuya ta chia a, ɛ na kuɔ fɔ saya an na.

GBOO FEAN BƆƐ KƆYINDI KO A 7:10 ပူးပေါင်းရင်းမြစ်များ

MATIU 26:75

Mbɛ a puin‑da Pita yii ma, mbɛ Chisɔsi na‑a a fɔ wan a ye, a ɔ, “Pita, tɛ kɔnɛ e na konchee, e a fɔ‑a wan yɔ i ma n sɔn, gba sawa ko a.” Chɛ‑a a ma wan, Pita bɔ‑a baa ma, mbɛ a puyɛ‑a di a.

DUKU 15:10

A chia dɔndɔ gbe chɛ a, n ni a ma din wo tena, mbɛ ni mɔ dɔndɔ gbe, min mbe ee sɔ ɔ Yataa 'a chia ma, ni a‑a a kan kɔ sɔ a 'a ko yama an na, maeka n bɛɛ bu ɔ dia‑a ka wan.”

DUKU 18:13

“Chɛɛ pawa kain mɔɛ chɛ sɔ‑a wan pɔɔ, a 'a ko yama maenɛ koa‑a a ma, a‑a a kunɛ a bun gbudu. Mbɛ a‑a a boo bun a kaa ɔ, a ɔ, ‘Yataa, chinchin n ma. Ko yama ma mɔɛ mu n na.’ ”

CHISƆSI 'A SƆ MƆƐ NU 11:18

An‑na bai chɛ a min kɛn, an sɛmbɛ‑a wan a ma nyin koe a. Mbɛ an‑na Yataa tando, an dɔ te, “Mbɛ Yataa deman‑da mɔɛ chɛ n bɛɛ ma, miin ma Chu mɔ a. A‑a chia sa wan an bɛɛ ye, an ni an kan kɔ sɔ an 'na ko yama a, mbɛ an‑na kuɔ fɔ fɔɛ ma sɔn.”

CHISƆSI 'A SƆ MƆƐ NU 3:19

Chɛ an fɛ mu, wo wo kan kɔ sɔ wo 'a ko yama n na, mbɛ wo‑a wo ya a mun Yataa ma, min mbe a ma, a ni a boo bɔ wo 'a ko yama n dɔ.

GBOO FEAN BƆƐ KƆYINDI KO A 12:21

N faa gbaaenɛ mu, mbɛ ni n yɛ‑a to nɔ wo tena, n 'na Yataa ɛ a ma‑a wan, a ni n ma yii, wo ya kɔɔ. A sin, n mbe na‑a di chɛ‑a wan, a si mɔɛ chɛ n sɛsɛ wakoe ma, miin na‑a ko yama ma, an sin ma an kan kɔ sɔ ni ko yama ma a. An 'na ko tɛ chɛ, min danka ee ka.

GBOO FEAN BƆƐ KƆYINDI KO A 7:9

Koe n sin mbe ka gbɛ buɛ min dɔ sanche, n bu ɔ di. A ɔ ma di faayɔn chɛ an ko a, n‑na gboo a min be wo ma. Chɛɛ a ɔ di koe min na, faayɔn chɛ‑a a ma, wo ka‑a wo sɔn yama n kun ma. Wo 'a faayɔn chɛ, Yataa‑a an ma ka ko chɛndɛ a. Chɛ ni a ɔ yian, mbɛ nn ma ko yama kan kɔ kan ma ni wo a.

GBOO IBU MƆƐ N KO A 12:17

Wo‑a a ɔ sɔn fan, mbɛ chɛ gbakɔ, a toen ni a fa ni a dua, chɛɛ chɛ nii bɛn to. Koe min na mu, a na‑a chia yan fan boo ɔ boo, dua chɛ ma sɔn koe a, chɛɛ a nii ma a ma sɔn ni. A na‑a di chɛ wɛɛ, chɛɛ a nii ma che ni, ko ɔ ko ka‑a a gba ɔ.