GBOO FEAN BƆƐ KƆYINDI KO A 6:9 - Yataa 'a Dɔbɛnɛ Nama

⁹ Mɔɛ dɔ n sin dɔ, mɔ ɔ mɔ ma nn sɔn. Chɛɛ chɛ gbɛɛ ɔ, mɔɛ n‑na nn sɔn fan. Saya ɛ ben‑da nn san‑da, chɛɛ yɔ wo‑a a ɔ yen buɛ min dɔ, nn mbe wɛ tun fɔɛ ɔ. An mbe nn tɔɔya tena wɛɛ boo ɔ boo, chɛɛ nn ma fa ni.

GBOO FEAN BƆƐ KƆYINDI KO A 6:9 ပူးပေါင်းရင်းမြစ်များ

CHISƆSI 'A SƆ MƆƐ NU 17:18

Kan chɛ mɔɛ dɔ nu to, miin ni kanɛ chɛ a si Ɛpikuyian koe ma, ni dɔ nu, miin ni kanɛ chɛ a si Sitoiki koe ma, an bɛɛ‑a Pɔɔ kɔɔsa bia wan. An dɔ, “Gboo kaa ma chɛ ɛ ka fen fɔ tena?” Mbɛ dɔ n sin‑na a fɔ, an dɔ, “Mɔɛ ɛ a yen, yɔ ɛ ka bai sa tena, a si sonda yataa n fan ma.” An‑na chɛ fɔ koe min na, Pɔɔ ni Yataa bai sa tena, a si Chisɔsi an ma, ni a kɔɔ sɔ koe a, a ka saya ɔ.

CHISƆSI 'A SƆ MƆƐ NU 19:26

Sanche gbɛ, wo wandi, wo e a ɔ yen tena wan, koe min mbe chɛ tena a ɔ. A yɛ to, wo e a a min tena wan. Ɛfisɔsi dechee ma, chɛɛ a maen fan mu gbɛ yɔ Esia chɛnyɛ gbɛɛ ɔ, Pɔɔ chɛ ɛ mɔɛ n yiima mun tena buɛ min dɔ, a si mmɔ 'a wai ma. A ɛ a fɔ tena wan mɔɛ n ye, mbɛ mmɔ ɛ yataa miin nyan ka mmɔ boo a, yataa kan kɔ kan ma an na.

CHISƆSI 'A SƆ MƆƐ NU 25:19

Koe miin don‑da an tɛ ɔ dechee, an mu kɔɔsa an na, a si an 'na Yataa fai buɛ ma. A yɛ to, a si kamin dɔndɔ wakoe ma, min tɔ mu Chisɔsi. Kamin chɛ fa‑a wan, chɛɛ Pɔɔ ɔ te, a ɛ fɔɛ ɔ.

CHISƆSI 'A SƆ MƆƐ NU 25:26

Chɛɛ ko gbu ee nɔ, n mbe min nyɛn, a si a ma, kun ti wa chɛ tena. Chɛ an fɛ mu, n na‑a Pɔɔ chɛ a, wo gbɛɛ chen kɔɔ, a bɛɛ bɛɛ i wan Mansa Akipa, wo wandi ni a a bai kɔɔ gbɛngbɛn. Koe ɛ ma‑a wan nɔ, n mbe min nyɛn.

GBOO DOMI KO A 15:19

A yɛ to, a bɔ‑a to koe n tɔmɔsi gbau gbau n dɔ, a basan kamaya koe wa n na, n‑na miin ma. A sin, Yataa Nyina‑a gbasaya be n ma koe chɛ n gbɛɛ ma koe a. A sin chia chɛ a mu, Yataa 'a sakana bai chɛndɛ chɛ a si Chasi ma, n‑na a sa wan kan kɔ kan, a ka Chuusaɛn duu ɔ, a ta Idiikɔn chɛnyɛ ɔ.

GBOO DOMI KO A 8:36

Yɔ Yataa 'a gboo‑a a fɔ buɛ min dɔ, a ɔ, “I wan Yataa ko a, nn mbe wan saya ma chianɛ kɔɔ tee ɔ tee a, nn mbe wan gbɛ dechee yɔ sa miin mbe sɔ ɔ yuu a, fa koe a.”

GBOO SAA KƆYINDI KO A 11:32

Chɛɛ Mansa Yataa ɛ kaa a tɛ‑a wan mmɔ ma gbɛ, mbɛ a‑a mmɔ koo. Chɛ an mbe a ma‑a, tee dankama tee kɔɔ, ɛ ma‑a kaa a tɛ‑a dunya chɛ ma mɔɛ n ma, a ee na‑a mmɔ wɛɛ sa‑a an kun ma, a ni mmɔ a tɔɔya.

GBOO SAA KƆYINDI KO A 15:31

N suun ma nyɔɛ nu Chasi ɔ, tee ɔ tee a, n kaa ɔ kaen fan mu saya ko a. N mbe yonka tɛ wan wo wakoe ma, a si fɔɛ chɛ ma, mmɔ ɛ min dɔ. Mmɔ ɛ wan kuiɛ dɔndɔya ɔ, mmɔ bɛ mmɔ 'a mansa Chisɔsi Chasi a. An fɛ mu, n mbe chɛ fɔ tena den.

GBOO SAA KƆYINDI KO A 4:9

Chɛɛ n ta yiinachii ɔ, mansa ma nn na. Nn fan, Chasi 'a sɔ mɔɛ chɛ nu, nn maen fan mu yɔ mɔɛ nu, Yataa‑a miin ma yii, ma yii dankama a. Nn mbe wan yɔ mɔɛ nu, ya ɔ sɔɛ n mbe ta miin na, an mbe an fa mɔɛ gbɛɛ ya kɔɔ. Ɛ ka wan, koe min na mu, mɔɛ gbɛɛ ya an mbe nn na. Mɔ gbu n bɛ maeka n na, an ya an mbe nn na, kɔ an ni a ɔ yen, koe min mbe ma‑a nn na.

GBOO FEAN BƆƐ KƆYINDI KO A 11:6

An ni a fɔ wɛɛ n ma kosan koɔ‑a, chɛɛ yiimatɛ nan tana, a been fan mu n ma. Chia ɔ chia a, nn‑na chɛ ɔ yian fan wo a, ko ɔ ko ɔ.

GBOO FEAN BƆƐ KƆYINDI KO A 4:2

Chɛɛ nn‑na nn yii na chii, nn ma nn boo chɛ ni mauma koe kan kɔ kan dɔ, a ni ma nun dɔ wɛɛ a. Nn sin mbe ee koe n ma, miin mbe mɔɛ n bun. Nn gbu sin mbe ee Yataa 'a bai ma sa chia ɔ chia a. Chɛɛ nn mbe fɔɛ min dɔ, Yataa chen kɔɔ, basɔmaya da faenɛ kɔɔ mu. A sin, chɛ ɛ na tena wan pɛmbɛ a nn ko a, mɔɛ gbɛɛ tena, yiinachii chɛndɛ ɔ.

GBOO FEAN BƆƐ KƆYINDI KO A 5:11

Nn‑na a ɔ sɔn fan, Mansa Yataa ma chianɛ mu koe min na. Chɛ an fɛ mu, nn mbe butuin chɛ mɔ dɔ mende yiima mun koe a chɛndɛ, a si a ma. Yataa‑a nn sɔn fan chɛndɛ chɛ. A sin, n yii na tɛen fan mu, wo ta yiinachii gbu wɛɛ ɔ, wo‑a n sɔn fan.