GBOO FEAN BƆƐ KƆYINDI KO A 6:7 - Yataa 'a Dɔbɛnɛ Nama

⁷ Sakana bai chɛ wɛɛ, nn mbe min sa, Yataa 'a gbasaya an mbe a ɔ. Chɛɛ chɛ fenɛ miin mbe nn boo nyima a, an mbe to nn manɛ a, an mu nn tan buɛ an na, nn tandenɛ min chɛen mu Yataa tena.

GBOO FEAN BƆƐ KƆYINDI KO A 6:7 ပူးပေါင်းရင်းမြစ်များ

MAKI 16:20

Mbɛ a fɛ denɛ n ta‑a kan kɔ kan, an mbe ben‑da sakana bai chɛndɛ chɛ ɔ yian‑da mɔɛ n na. Mansa Chisɔsi sin basan‑da wan an ma, an 'na wai gbɛɛ ɔ. A sin, a‑a a ɔ yian tɔmɔsi n dɔ, miin ni yen an 'na sakana bai gbaa chia a, mbɛ an mbe tea chia an na.]

CHISƆSI 'A SƆ MƆƐ NU 11:21

A sin, Mansa Yataa 'a gbasaya ni wan an kun ma. Mɔ sɛsɛ sin‑na an kai fa wan Mansa Chisɔsi a, mbɛ an‑na an ya a mun a ma.

GBOO SAA KƆYINDI KO A 1:24

Chɛɛ mɔɛ dɔ n‑na a ɔ sɔn fan, mbɛ Chasi chɛ, an mu Yataa 'a gbasaya a, an mu a 'a yiimatɛ a. Mɔɛ chɛ nu, Yataa‑a miin chee bauncha ma sɔn koe a. An ni ma Chu mɔ a, an ma ma Chu mɔ a, an‑na chɛ ɔ sɔn fan.

GBOO FEAN BƆƐ KƆYINDI KO A 13:4

Koe min na mu, tima min na an ni Chasi gbangban tena kɔn gbengbandenɛ ma, a fa koe a, a nii ma gbasaya yian ni. Chɛɛ ɛ tun fɔɛ ɔ, Yataa 'a gbasaya ɔ. Chɛ an fɛ mu, gbasaya ee nn bɛɛ boo ɔ, nn mu ka buɛ min dɔ mɔ dɔndɔɛ n na Chasi a. Chɛɛ wo e a ɔ yen‑da wan, Yataa 'a gbasaya ɔ, nn mbe fɔɛ ɔ, nn bɛ Chasi a, wai chɛ koe a wo ko a.

GBOO FEAN BƆƐ KƆYINDI KO A 2:17

Koe min na mu, nn mbe ee ka yɔ mɔ sɛsɛ dɔ nu, miin mbe Yataa 'a bai ya, fen sɔn koe a a ɔ dechee. Chɛɛ Yataa an‑na nn sɔ. An fɛ mu, nn fan wai chɛ mɔɛ nu Chasi ye, nn mbe a 'a sakana bai ɔ yian tea chia a, a chen kɔɔ.

GBOO FEAN BƆƐ KƆYINDI KO A 4:2

Chɛɛ nn‑na nn yii na chii, nn ma nn boo chɛ ni mauma koe kan kɔ kan dɔ, a ni ma nun dɔ wɛɛ a. Nn sin mbe ee koe n ma, miin mbe mɔɛ n bun. Nn gbu sin mbe ee Yataa 'a bai ma sa chia ɔ chia a. Chɛɛ nn mbe fɔɛ min dɔ, Yataa chen kɔɔ, basɔmaya da faenɛ kɔɔ mu. A sin, chɛ ɛ na tena wan pɛmbɛ a nn ko a, mɔɛ gbɛɛ tena, yiinachii chɛndɛ ɔ.

GBOO FEAN BƆƐ KƆYINDI KO A 7:14

N gbu na‑a wo ma yonka tɛ wan a tena, wo sin ma n na mau ni. Tima ɔ tima ko a, nn‑na bai miin gbɛɛ fɔ wo ye, tea nu mu. A sin, a chia dɔndɔ gbe chɛ a mu, nn‑na yonka min tɛ Taitɔsi tena, a si wo ma, a wɛɛ ma‑a tea a.

Gboo Ɛfisɔsi Ko A 1:13

A sin, a ma‑a ka wan wo wɛɛ a. Wo wan, wo wɛn‑na sakana bai chɛ a min, tea mu min na, min mbe wo baun. Wo sin‑na wo kai fa wan Chisɔsi Chasi a, mbɛ a‑a Yataa Nyina a na, wo too ɔ dia‑a min na, wo kun ma fɛn koe a.

Gboo Ɛfisɔsi Ko A 3:20

Mmɔ Yataa tando, min 'na gbasaya ɛ wai chɛ tena mmɔ ɔ. A gbasaya ɛ wan Yataa boo ɔ, koe n ma koe a mmɔ yii nii miin dɔ. Ɛ koe n ma wan, miin koo an ni ben chɛ n ma, mmɔ ɛ a ɔ tisa miin ma koe a.

Gboo Ɛfisɔsi Ko A 4:21

Wo wandi gbu‑a a ɔ sɔn fan, mbɛ an‑na bai sa wan wo tena, a si a ma. A sin, an‑na wo kan fan, wo ma koe a mɔ dɔndɔɛ a, wo bɛ Chasi chɛ a. Tea chɛ sin, sakana chɛndɛ chɛ, ɛ min fɔ, a sien mu a wan Chisɔsi an ma.

Gboo Kɔdɔsai Ko A 1:5

Wo e chɛ ma, a mu min na, wo yii na tɛenɛ mu koe chɛ an ma, Yataa‑a min sa tena ɔ bɛn wo ya ɔ banda bu ɔ. Tea bai chɛ, min mu sakana bai chɛndɛ a, a‑a a fo kɛn wo ma tima saa saa ko a, wo‑a a a min fan, ɛ na yiinatɛ min na.

Gboo Saa Tɛsadonika Ko A 5:8

Chɛɛ mmɔ tana, tee kɔɔ mɔɛ mu mmɔ a, mmɔ yiima sien fan mu chidi. Mmɔ kai faenɛ ni ma Yataa a, mmɔ ni to mɔ dɔ mende n na. Chɛ ni mmɔ konde gbain, yɔ a 'a chɛɛ chɛ doma an mbe mmɔ ma. Yiinatɛ ni ma mmɔ ɔ, mbɛ bauncha ɛ wan mmɔ ko a. Chɛ ni ma chɛɛ chɛ banfua a mmɔ kun na.

2 TIMOTI 2:15

Butuin chɛ, min mbe a ma, Yataa faa ni chima i a. I ni ma wai chɛ mɔɛ chɛndɛ a, min mbe ee mau, a wandi gba ma, min mbe Yataa 'a bai kan tena teaya buɛ ɔ.

2 TIMOTI 4:7

N‑na butuin chɛndɛ chɛ chɛ, n che‑a a danka a. N sin ma ka ni n 'na danaya gbee a.

GBOO IBU MƆƐ N KO A 2:4

Yataa wandi wɛɛ, a na‑a a ɔ yian fan, mbɛ tea mu sakana bai chɛ a. A na‑a chɛ ma kamaya koe sɛsɛ n fan dɔ. A yɛ to, a ni a ma wan to, a Nyina ni mɔɛ n dua chia sɛsɛ n na. Ni Yataa wandi toen ni chɛ ni ma, tima ɔ tima ko a, a ni ma wan.

CHIMISI 1:18

Yataa wandi gbu ta dɔbɛn chɛndɛ ɔ mu, a‑a mmɔ ya a ta denɛ n na. Yataa‑a a ma wan, a 'a bai, min mu tea a, a‑a fɔɛ nama be mmɔ ma. Chɛ‑a a ma wan, fen fen a na‑a min na dan, mmɔ wan mu a saa a.