GBOO FEAN BƆƐ KƆYINDI KO A 6:6 - Yataa 'a Dɔbɛnɛ Nama

⁶ Nn‑na a ɔ yian fan, mbɛ nn mbe wai chɛ tena Yataa an ko a. Nn sɔnɛ a koen fan mu Yataa tena, a 'a yiimatɛ ɛ wan nn dɔ, nn mbe nn faa bia wan. A sin to, nn mbe ko chɛndɛ ma wan mɔɛ n na. Yataa Nyina ɛ wai chɛ tena wan nn dɔ, koadia wɛɛ ɛ nn faa ɔ.

GBOO FEAN BƆƐ KƆYINDI KO A 6:6 ပူးပေါင်းရင်းမြစ်များ

GBOO DOMI KO A 12:9

Ni i bɔɛ ko a dia‑a i ye, a ko a ni dia i ye i faa gbɛɛ a. Wo ma to ko yama a, chɛɛ wo ko chɛndɛ ma an bia wo boo fea a.

GBOO DOMI KO A 15:19

A yɛ to, a bɔ‑a to koe n tɔmɔsi gbau gbau n dɔ, a basan kamaya koe wa n na, n‑na miin ma. A sin, Yataa Nyina‑a gbasaya be n ma koe chɛ n gbɛɛ ma koe a. A sin chia chɛ a mu, Yataa 'a sakana bai chɛndɛ chɛ a si Chasi ma, n‑na a sa wan kan kɔ kan, a ka Chuusaɛn duu ɔ, a ta Idiikɔn chɛnyɛ ɔ.

GBOO SAA KƆYINDI KO A 12:8

Mɔɛ dɔndɔɛ ɛ nɔ, Yataa Nyina‑a sakana bai min don a da a, a fɔ koe a mɔɛ n ye, yiimatɛ wa an be a ɔ. Mɔɛ dɔndɔɛ sin, Nyina dɔndɔ chɛ‑a a ma wan, yiimatɛ bai wa, ɛ ma a da a bai ɔ.

GBOO SAA KƆYINDI KO A 13:4

Faabia, an mbe koadia ɔ, a basan chinchimaya a. Toomaya ee koadia ɔ, yonkatɛ ee a ɔ, dɔpandaya wɛɛ ee a ɔ.

GBOO SAA KƆYINDI KO A 2:16

Tea an nɛ, koe min na mu, a nyɛnden fan mu Yataa 'a gboo ɔ, mbɛ mɔ ɔ mɔ ee Yataa Mansa yii ma koe ɔ sɔn, mɔ ɔ mɔ ee a sɔ chia ma. Chɛ wɛɛ ni ma, mmɔ wɛn, Yataa Nyina 'a gbasaya ɛ mmɔ ɔ, Chasi 'a yiinachii ɛ wan mmɔ ɔ.

GBOO SAA KƆYINDI KO A 2:4

A sin, n da a bai nu, daɔdia nii ma, yiimatɛ ɔ yian koe a. Chɛɛ n ni sakana bai miin dɔ yian, an ni a ɔ yian fan, mbɛ Yataa Nyina an ni n fɛ, an wai chɛ n chɛ‑a.

GBOO FEAN BƆƐ KƆYINDI KO A 1:23

Chɛɛ Yataa an mu n 'na sii a, a si bai chɛ ma, n mbe ka min fɔ‑a wo ye. Mbɛ n toen ni, n ni wo to wan nɔ, an na‑a a ma n ma yɛ ni nɔ wo tena Kɔyindi duu ɔ.

GBOO FEAN BƆƐ KƆYINDI KO A 11:11

N mbe chɛ fɔ tena, wo wakoe an ma don ni n ma, n toen fan mu wo a. Yataa‑a chɛ ɔ sɔn fan.

GBOO FEAN BƆƐ KƆYINDI KO A 11:4

Koe min na mu, wo e wo boo a si wan mɔɛ kɔɔ, buɔdia ɔ, min mbe na wo tena, ɛ bai ɔ yian, a si Chisɔsi dɔ mende ma. Chisɔsi chɛ ma, nn‑na sakana bai chɛndɛ ɔ yian, a si min ma. Mbɛ wo‑a wo boo si nyina dɔ mende kɔɔ, min ma Yataa Nyina a. Wo‑a wo boo si to sakana bai dɔ mende kɔɔ, min kaen mu chɛ ma, wo na‑a wo boo si tee min kɔɔ. Wo‑a wo wandi be a ma, ko ɔ wuu ma a.

GBOO FEAN BƆƐ KƆYINDI KO A 11:6

An ni a fɔ wɛɛ n ma kosan koɔ‑a, chɛɛ yiimatɛ nan tana, a been fan mu n ma. Chia ɔ chia a, nn‑na chɛ ɔ yian fan wo a, ko ɔ ko ɔ.

GBOO FEAN BƆƐ KƆYINDI KO A 12:15

Ɛ ma wan buɔdia n ma, n ni n boo fenɛ gbɛɛ be, a basan n fandi gbu wɛɛ a, basan koe a wo ma. N mbe chɛ ma‑a wan, n 'na koadia kun ma ɛ sa‑a wan wo ko a, n ta ma ni dɔɔya wɛɛ wo faa ɔ.

GBOO FEAN BƆƐ KƆYINDI KO A 13:10

Chɛ an fɛ mu, n mbe gboo chɛ nyɛn tena, wo tena, n mbe ee tima min na wo baima. N mbe chɛ ma tena, min mbe a ma, ni n‑na a fo wo ma tima min na, n mbe ee na‑a wo bia‑a faaakɔɔɛ a. N mbe ma‑a gbasaya chɛ a tachɛ‑a, Mansa Chisɔsi‑a min be n ma, wo ɔ gbɛa koe mu, wo yɔn koe ma.

GBOO FEAN BƆƐ KƆYINDI KO A 2:10

Mɔ ɔ mɔ, wo e min to‑a nɔ, a 'a ko yama ko a, n bɛɛ n mbe a to‑a wan nɔ. N‑na ko ɔ ko min to nɔ, ni tataya koe gbu ma wɛɛ, n mbe a ma‑a wan wo ko a, Chasi chen kɔɔ.

GBOO FEAN BƆƐ KƆYINDI KO A 2:4

N‑na gboo saa chɛ nyɛn wo tena tima min na, n faa yɔnden ni kaka, n bu ɔ nii ma di ɛnden bɛɛ a, di an ni n ya a. N 'na yiinachii nii ma, n ni wo faa yɔn. Chɛɛ n toen ni wo ni a ɔ sɔn, wo 'a koadia da a koo buɛ min dɔ n faa ɔ.

GBOO FEAN BƆƐ KƆYINDI KO A 3:3

Wo gbu sin mbe a ɔ yian tena wan, mbɛ nn‑na wai min chɛ, a gbɔɛ mu wo wan na. Mbɛ gboo mu wo a, min ka‑a Chisɔsi Chasi tena. Wo ta gbooya sin dɔ, wo ma nyɛn ni pɛnɛ inki an na. Chɛɛ Yataa Nyina, min mbe fɔɛ be, an‑na wo nyɛn. A yɛ to, wo ma nyɛn ni sen sɛndenɛ an ma, chɛɛ a‑a wo nyɛn mɔɛ n faa ɔ wan.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

GBOO FEAN BƆƐ KƆYINDI KO A 7:2

Kaina ni ma wo faa ɔ, nn ko a. Koe min na mu, nn ma baa ni mɔ ɔ mɔ ma, nn ma mɔ ɔ mɔ sɔ ni chia yama ma, nn ma mɔ ɔ mɔ kafa ni.

Gboo Kadesia Ko A 3:2

N mbe chɛ an fɔ tena dechee wo ye. Wo bea koe a sawa chɛ fɛ, an mbe ee a ma, Yataa Nyina ni bea wo fɛ. Chɛɛ wo dan sakana bai chɛndɛ chɛ a, ni wo‑a a min, an mbe a ma, ɛ bea wo fɛ.

Gboo Kadesia Ko A 3:5

Yataa‑a a Nyina bea wan wo fɛ, a‑a kamaya koe n ma wo tɛ ɔ. Chɛɛ chɛ an‑na a ma, Yataa na‑a chɛ ma. Wo na‑a sakana bai chɛndɛ chɛ a min fan, a si Chisɔsi ma, a yɛ to, wo‑a wo kai fa wan Chisɔsi a. A nii ma chɛ ma ni, a mu min na, wo bea‑a sawa fɛ.

Gboo Kadesia Ko A 5:22

Chɛɛ ni Yataa Nyina ma‑a mɔɛ fɛ, ɛ a mɔɛ chɛ ma ka wan. An fan nɛ koadia a, buɔdia, faachima, faabia, ko chɛndɛ ma, mɔ chɛndɛya, ni mɔɛ ma koe danaya tɔɛ a.

Gboo Ɛfisɔsi Ko A 3:4

Ni wo‑a gboo nyɛnden chɛ kan, wo yii ɛ ta‑a wan nɔ, mbɛ n‑na koe chɛ n dɔ gbɛ wan, a si Chisɔsi Chasi ma.

Gboo Ɛfisɔsi Ko A 4:2

Tima ɔ tima ko a, wo ni wo wandi ma yii, wo faa ma gbandia, wo sin ni wo faa bia. Wo wo faa bia wo nyɔn na. Wo e kun‑da wan koadia yian‑da.

Gboo Ɛfisɔsi Ko A 4:32

A sin to, wo faa ni nyan wo nyɔn ko a, wo ni ko chɛndɛ ma wo nyɔn na. A yɛ to, wo ni wo boo bɔ ko yama n dɔ, wo bɔɛ n mbe miin ma wo a, yɔ Yataa‑a a ma buɛ min dɔ, Chisɔsi Chasi ɔ, ɛ a boo bɔ wo 'a ko yama n dɔ.

Gboo Kɔdɔsai Ko A 1:27

Yataa toen ni, a ni a ɔ yian mɔɛ chɛ n na, a‑a koe min dɔ nun an ma. An koe ma kawaen ni, a sin dua wa ni, mɔɛ n ko a, miin nii ma Chu mɔ a. An koe ɔ nundenɛ gbu an nɛ, mbɛ Chasi wakoe ɛ wan wo wɛɛ faa ɔ, min mu wo 'a yiinatɛ a, Yataa 'a basɔmaya ma sɔn koe a.

Gboo Kɔdɔsai Ko A 2:3

Chasi an mu mɔɛ a, min mbe a ma, mɔ gbu ni Yataa 'a yiimatɛ gbɛɛ ɔ gbɛ, min maen mu yɔ nyan fenɛ min nundenɛ ɛ.

Gboo Kɔdɔsai Ko A 3:12

Wo gbɛɛ, wo e gbɛ Yataa an na boo ma. A to‑a wan wo a, a sin‑na a boo sɔ wan wo ma, a ta mɔɛ n na. Chɛ an‑na a fɔ, chinchimaya faa ni ma wo ɔ, ni ko chɛndɛ ma faa. A yɛ to, wo ni wo wandi ma yii, wo ni wo ma chima, a sin, wo ni wo faa bia.

Gboo Saa Tɛsadonika Ko A 2:10

Wo wandi gbu an mu nn 'na sii n na, ni Yataa wɛɛ. Mbɛ tɔmbɛ kan kɔ kan nii nn ma. Nn tanden fan ni, a yɛ to, nn sɔnɛ a koe n ni wo gbɛɛ tena, wo wɛn kai faen mu Chasi a.

1 TIMOTI 4:12

I ma a ma mɔ ɔ mɔ ni a yii dɛn i ta kun ma, i kamin tɔngbɔya koe a. Chɛɛ ma tɔmɔsi a an ko a chia sɛsɛ a, i da a bai basan i sɔnɛ ɔ, koadia ɔ, danaya ɔ Chisɔsi a, a sin ma bɔ ee i sɔnɛ ma.

1 TIMOTI 5:2

Sunkun tɔngbɔɛ n bia yɔ i tensa musu nu, musu ko kan kɔ kan ma na i yii ma an ko a, mbɛ i‑a chenan musu n bia yɔ i de.

2 TIMOTI 3:10

Chɛɛ i tana gbɛ, i ban‑da n 'na kan chɛ buɛ ma mɛn‑da, ni n sɔnɛ, n yii ma koe fɔɛ ɔ, n 'na danaya Chisɔsi a, n 'na faabiaya, koadia n dɔ, a basan n 'na ko ɔ bia a.

2 TIMOTI 4:2

Sakana bai chɛ ɔ yian mɔɛ n na, tee kɔɔ sona kɔɔ, i ma bɛn a ɔ yian koe a. Mɔɛ n yiima mun, an‑na ko yama fɔ an ye, mbɛ i‑a an faa ma nande, e ta‑a i faa bia‑a an na, ni i ma‑a an kan‑da.

TAITƆSI 2:7

A ɔ yian chia ɔ chia a, ko chɛndɛ ma ɔ, mbɛ mɔ chɛndɛ mu i a. A sin, ni i ma‑a kanɛ chɛ a, a yian mbɛ mɔ tandenɛ mu i a, basɔmaya ni ma i a kan chɛ ma.

CHIMISI 3:17

Chɛɛ koe saa saa mu min na, Yataa ta yiimatɛ, ko ɔ ko ee a ma. Sɔnkɔ sɔnkɔ ee a kɔ chia a, faachima an mbe a ɔ. A yɛ to, basamaya an be a ɔ, chinchimaya, ni ko chɛndɛ ma. Yiimatɛ an nɛ, min mbe ee mɔ ya bɔ, nɛnɛn feaya sin mbe ee a ɔ.

1 PITA 1:12

Yataa na‑a a ma wan, a 'a gbonka chɛ mɔɛ chɛ n‑na a ɔ sɔn, mbɛ an mbe ee wai chɛ tena an fandi an ko a. Chɛɛ an mbe a chɛ tena wo wan ko a. Koe min na mu, an na‑a bai sa suun a si koe chɛ n fan ma, wo‑a miin na min ka sanche mɔɛ chɛ n da ɔ, an mbe ma sakana bai chɛndɛ ɔ yian‑da. Yataa Nyina min ka‑a banda bu ɔ, an mbe gbasaya chɛ be an ma. An koe chɛ n fan gbu sin mu, maeka n bɛɛ toen mu, an ni miin dɔ gbɛ.

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.

1 CHƆN 3:18

N 'na denɛ nu, mmɔ 'a koadia, a ma ma dechee bai n na, mmɔ ɛ miin fɔ. A ni ma tea koadia a, min dɔ ɛ yian mmɔ chɛ chɛ wai an dɔ.