GBOO FEAN BƆƐ KƆYINDI KO A 6:5 - Yataa 'a Dɔbɛnɛ Nama

⁵ A yɛ to, an‑na nn gbasi wan, an‑na nn sa pimbi chenɛ a, an‑na koɛ bun nn ma. A ma‑a wan nn‑na wai chɛ, a ɔ benden ba gbu a. A sin to, chinɔ nii nɔ, daun fen bɛɛ nii nɔ.

GBOO FEAN BƆƐ KƆYINDI KO A 6:5 ပူးပေါင်းရင်းမြစ်များ

MATIU 14:10

Mbɛ an ta‑a, an‑na a kunɛ tɛ a a.

MATIU 14:3

Mansa Ɛdɔdi na‑a chɛ fɔ koe min na, a na‑a a kɔɔ kaima Fiipi 'a musu bɔ wan a boo ɔ, bɔɔɛ Ɛdɔdiyasi. Chɔn ni a fɔ wan a ye, mbɛ a‑a ko yama an ma ka. Ɛdɔdiyasi wakoe a, Mansa Ɛdɔdi‑a mɔɛ n sɔ Chɔn bia koe a. An‑na a chii, mbɛ an‑na a a dɛ pimbi chenɛ a.

MATIU 9:15

Mbɛ Chisɔsi ɔ, “Ni mɔɛ‑a musu si bɛnɛ chee, mbɛ a bɔɛ n na kan‑da, daun chɛ koe a mu. An mbe ee to nɔ a chen kɔɔ an ni ma faayɔnɛ ɔ. Chɛɛ tima min na mɔɛ n mbe musu si kai chɛ ya‑a an tɛ, a tima a mu an mbe sunɛ bia‑a.

CHISƆSI 'A SƆ MƆƐ NU 13:3

Mbɛ an ban‑da sun bia‑a, a basan samun chɛ a, an‑na an boo bun fan an ma, an‑na an dua, mbɛ an‑na an na ta.

CHISƆSI 'A SƆ MƆƐ NU 14:19

Chɛɛ Chu dɔ n ka‑a wan Andiɔki duu ɔ, Pisidia chɛnyɛ ɔ, dɔ n bɛɛ ka‑a Ikoniɔn duu ɔ. An‑na a ma wan, mɔ fanka chɛ n yiima mun‑da, an‑na Pɔɔ ma bon bon fan, mbɛ an‑na a konkon, a bɔ duu ɔ. A ni an yii ma, mbɛ a fa‑a.

CHISƆSI 'A SƆ MƆƐ NU 14:23

Mbɛ an‑na gbakoo n yian, an 'na chɔchi n gbɛɛ ɔ. Mbɛ an 'na sunɛ bia, an mbe ta‑a samunɛ chɛ‑a, mbɛ an‑na an konan Mansa Chisɔsi ma, an kai faen ni min na.

CHISƆSI 'A SƆ MƆƐ NU 17:5

Chɛɛ toomaya faa chɛ‑a wan Chu mɔɛ n dɔ, min‑na a ma, an‑na tataya tɔɛ n na sɔn sɔn dani ma ben‑da, gbunɛ a bea koe a. An ben‑da wan duu ɔ yee tɛ‑a, mbɛ an‑na butuinɛ a bea kamin dɔndɔ 'a chenɛ a. Kamin chɛ tɔ ni Chason. A ni wan an yii ma, mbɛ Pɔɔ an fea Sidasi a, an ni an bɔ nɔ, mbɛ an ta‑a an 'na mɔɛ n tena baa ma.

CHISƆSI 'A SƆ MƆƐ NU 20:31

Chɛ an fɛ mu, wo wo wandi kun ma fɛn, mɔ bonda chɛ n boo ɔ. Wo wo yii na chii, mbɛ su ɔ tee a, n ni wo a si wan. N‑na chɛ ma wan san sawa ko a, di a n ya a.

CHISƆSI 'A SƆ MƆƐ NU 23:10

An to‑a kɔɔsa chɛ an dɔ, mbɛ a ma‑a sɔnkɔ sɔnkɔ wa a. Chɛ‑a a ma wan, soya chɛ n kun ti chɛ chian‑da, mbɛ a‑a a yii na chii Pɔɔ bɔ koe a an tɛ ɔ, an ma na a a panda panda an boo a. Mbɛ a‑a a fɔ a 'a soya mɔɛ n ye, a ɔ, an ni ta, an ni Pɔɔ bɔ an tɛ ɔ gbasaya a, an ni na a a baachi ɔ.

CHISƆSI 'A SƆ MƆƐ NU 23:35

mbɛ a‑a a fɔ a ye, a ɔ, “N mbe n too ma sɔ‑a wan i 'a bai chɛ ma, ni mɔɛ chɛ n na‑a, koɛ ɛ wo tɛ miin na.” A ɔ, an ni Pɔɔ a don kata chɛ ɔ, Mansa Ɛdɔdi Wa na‑a min sɔ.

CHISƆSI 'A SƆ MƆƐ NU 24:27

Chɛɛ san fea ben‑da kɛn, Kɔfana Fedisi bɔ‑a wan kɔfanaya ma. Mbɛ Pɔsiyɔsi Fesɔsi yɛ‑a a gba ɔ. Kɔfana Fedisi toen fan ni, a ni a ɔ yian, mbɛ a ni deman tena wan Chu mɔɛ n ma, min‑na a ma, a‑a Pɔɔ da a tɔndenɛ to pimbi chenɛ a.

CHISƆSI 'A SƆ MƆƐ NU 26:10

N‑na chɛ an ma Chuusaɛn duu ɔ. N‑na a ma wan, Chu mɔɛ n tɛ mɔɛ nu Yataa a, an 'na mansa, a‑a gbasaya be n ma, n‑na Yataa 'a mɔɛ n sa pimbi chenɛ a. Chɛ dechee nii ma, chɛɛ an ni kɛn kaa a tɛ‑a, an fa koe ma, n‑na toa si wan a kɔɔ.

CHISƆSI 'A SƆ MƆƐ NU 26:29

Mbɛ Pɔɔ‑a a fɔ, “A ɔ ni yansan fan, a ɔ ni wua wan, n ma to ni i dɔndɔ gbe a, chɛɛ mɔɛ tɔɛ gbɛɛ, miin mbe n kuiɛ a min tena ka bi, an ni ma Yataa tena, yɔ n mbe buɛ min dɔ. Yɔɔɛ chɛ dechee, n boo ma, an ma ma an ta ma.”

CHISƆSI 'A SƆ MƆƐ NU 28:30

San fea ko a, Pɔɔ ni wan nɔ Domi duu ɔ, an chen chɛ a, a wandi kun ma a a. A sin, a ni a boo si wan mɔɛ gbɛɛ kɔɔ, miin ni na a tena.

CHISƆSI 'A SƆ MƆƐ NU 5:18

Mbɛ an‑na Chisɔsi 'a sɔ mɔɛ chɛ n bia, mbɛ an‑na an sa pimbi chenɛ a.

GBOO SAA KƆYINDI KO A 15:10

Chɛɛ Yataa 'a koadia demanɛ ɔ, n ma‑a mɔɛ a, n mu mɔɛ min na. A 'a koadia demanɛ chɛ sin, a‑a min be n ma, chia yen‑da wan a ma. Chia dɔ mende sin gbu a, n‑na wai chɛ wan, a ben Chasi 'a sɔ mɔɛ tɔɛ kan kɔ kan ma. A maen mu wɛɛ ka boo ɔ boo, mbɛ n fandi an ma a ma ni, n ni koe chɛ n ma. Chɛɛ Yataa 'a koadia demanɛ an na wai chɛ n na.

GBOO SAA KƆYINDI KO A 4:11

A sɔ sanche ma, nn mbe ee daun chɛ tima dɔ a, nn sin kanɛ a ɛ gbaa wan. Nn ma chiienɛ ɛ koa taa an na, nn mbe ee si kaina dɔndɔ, nn sin mbe gbasi ɔ yen ka wan.

GBOO SAA KƆYINDI KO A 7:5

Wo ma ban waa ma basan koe a, wo nyɔn na. Fɔ ni a ma‑a wo 'a dɔbɛnɛ an na, a ma koe a ka, tima kundu ɛnden ko a. Chɛ ni a ma, wo ni tima ya samun chɛ koe a. Chɛɛ chɛ gbakɔ wɛɛ, wo yɛ to wo gba ɔ, fuu ta chia a. Ni wo‑a chɛ ma, wo e na‑a bɔ‑a wan Sitana 'a dɔsimanɛ boo ɔ. Koe min na mu, wo ee na‑a kun‑da wo ni wo wandi kun ma fɛn.

GBOO FEAN BƆƐ KƆYINDI KO A 11:27

N‑na wai chɛ wan n sɔɛ gbɛɛ a. Tima sɛsɛ ko a, n ni chi wan n ya a. Tima sɛsɛ ko a, kɔnkɔɛ‑a n bia wan, n kanɛ a gbaa‑a, a sin n nii daun fen ma sɔn. Tima sɛsɛ ko a, chima ni n bia wan, koa a tenden bɛɛ nii n ma.

Gboo Ɛfisɔsi Ko A 3:1

Chɛ an fɛ mu, n fan Pɔɔ, n mbe samunɛ chɛ tena wo ko a. N fɛn mu ka, n mbe sa ɔ pimbi chenɛ a, koe min na mu, n mbe wai chɛ tena Chisɔsi Chasi ye wo ko a, wo wɛn ma ka Chu mɔ a.

Gboo Fiipai Ko A 1:13

Chɛ‑a a ma gbɛ, mɔɛ gbɛɛ, an‑na a ɔ sɔn, mbɛ n mbe sa ɔ pimbi chenɛ min na, Chasi an fɛ mu. Soya chɛ n gbɛɛ nɛ, miin mbe Domi kun ti wa 'a kata kun ma fɛn, an‑na chɛ ɔ sɔn fan, a basan mɔ sɛsɛ dɔ gbɛɛ n bɛɛ a nɛ.

Gboo Saa Tɛsadonika Ko A 2:9

Nn suun ma nyɔɛ nu Chasi ɔ, wo wandi gbu‑a a ɔ sɔn fan, mbɛ nn‑na wai chɛ wan nn sɔɛ gbɛɛ a. Tima min na nn ni nɔ, su ɔ tee a nn‑na wai chɛ wan, nn fandi deman koe a. Nn nii ma to ni, nn 'na suunɛ ni ma si ɔ wo kun ma, nn mbe ma Yataa 'a sakana bai chɛndɛ chɛ sa‑a.

1 TIMOTI 4:10

Chɛ an fɛ mu, mmɔ ɛ tɔɔ, mmɔ ɛ sɛchɛ kaka. Koe min na mu, mmɔ yiima gbɛɛ a tɛen mu Yataa an ma. A ee chinɔ ɛnden bɛɛ a, ɛ mmɔ baun, a bɛbɛɛ mmɔ wɛn danden mu a a.

2 TIMOTI 1:8

Chɛ an‑na a fɔ, i ma mau mmɔ 'a mansa wakoe ɔ yian koe a mɔɛ n na. N bɛɛ wakoe, i ma mau n ko a, koe min na mu, n mbe pimbi chenɛ a a si Chasi ko a. Chɛɛ Yataa 'a gbasaya ɔ, i wɛɛ i ta mɔnɛ ɔ bia a 'a sakana bai chɛndɛ ko a. A sin mbe a 'a gbasaya be‑a wan i ma.

2 TIMOTI 2:9

Sakana bai chɛndɛ chɛ an fɛ mu n mbe tɔɔ tena ka, n chenɛ ɔ chiienɛ ɛ yɔ sawa yɔn mɔɛ. Chɛɛ Yataa 'a bai chen dɔ ma chii ni.

2 TIMOTI 4:5

Chɛɛ i tana, sɔ chidi. Ko yawaenɛ ɔ bia, i ni i sɔɛ gbɛɛ chɛ Yataa 'a sakana bai chɛndɛ ɔ yian koe a mɔɛ n na. I 'a wai gbɛɛ chɛ, Yataa 'a wai chɛ mɔɛ ɛ min chɛ.

GBOO IBU MƆƐ N KO A 11:36

Dɔ n sin, an‑na an ma yɛn fan, an‑na an bosa. Mbɛ an‑na dɔ n chii yɔɔɛ a, an ta‑a an na pimbi chenɛ a.

GBOO IBU MƆƐ N KO A 13:17

Wo kooya be wo ya ɔ sɔɛ n ma, wo ni bea an da a kuiɛ n fɛ. An fan mbe wo kun ma fɛn tena, tima ɔ tima ko a. Koe min na mu, an mbe na‑a wan a ɔ yian‑da Yataa a, an ni wo kun ma fɛn buɛ min dɔ. Ni wo‑a kooya be an ma, an mbe an 'na wai chɛ‑a buɔdia an na. Ni wo ma kooya be ni an ma, an mbe a chɛ‑a faa yɔnɛ an na. A sin mbe ee ma‑a ko a tenden na wo tena.

GBOO IBU MƆƐ N KO A 13:23

N toen mu wo ni a ɔ sɔn, mbɛ mmɔ suun ma nyɔɛ Chasi ɔ, Timoti, an‑na a boo ka, a bɔ pimbi chenɛ a. Ni a fua‑a na‑a, nn fea, nn mbe na‑a wan wo tena.

KO Ɔ NUNDENƐ 2:10

Wo ma chian tɔɔya kan kɔ kan ma, wo e na tena min chɛ‑a. A yen ko, Sitana ɛ na tena a ma‑a wo dɔ n ni sa pimbi chenɛ a, wo ɔ siman koe a. A sin, wo e tɔɔya ɔ yen‑da wan tee tan ko a. Wo sɔ chidi wo 'a danaya ɔ n na, an ni a fɔ a ni ma saya wɛɛ a wo ko a, wo ma mun. N mbe kuɔ fɔ fɔɛ an be‑a wo ma, wo 'a boo ɔ gbasi woo a.”