GBOO FEAN BƆƐ KƆYINDI KO A 6:4 - Yataa 'a Dɔbɛnɛ Nama

⁴ Chɛɛ nn mbe min ma, nn 'na wai chɛ buɛ gbɛɛ ɔ, nn mbe nn tachɛ buɛ ma mɛn fan, yɔ Yataa 'a wai chɛ mɔɛ nu. A chia chɛ a, nn mbe nn faa bia wan ko gbɛama n dɔ, yakɔɔtawa n dɔ, a basan ko yawaenɛ n dɔ a.

GBOO FEAN BƆƐ KƆYINDI KO A 6:4 ပူးပေါင်းရင်းမြစ်များ

DUKU 21:19

Ni wo sɔ‑a gban, wo e kun‑da wan wo ni kuɔ fɔ fɔɛ ma sɔn wo wandi ko a.”

CHƆN 16:33

N mbe chɛ gbɛɛ fɔ tena wo ye, min mbe a ma, wo ni faachima sɔn. Koe min na mu, mɔ dɔndɔɛ mu mmɔ a, mmɔ gbɛɛ. Ko yawaenɛ n mbe wo tan‑da wan dunya chɛ ɔ. Chɛɛ wo wo faa sɔ, n kun‑da gbasaya ti ma dunya chɛ ɔ.”

CHISƆSI 'A SƆ MƆƐ NU 2:22

Mbɛ Pita ɔ te to, “N bɔɛ Isɔɛɛ mɔɛ nu, wo wo too ma sɔ bai chɛ n ma, n mbe na tena miin fɔ‑a wo ye. Chisɔsi chɛ, min ka‑a Nasaɛti duu ɔ, a mu Yataa wandi 'a sɔ mɔɛ an na. Kamaya koe nu, a ni miin ma, a ni tɔmɔsi miin yian, kɔndɔ fii koe nu, an fan ni a ɔ yian, mbɛ Yataa 'a gbasaya an mbe a ɔ. Wo wandi gbu, wo e siiya bɔ wan an koe chɛ n ma. Koe min na mu, an gbɛɛ ma‑a nɛ wan wo ya kɔɔɛ ma.

CHISƆSI 'A SƆ MƆƐ NU 20:34

Wo wandi gbu‑a a ɔ sɔn fan, mbɛ n fandi gbu 'a taa sende, n mbe an daun, nn bɛ chɛ n na, miin mbe n fɛ.

CHISƆSI 'A SƆ MƆƐ NU 9:16

A sin, n mbe a ɔ yian‑da wan a a gbɛ, a wɛɛ, ɛ mɔnɛ min nyɔn sima ɔ bia‑a n ko a.”

GBOO DOMI KO A 14:18

A sin, mɔ ɔ mɔ min mbe wai chɛ a buɛ chɛ ɔ ka Chisɔsi Chasi ko a, ɛ ma‑a Yataa faa ma koe an na, mɔɛ n bɛɛ bu ɔ dia‑a wan a mɔɛ chɛ ko a.

GBOO DOMI KO A 16:10

N mbe Apɛdesi wɛɛ kɔndɔn tena. A‑a a ɔ yian fan a sɔnɛ ɔ, mbɛ ɛ Chisɔsi an ko a gbu. N mbe mɔɛ chɛ n bɛɛ kɔndɔn tena, miin mbe Ayisɔbudɔsi 'a chenɛ a.

GBOO DOMI KO A 3:5

Chɛɛ a yen ko, ni mɔɛ n‑na ko yama ma, a tima a mu mɔ dɔ mende n mbe a yen gbadan, Yataa ɛ ko chɛndɛ min ma. Chɛɛ chɛ tɛ bɔ buɛ ɛ wan nɔ. Mɔɛ dɔ nu, an mbe a fɔ wan gbu, mbɛ Yataa ee tea ko ma, ɛ ma ka mmɔ tɔɔya min chɛ‑a mmɔ 'a ko yama n ko a. (Chɛɛ n mbe ka koɔ tena dechee, yɔ mɔgbuya ɛ a tasi buɛ min dɔ tima dɔsa a).

GBOO DOMI KO A 5:8

Chɛɛ Yataa‑a a ɔ yian fan mmɔ a, mbɛ a toen mu mmɔ a kaka. Koe min na mu, mmɔ to‑a mmɔ 'a ko yama n fan dɔ, mbɛ Chasi fa‑a mmɔ ko a.

GBOO SAA KƆYINDI KO A 3:5

Chɛɛ n fan Pɔɔ, n ma mɔ a, Apɔdɔsi wɛɛ ma mɔ ɔ mɔ a. Min sin sien mu nn ma, Yataa 'a yɔnɛ gbama mu nn na, miin‑na a ma, wo dan‑da Chisɔsi Chasi a. Mansa Yataa‑a nn sɔ wai chɛ‑a buɛ min dɔ, nn‑na a chɛ ka wan.

GBOO SAA KƆYINDI KO A 4:1

Chɛ ko a, wo nn ya, mbɛ bɔi denɛ mu nn na, Chasi ko a. Nn‑na ko sɛsɛ ɔ sɔn fan, a si Yataa ma, mɔ dɔ gbɛɛ ma min dɔ sɔn. Nn sin fan yaen mu, a ɔ yian koe a mɔɛ n na.

GBOO SAA KƆYINDI KO A 9:11

Nn‑na koe n sa wan wo faa ɔ, Yataa Nyina ɛ miin be. Chɛ ko a, kafa ma, ni nn‑na wo ɔ tisa dunya chɛ ɔ tɔnɔnɛ ko a.

GBOO FEAN BƆƐ KƆYINDI KO A 11:23

Ni wai chɛ mɔɛ mu an na, Chasi ko a, n mbe wɛɛ ka koɔ‑a yɔ woo mɔɛ, chɛɛ an wai chɛ mɔɛ chɛndɛ gbu mu n na, a ben an ma. N‑na wai chɛ, a ben an ma, n ta‑a pimbi chenɛ a, a ben an ma. N‑na gbasi min sin dɔ yen, dan mbe ee a ma. Tima sɛsɛ ko a, n ni ma wan saya baima, a ben an ma.

GBOO FEAN BƆƐ KƆYINDI KO A 11:27

N‑na wai chɛ wan n sɔɛ gbɛɛ a. Tima sɛsɛ ko a, n ni chi wan n ya a. Tima sɛsɛ ko a, kɔnkɔɛ‑a n bia wan, n kanɛ a gbaa‑a, a sin n nii daun fen ma sɔn. Tima sɛsɛ ko a, chima ni n bia wan, koa a tenden bɛɛ nii n ma.

GBOO FEAN BƆƐ KƆYINDI KO A 11:9

Mmɔ bɛ sin ni tima min na, n sin toen ni demanɛ a, n nii ma n 'na yakɔɔtawa si ni mɔ ɔ mɔ kun ma. Mmɔ suun ma nyɔɛ nu Chasi ɔ, miin na‑a ka Masidonia chɛnyɛ ɔ, an fan‑na fen kɔ fen be n ma, min ma gbɔsɔɛ ni n ma. N ni buɛ min dɔ, a kɔma a, n mbe ma‑a ka wan, ya ɔ ma wɛɛ. N mbe ee n 'na yakɔɔtawa sa‑a wo kun ma, chia ɔ chia a.

GBOO FEAN BƆƐ KƆYINDI KO A 12:10

Gbasaya ee ka buɛ min dɔ n boo ɔ, chɛ‑a n faa chima, Chasi ko a. N faa chimaen mu, mainɛ ɔ bia koe a, yakɔɔtawa bia koe a, ko ma gbaaenɛ ɔ bia koe a, a basan ko gbɛama n na. Koe min na mu, gbasaya ee n boo ɔ tima min na, a tima chɛ a mu, n dɔ gbɛ.

GBOO FEAN BƆƐ KƆYINDI KO A 12:12

Yataa‑a a ma wan, n‑na kamaya ko wa sɛsɛ ma, a ɔ yian koe a wo a, mbɛ Chisɔsi 'a sɔ mɔɛ mu n na. N na‑a an ma wan, faabia wa ɔ.

GBOO FEAN BƆƐ KƆYINDI KO A 2:17

Koe min na mu, nn mbe ee ka yɔ mɔ sɛsɛ dɔ nu, miin mbe Yataa 'a bai ya, fen sɔn koe a a ɔ dechee. Chɛɛ Yataa an‑na nn sɔ. An fɛ mu, nn fan wai chɛ mɔɛ nu Chasi ye, nn mbe a 'a sakana bai ɔ yian tea chia a, a chen kɔɔ.

GBOO FEAN BƆƐ KƆYINDI KO A 3:6

An‑na a ma nn ma‑a wai chɛ mɔɛ chɛndɛ n na, Yataa 'a dɔbɛn nama chɛ ko a. Dɔbɛn nama chɛ sin, sawa ma min nyɛnden mu, chɛɛ Yataa Nyina mu. Sawa min nyɛnden mu, ɛ na saya an na, chɛɛ Yataa Nyina ta na, ɛ na fɔɛ an na.

GBOO FEAN BƆƐ KƆYINDI KO A 4:17

Nn mbe ko gbɛama miin dɔ bia tena ka sanche, ɛndenɛ mu, a sin, an dɔ ee mɛ tena. Chɛ an mbe na‑a kuɔ fɔ tɔnɔnɛ wa an na, min benden mu kaka ko gbɛama chɛ n ma.

GBOO FEAN BƆƐ KƆYINDI KO A 4:2

Chɛɛ nn‑na nn yii na chii, nn ma nn boo chɛ ni mauma koe kan kɔ kan dɔ, a ni ma nun dɔ wɛɛ a. Nn sin mbe ee koe n ma, miin mbe mɔɛ n bun. Nn gbu sin mbe ee Yataa 'a bai ma sa chia ɔ chia a. Chɛɛ nn mbe fɔɛ min dɔ, Yataa chen kɔɔ, basɔmaya da faenɛ kɔɔ mu. A sin, chɛ ɛ na tena wan pɛmbɛ a nn ko a, mɔɛ gbɛɛ tena, yiinachii chɛndɛ ɔ.

GBOO FEAN BƆƐ KƆYINDI KO A 4:8

Tima sɛsɛ ko a, ko gbɛama ɛ nn tan fan, chɛɛ a ee nn nimisa‑a. Tima dɔsa an na, nn kɔndɔ fiien ba an mbe ma, chɛɛ nn yii fa tena ɛ wan.

GBOO FEAN BƆƐ KƆYINDI KO A 7:11

Wo wandi gbu, wo a ɔ yen bɛ, wo 'a faayɔnɛ chɛ, Yataa‑a min dɔ bɛn wo ko a, a ma‑a koe min na wo tena. Wo ma‑a gbɛ tea mɔ wa an na, wo ma bɛndenɛ ɛ a ɔ yen koe a, mbɛ wo ma ko yama ma ni. Wo faa tɛ‑a wan, wo chian‑da, yiinachii ko a wo ɔ, mbɛ wo‑a wo wandi be, wo ma bɛndenɛ ɛ ko yama ma mɔɛ n tɔɔya koe a. Wo gbu, wo‑a a ɔ yian, mbɛ mabɔ ee wo ma, chia ɔ chia a, an koe gbu gbɛɛ ɔ.

Gboo Kɔdɔsai Ko A 1:11

Nn mbe samunɛ chɛ tena, Yataa ni gbasaya gbɛɛ be wo ma, a 'a gbasaya kamayaen ba ɔ. Wo ni ko gbɛama kan kɔ kan dɔ bia, faabia ɔ, wo bu ɔ diama ɛ.

Gboo Kɔdɔsai Ko A 1:24

Sanche chɛ ɔ, n mbe tɔɔya min gbɛɛ chɛ tena, wo ko a, n bu ɔ diama mu. A sin, n gboo chɛ ɔ, n mbe tɔɔya chɛ a ban‑da wan, Chasi‑a min dɔ bia, a gboo ko a, min mu chɔchi a.

Gboo Saa Tɛsadonika Ko A 3:7

Chɛ mu nn ma faachima an na, nn 'na ko yawaen dɔ bia chɛ gbɛɛ ɔ, a basan faamɔnɛ a. Nn suun ma nyɔɛ nu, wo kai fa buɛ chɛ Chisɔsi a, a ma‑a faamanande a nn ma.

Gboo Saa Tɛsadonika Ko A 5:14

Nn suun ma nyɔɛ nu Chasi ɔ, nn mbe wo ɔ tisa tena, wo ni dasi be baa baa tɔɛ n ma. Chiandia koo miin gboo ɔ, wo ni an faa ma nande, mbɛ wo‑a chɛ n deman, miin dɔ ma gbɛ. Wo wo faa bia mɔ ɔ mɔ a.

1 TIMOTI 2:15

Chɛɛ musu n mbe bauncha sɔn‑da wan den suunɛ ɔ. Chɛ ɛ ma wan, ni yiimatɛ ma‑a an tachɛ buɛ ɔ, koadia ɛ an faa ɔ, an sin tandenɛ ɛ Yataa tena, an mbe ta‑a an kai fa‑a a a.

1 TIMOTI 4:6

Ni i gboo ɔ ma fa ni dasi chɛ be koe a suun ma nyɔɛ n ma, ni i‑a Chisian danaya ɔ bai sa i faa ɔ, a basan kan chɛndɛ a, i bea‑a min fɛ chɛ gbɛɛ ɔ, e ma‑a wan wai chɛ mɔɛ chɛndɛ a Chisɔsi Chasi ko a.

1 TIMOTI 6:11

Chɛɛ min sien mu i ma, i wɛn‑na i wandi be Yataa ma, i ya ka chɛ gbɛɛ a. I tana, tan Yataa tena, ma Yataa fɔɛ ɔ, danaya ni ma i ɔ Chisɔsi ko a, a basan koadia a, faabia, ni machimaya.

2 TIMOTI 1:8

Chɛ an‑na a fɔ, i ma mau mmɔ 'a mansa wakoe ɔ yian koe a mɔɛ n na. N bɛɛ wakoe, i ma mau n ko a, koe min na mu, n mbe pimbi chenɛ a a si Chasi ko a. Chɛɛ Yataa 'a gbasaya ɔ, i wɛɛ i ta mɔnɛ ɔ bia a 'a sakana bai chɛndɛ ko a. A sin mbe a 'a gbasaya be‑a wan i ma.

2 TIMOTI 2:24

Mansa Yataa 'a wai chɛ mɔɛ sin ma koɔ yan mɔ a. Chɛɛ mɔ chɛndɛ mu a a mɔɛ gbɛɛ tena, kan chɛndɛ chɛ mɔɛ, a sin mbe koe a bia a ma.

2 TIMOTI 4:5

Chɛɛ i tana, sɔ chidi. Ko yawaenɛ ɔ bia, i ni i sɔɛ gbɛɛ chɛ Yataa 'a sakana bai chɛndɛ ɔ yian koe a mɔɛ n na. I 'a wai gbɛɛ chɛ, Yataa 'a wai chɛ mɔɛ ɛ min chɛ.

GBOO IBU MƆƐ N KO A 12:1

Chɛ gbɛɛ an fɛ mu, mmɔ wɛɛ, mɔɛ chɛ n gbɛɛ mbe wan nɛ mmɔ tɛ ɔ, miin na‑a a ɔ yian an chɛ chɛ wai n dɔ, mbɛ an kai faen fan mu Yataa a. Chɛ ko a, mmɔ ni mmɔ boo bɔ ko ɔ ko ɔ, miin mbe mmɔ ɔ chɛ chɛ. Chɛ n mu ko yama n fan na, miin mbe mmɔ bia gban. A sin, mmɔ ni mmɔ ma bɛn koe n ma koe a a chia ma, fɔɛ ɔ min mbe ya ɔ ma. Mmɔ an ma mmɔ sɔɛ gbɛɛ a, yɔ mɔɛ ɛ bui chɛ buɛ min dɔ, bui chɛ bɛnɛ ɔ.

KO Ɔ NUNDENƐ 1:9

N fan mu, n fan Chɔn, wo suun ma nyɔɛ Chasi ɔ. Mmɔ gbɛɛ, mɔ dɔndɔɛ mu mmɔ a, mmɔ bɛ Chisɔsi a, an mu mmɔ 'a mansa a. A sin, mmɔ gbɛɛ, mmɔ ɛ tɔɔya dɔndɔɛ an dɔ bia tena, mmɔ ɛ mmɔ faa bia‑a, a ko a. Yataa 'a sakana bai sa koe a, a basan Chisɔsi wakoe a, n na ta‑a Patimɔsi bia ɔ an ko a, yii tinɛ ɔ duu gboo chɛ ma.

KO Ɔ NUNDENƐ 3:10

Koe min na mu, wo‑a n da a kuiɛ a min, wo‑a wo faa bia. N bɛɛ, n mbe wo kun ma fɛn‑da wan tima chɛ a, tima min na dunya gbɛɛ ɛ ma‑a dɔsimanɛ kɔɔ, mɔɛ gbɛɛ ɛ ma‑a tɔɔya ɔ.