GBOO FEAN BƆƐ KƆYINDI KO A 6:3 - Yataa 'a Dɔbɛnɛ Nama

³ Nn ma to ni, nn ni kɔnɛ sɔ mɔ ɔ mɔ ya ɔ. Chɛ an mbe a ma‑a, mɔ ɔ mɔ ee wai chɛ ma bɔ‑a, nn mbe min chɛ ka.

GBOO FEAN BƆƐ KƆYINDI KO A 6:3 ပူးပေါင်းရင်းမြစ်များ

MATIU 17:27

Chɛɛ min mbe a ma, mɔɛ chɛ n faa ma na tɛ mɔ ma, i 'a duinɛ ya, i ni ta Kadidi yii wa chɛ da a, duin na dɛ tena. E nyɛ saa saa min bɔ‑a, a da a ka, e kɔpɔɛ yen‑da wan a da ɔ. A kɔpɔɛ chɛ ɛ kun fan, a ni mɔ fea ma pawa chɛ Yataa 'a kata chɛ ko a. A ya, i ni ta a a, i ni mɔ fea ma pawa chɛ a a.” Mbɛ Pita ta‑a, a‑a a ma yɔ Chisɔsi‑a a fɔ buɛ min dɔ a ye, a ma koe a.

MATIU 18:6

Chisɔsi ɔ, “Chɛɛ n fɛ denɛ den tachɛen bɛɛ, miin kai faen mu n na, mɔ ɔ mɔ kan kɔ kan, i wɛn mbe an na dɛ‑a ko yama ɔ, i‑a ko yama ma. Ɛ nyan‑da wan i mɔɛ chɛ ko a, an ni sen kanɛ chii i kan na, mbɛ an‑na i a dɛ yii wa ɔ.

CHISƆSI 'A SƆ MƆƐ NU 19:27

N mbe ee bai sa tena dechee a si mmɔ 'a kɔpɔ sɔn koe an ma, ni mmɔ ɛ fo‑a buɛ min dɔ kɔpɔɛ a. Chɛɛ tima ɛ che‑a wan, mɔɛ n mbe ee na‑a baa be‑a chen chɛ ma to, mmɔ 'a musu yataa wa chɛ, a 'a chen chɛ. An gbu sin mbe na‑a wan a bɔ‑a a 'a basɔmaya chɛ ɔ, min mbe a boo ɔ. A wɛn mu ka, mɔɛ gbɛɛ Esia chɛnyɛ chɛ gbɛɛ ɔ, a basan dunya chɛ gbɛɛ a, an mbe a fai.”

GBOO DOMI KO A 14:13

Chɛ an fɛ mu, mmɔ sɛmbɛ kaa a tɛ koe a, mmɔ bɔ Chisianɛ n bakoe ma, ko yama ma koe ko a. Chɛɛ wo e chɛ an ma. Wo ma koe ma, min mbe a ma, wo bɔɛ n ni ka Yataa 'a chia ma.

GBOO SAA KƆYINDI KO A 9:12

Ni wo e wo boo fenɛ n be wan mɔ dɔ mende n ma, miin mbe Yataa 'a bai sa wo tena, tea ɛ wan a ɔ wo gbu ni wo boo fenɛ chenama be nn fan ma. Chɛɛ chɛ gbɛɛ ɔ, nn ma bea nin bɛ tea chɛ fɛ. Nn mbe e na kɔnɛ sɔ sakana bai chɛndɛ chɛ ya ɔ, nn mbe nn faa bia wan ko ɔ ko a.

GBOO SAA KƆYINDI KO A 9:22

Ni n ma‑a wai chɛ‑a mɔɛ chɛ n tɛ ɔ, miin 'na danaya ɔ ma gbɛ, Chisɔsi a, n bɛɛ, n mbe a ma wan yɔ n ta wɛɛ ɔ ma gbɛ. N mbe chɛ ma, n ni an ma sawan Chasi tena. Chɛ ɛ a ɔ yian, mbɛ n mbe mun fan mɔ kan kɔ kan na, mɔɛ kan kɔ kan tena. N mbe chɛ ma, an dɔ n baun koe an na, chia ɔ chia a.

GBOO FEAN BƆƐ KƆYINDI KO A 1:12

Nn mbe yonka tɛ ko dɔndɔ gbe an na, nn gbu sin yii na koen mu an na dechee. An nɛ, mbɛ nn mbe fɔɛ min dɔ dunya chɛ ɔ, a bɛbɛɛ nn tachɛ buɛ wo tena, mbɛ Yataa fɔɛ mu, tea ɛ min dɔ. Nn mbe chɛ ma tena Yataa 'a duaya an dɔ, mɔgbuya ta yiimatɛ ɔ ma.

GBOO FEAN BƆƐ KƆYINDI KO A 8:20

Nn mbe nn fandi kun ma fɛn tena wan, mɔɛ n boo ɔ. An ma na gbonyɛ nn na, a si nn tachɛ buɛ ma, boo fen chɛ a, min mbe nn boo ɔ an ko a gbama gbama a.