GBOO FEAN BƆƐ KƆYINDI KO A 6:16 - Yataa 'a Dɔbɛnɛ Nama

¹⁶ Yataa 'a chenɛ nu, an bɛ fen chɛ n na, an‑na miin ya Yataa a, ko dɔndɔ ee che ma‑a an tɛ ɔ. Koe min na mu, mmɔ mu chenɛ an na, Yataa ko a, min mbe ma‑a kuɔ fɔ ko a. Yataa wandi gbu sin‑na a fɔ ka wan, a ɔ, “N mbe ma‑a wan an tɛ ɔ, n mbe ben ben an tɛ ɔ. N sin mbe ma‑a wan an 'na Yataa a, an bɛɛ, an mbe ma‑a wan n 'na mɔɛ n na.”

GBOO FEAN BƆƐ KƆYINDI KO A 6:16 ပူးပေါင်းရင်းမြစ်များ

MATIU 16:16

Mbɛ Saimɔn Pita ɔ, “I mu Chasi an na, nn kun ka mansa. Yataa min mbe ee fa kuɔ fɔ ko a, a 'a denɛ mu i wan na.”

MATIU 6:24

Chisɔsi ɔ, “Mɔ ɔ mɔ ee che ma‑a wai chɛ mɔɛ a kun ti fea kɔɔ. Ni chɛ ma‑a, dɔndɔɛ ko a ee dia a ye a ni che dɔndɔɛ ɔ. Ɛ kooya be‑a wan dɔndɔɛ ma, a ni ben a bɔɛ ma. Chɛ an fɛ mu, e ee che wai chɛ‑a Yataa ye, mbɛ i‑a wai chɛ kɔpɔɛ wɛɛ ye dɔndɔ a.

DUKU 5:36

Mbɛ Chisɔsi‑a tai tɛ wan an tena, a ɔ, “Mɔ ɔ mɔ ee che i ni doma nama tɛ a a, doma kɔma dombo koe a. Ni mɔɛ‑a chɛ ma, a gba ma ee nyan‑da. Koe min na mu, woe an mbe to‑a doma nama chɛ ɔ. A sin, doma nama pisi chɛ ee na‑a bɛn‑da doma kɔma chɛ ya a.

CHƆN 14:23

Mbɛ Chisɔsi ɔ, “Mɔɛ min toen mu n na, ɛ koe chɛ n ma wan, n‑na miin fɔ a ye, an ma koe a. Fa ɛ to‑a wan a mɔɛ chɛ a. A sin, Fa ni ma, ni n fan, nn mbe na‑a wan a tena, mbɛ nn bɛ gbɛɛ ɛ ma‑a kaina dɔndɔ.

CHƆN 6:56

Mɔ ɔ mɔ min mbe n gboo daun‑da, a ni n wii min, nn fea a mɔɛ chɛ a, nn mbe ma‑a wan mɔ dɔndɔɛ a.

GBOO DOMI KO A 8:11

Yataa Nyina, min‑na a ma, Chisɔsi Chasi‑a a kɔɔ sɔ a ka saya ɔ, ɛ wan wo fɛ. A Nyina chɛ sin, min‑na chɛ ma ka, ɛ fɔɛ be‑a wan wo ma, wo wɛn mbe fa ka. Ɛ chɛ ma‑a wan, yɔ a na‑a a ma buɛ min dɔ dechee Chasi a.

GBOO DOMI KO A 8:9

Ni Yataa Nyina gbu ɛ wan wo fɛ, wo ee koe n ma mɔgbuya ɔ, miin ma nyin. Chɛɛ Yataa Nyina ɛ koe miin fɔ wo ye, an ma koe a, wo e an fan ma. Chasi Nyina ee mɔɛ min fɛ, a mɔɛ chɛ ee Chasi an ko a.

GBOO DOMI KO A 9:26

A ɔ, a sin, an kaina chɛ gbu, Yataa na‑a a fɔ kaina an ye, mbɛ a 'a mɔ ma an na, a ɔ, a wan Yataa ɛ a fɔ‑a to an kaina dɔndɔ gbe chɛ wan an ye, a ɔ, a wan Yataa min mbe ee fa kuɔ fɔ ko a, a ɔ, a 'a denɛ mu an na.

GBOO SAA KƆYINDI KO A 10:21

E ee che ma‑a nɔ, e a min Mansa Chisɔsi 'a kɔpu ɔ, mbɛ e a min nyina yama n ta wɛɛ ɔ. A yɛ to, e ee ma nɔ, e si daun chɛ tena Mansa Chisɔsi 'a tebu ma, mbɛ e si daun chɛ tena nyina yama n bɛɛ a tebu ma.

GBOO SAA KƆYINDI KO A 6:19

Wo ni a ɔ sɔn, mbɛ wo gboo mu Yataa Nyina 'a chenɛ n fan na, miin mbe tenchen a ko a. Yataa an‑na an Nyina chɛ be wo ma, an ni ma wo fɛ. Wo ee wo wandi an ko a, chɛɛ wo e Yataa an ko a.

Gboo Ɛfisɔsi Ko A 2:20

Wo sin, wo kuu sien fan mu gban, yɔ chenɛ. Chisɔsi Chasi 'a sɔ mɔɛ nu, an bɛ Yataa 'a gbonka chɛ mɔɛ n na, an fan‑na a ma, mbɛ wo kuu si‑a. Chen chɛ gbu sin, a sɔ senɛ kuu ba mu Chisɔsi Chasi wandi an na.

Gboo Ɛfisɔsi Ko A 2:22

Wo wandi gbu wɛɛ, mɔ dɔndɔɛ mu wo a, wo bɛ Chasi a. Chɛ ko a, ɛ wo a tun tena wan, wo bɛ Yataa 'a mɔɛ tɔɛ n na, wo ni ma yɔ a 'a chenɛ, ɛ ma kaina min a Nyina 'a gbasaya ɔ.

Gboo Ɛfisɔsi Ko A 3:17

A sin ni a ma to, Chasi wakoe ni ma wo faa ɔ, koe min na mu, wo‑a wo kai fa a a. N mbe samunɛ chɛ tena, wo ni sɔ gban koadia ɔ, wo ni yɛ, wo ɔ ni gbɛa chɛndɛ chɛ.

1 TIMOTI 3:15

ni n ma fua ni na‑a, gboo nyɛnden chɛ, ɛ a ɔ yian‑da wan i a, mɔɛ ɛ tachɛ buɛ min dɔ, Yataa 'a mɔɛ n tɛ ɔ. An mu chɔchi an na, Yataa, min mbe ee fa kuɔ fɔ ko a, a waa a, Chisian danaya kuu si tena, ni a kɔɔ sɔ kɔnɛ.

2 TIMOTI 1:14

Yataa Nyina 'a gbasaya ɔ, min mbe mmɔ fɛ, tea chɛ min been mu i ma, a bia i boo fea a.

GBOO IBU MƆƐ N KO A 3:6

Chɛɛ Chasi tana, Yataa 'a denɛ mu a a, a danayaen mu, a sin mbe Yataa 'a chenɛ an kun ma. A sin, mmɔ wan mu Yataa 'a chenɛ a, ni mmɔ‑a mmɔ faa sɔ, mmɔ ni dan a a, mmɔ yii a ni tɛ a ma.

GBOO IBU MƆƐ N KO A 8:10

Mbɛ dɔbɛnɛ an nɛ, n mbe min chɛ‑a mɔɛ n na, miin ka‑a Isɔɛɛ chɛnyɛ ɔ. N fan Mansa Yataa, ni tee chɛ n ben‑da, n mbe n 'na sawa n sa‑a wan, an yii ma, n ni a sa an faa ɔ. A sin, n mbe ma‑a wan an 'na Yataa a, mbɛ an bɛɛ, an ma‑a n 'na mɔɛ n na.

CHIMISI 4:5

Bai min nyɛndenɛ ɛ Yataa 'a gboo ɔ, wo ma a ya bai fuu a. A ɔ, Yataa‑a a Nyina min be mmɔ ma, a ɔ, toomaya an mbe a ɔ, mmɔ ma koe a Yataa ko a.

1 PITA 2:5

Wo na Chisɔsi tena yɔ senɛ miin mbe fɔɛ ɔ. Wo a ma Yataa ni a 'a chenɛ sɔ wo a. A yɛ to, wo e ma‑a tenchen tɛ mɔɛ n fan na, mɔ gbu n tɛ ɔ Yataa a. Nɔ mu wo e basɔmaya fenɛ n be‑a Yataa ma, ɛ a boo si‑a miin kɔɔ. Chɛ ɛ ma‑a wan, a mu min na, Chisɔsi na‑a a ma wan.

1 CHƆN 4:12

Kɛn gba, mɔ ɔ mɔ ma Yataa yen nin bɛ. Chɛɛ ni mmɔ to‑a mmɔ nyɔn na, mbɛ mmɔ ma‑a mɔ dɔndɔɛ a Yataa a. A sin, a 'a koadia kuu, a si‑a mmɔ faa ɔ chɛndɛ chɛ.

1 CHƆN 4:15

Ni mɔ ɔ mɔ‑a a fɔ den, mbɛ Chisɔsi mu Yataa 'a denɛ an na, a ma‑a mɔ dɔndɔɛ a, an fea Yataa a. Yataa wɛɛ, a ma‑a mɔ dɔndɔɛ a, an fea an mɔɛ chɛ a.

KO Ɔ NUNDENƐ 2:1

Mbɛ a ɔ te to n ma, a ɔ, n ni chɛ nyɛn maeka chɛ tena chɔchi ko a, Ɛfisɔsi duu ɔ. A ɔ, “N fan, mɔɛ chɛ, tɔmbuaka wɔnfea chɛ n mbe min boo a,” a ɔ, “n fan, mɔɛ chɛ, min mbe tachɛ chɛ sanu dambo si fen wɔnfea chɛ n tɛ ɔ,” a ɔ, “n 'na sakana an nɛ.”

KO Ɔ NUNDENƐ 21:3

A sin, n‑na mɔɛ kuiɛ a min fan gbankon, a ka mansa sea chɛ tena, a ɔ, “A yen ko, Yataa waa ɛ ma tena gbɛ mɔ gbu n tɛ ɔ wan. An bɛ an mbe ma tena gbɛ an na, an sin mbe ma‑a a 'a mɔɛ n fan na. A wan Yataa wandi, ɛ ma‑a wan an tɛ ɔ, an mbe ma‑a an 'na Yataa a.

KO Ɔ NUNDENƐ 21:7

Mɔ ɔ mɔ min mbe sɔ‑a gban n ko a, koe chɛ n gbɛɛ, n mbe an fan chɛ‑a a ko a. N mbe ma‑a wan a 'a Yataa a, a wɛɛ ɛ ma‑a wan n 'na denɛ a.