Mɔɛ miin mbe an kai fa‑a n na, yii ni chɛ an kunɛ ɔ Yataa chia a, an mbe bauncha ma sɔn‑da wan. Chɛɛ mɔɛ miin mbe ee an kai fa‑a n na, Yataa ɛ kaa a tɛ‑a wan an bakoe ma, an ni ma tɔɔya ɔ.
Chɛɛ Pita ɔ, “Yataa ni i a ta ta ɔ, i 'a kɔpɔɛ chɛ a i boo ɔ. Koe min na mu, ɛ wan i yii ma, mbɛ e kun fan i ni kɔpɔɛ be, min mbe a ma, Yataa ni gbasaya chɛ be i ma.
Chɛɛ wo suun ma nyɔn dechee dechee nu Chasi ɔ, wo wan mbe ta wo nyɔn na, kuti ɔ. Wo e ta mɔɛ chɛ n chen kɔɔ, miin ma an kai fa ni Chisɔsi a, wo 'a bai sa koe a.
Ni mɔ ɔ mɔ ma a ya a mun ni a 'a mɔɛ n ma, a bɛbɛɛ a ta chenɛ a mɔɛ nu, a‑a a kan kɔ an sɔ ka a 'a danaya an na Chisɔsi a. A mɔɛ chɛ yau, a ni ben mɔɛ ma min ma a kai fa ni Chisɔsi a tee dɔndɔ wɛ.
Chisɔsi Chasi, min‑na a kɔɔ sɔ a ka saya ɔ, a chɛ chɛ wai n fan‑na a ma, wo‑a wo kai fa Yataa a. Mbɛ Yataa‑a baa be a ma. Chɛ an‑na a ma, wo kai faen mu a a. A sin, wo yii na tɛen mu a ma.