GBOO FEAN BƆƐ KƆYINDI KO A 6:11 - Yataa 'a Dɔbɛnɛ Nama

¹¹ Nn dia nyɔɛ nu Kɔyindi, nn‑na ko ɔ ko yian wo a, nn‑na nn faa gbɛɛ be.

GBOO FEAN BƆƐ KƆYINDI KO A 6:11 ပူးပေါင်းရင်းမြစ်များ

CHISƆSI 'A SƆ MƆƐ NU 18:1

Chɛ gbakɔ, Pɔɔ bɔ‑a wan Atɛnsi duu ɔ, mbɛ a ta‑a Kɔyindi duu ɔ.

CHISƆSI 'A SƆ MƆƐ NU 18:8

Chɛ gbɛɛ ɔ, Kisipɔsi, ni a 'a chen 'na mɔɛ n gbɛɛ, an‑na an kai fa wan gbɛ Mansa Chisɔsi a. Kisipɔsi chɛ ni ya ɔ sɔɛ an na, Chu n 'na samun chɛ chenɛ a. Mɔ sɛsɛ nu Kɔyindi duu ɔ, an‑na sakana bai chɛ a min kɛn Pɔɔ a, an dan‑da wan a a, mbɛ yii chɛ‑a an kunɛ ɔ, Yataa chia a.

GBOO FEAN BƆƐ KƆYINDI KO A 12:15

Ɛ ma wan buɔdia n ma, n ni n boo fenɛ gbɛɛ be, a basan n fandi gbu wɛɛ a, basan koe a wo ma. N mbe chɛ ma‑a wan, n 'na koadia kun ma ɛ sa‑a wan wo ko a, n ta ma ni dɔɔya wɛɛ wo faa ɔ.

GBOO FEAN BƆƐ KƆYINDI KO A 2:4

N‑na gboo saa chɛ nyɛn wo tena tima min na, n faa yɔnden ni kaka, n bu ɔ nii ma di ɛnden bɛɛ a, di an ni n ya a. N 'na yiinachii nii ma, n ni wo faa yɔn. Chɛɛ n toen ni wo ni a ɔ sɔn, wo 'a koadia da a koo buɛ min dɔ n faa ɔ.

Gboo Kadesia Ko A 3:1

Wo wan Kadesia mɔɛ nu, wo wooen mu. N ma a ɔ sɔn mɔɛ min nya‑a wo a. Wo wandi gbu, wo too n‑na a a min fan, mɔɛ n‑na Chisɔsi Chasi gbangban buɛ min dɔ kɔn gbengbandenɛ ma, a fa‑a nɔ.

Gboo Kadesia Ko A 4:12

N suun ma nyɔɛ nu Chasi ɔ, n mbe wo disa tena, wo ni bea n 'na ko ma buɛ fɛ. Koe min na mu, n bɛɛ, n na‑a koe n ma wan wo ta chia a. Wo nii ma ko yama ma ni n na.

Gboo Ɛfisɔsi Ko A 6:19

Wo samunɛ chɛ to, n bɛɛ ko a. Yataa ɛ bai don‑da wan n da ɔ, n mbe min fɔ. A ni a ma, chianɛ ma na ma n dɔ, n da a ka koe a, n ni bai sa mɔɛ n tena, a si sakana bai chɛndɛ chɛ ma, min dɔ nunden ni mmɔ ma a kɔma a.

Gboo Ɛfisɔsi Ko A 6:8

Wo ni a ɔ sɔn, ko chɛndɛ kan kɔ kan, mɔɛ ɛ min ma, Mansa Chisɔsi ɛ a nyɔn sima tɔnɔnɛ be wan a ma. Chɛ ɛ ma wan, a mɔɛ chɛ ni ma yɔn fan na, chɛ ma, a ni ma mɔ dɔ mende wɛɛ a.

Gboo Fiipai Ko A 1:8

Koe min na mu, n toen mu wo a, yɔ Chisɔsi Chasi 'a koadia ɛ buɛ min dɔ. Yataa wandi an mu n 'na siiya a, ni tea ma chɛ a.

Gboo Fiipai Ko A 4:15

Wo sin gbu, wo wan Fiipai mɔɛ nu, wo‑a a ɔ sɔn fan, min ma‑a a saa a, n‑na a kuu sɔ tima min na sakana bai chɛndɛ chɛ ɔ yian‑da mɔɛ n na. A tima chɛ a, kɛn n ni ka tena nɔ an Masidonia chɛnyɛ chɛ ɔ, chɔchi kan kɔ kan dɔ gbɛɛ nii ma toa si ni n 'na wai kɔɔ, mɔ dechee wo wan. Wo wan ni wo boo fenɛ be.

KO Ɔ NUNDENƐ 22:12

Mbɛ Chisɔsi ɔ, “A yen ko, a ɔ ee yansan tena to, mbɛ n na‑a. N mbe na‑a wan tɔnɔnɛ a, mɔ ɔ mɔ‑a kuiɛ a yɛ koe a, yɔ a na‑a wai min nyɔn sima chɛ.