GBOO FEAN BƆƐ KƆYINDI KO A 6:10 - Yataa 'a Dɔbɛnɛ Nama

¹⁰ Faayɔnɛ ɛ nn tan tena wɛɛ, chɛɛ chɛ gbɛɛ ɔ, nn mbe buɔdia bɔ wan tee ɔ tee a. Nn maen mu bɛɛ yɔn tɔɛ n na, chɛɛ nn mbe mɔ sɛsɛ n ma tena wan nyan tɔɛ n na. Nn maen mu mɔɛ n fan na, fen kɔ fen mbe ee miin boo ɔ. Chɛɛ fen kɔ fen gbu, ɛ nn fan boo ɔ.

GBOO FEAN BƆƐ KƆYINDI KO A 6:10 ပူးပေါင်းရင်းမြစ်များ

MATIU 5:12

Wo bu ɔ ni dia kaka, koe min na mu, Yataa ɛ tɔnɔnɛ chenama sa tena ɔ bɛn‑da wan wo ko a banda bu ɔ. Wo wo faa bia, a mu min na, an‑na ko yawaen dɔndɔ gbe chɛ an sa suun Yataa 'a gbonka chɛ mɔɛ n ma, an‑na min sa ka wo wɛɛ ma.”

MATIU 5:4

“Mɔɛ miin mbe di chɛ‑a, an duaen mu. Yataa ɛ di ka‑a wan an ya a.

DUKU 6:21

Wo duaen mu, kɔnkɔɛ ɛ wo wɛn na sanche. Yataa ɛ wo bu fa‑a wan. Wo duaen mu, wo wɛn mbe di chɛ‑a sanche. Wo e yɛn‑da wan.

CHƆN 16:22

Wo wɛɛ, an mbe ka ma‑a wo a sanche chɛ ɔ. Wo e faayɔnɛ an dɔ, chɛɛ a ee mɛ‑a, n mbe wo yen‑da wan to. A sin, wo bu ɔ dia‑a wan kaka. An buɔdia chɛ nɛnɛ, mɔ ɔ mɔ ee che‑a a ma‑a to, wo ni fo a a.

CHISƆSI 'A SƆ MƆƐ NU 16:25

Chɛɛ su tɛ tɛ ma an to‑a, Pɔɔ an fea Sidasi a, an ni wan samun chɛ‑a, an mbe ta‑a si sa‑a Yataa tena. Pimbi chen na sa mɔɛ tɔɛ chɛ nu, an too ma sɔenɛ ɛ an ma.

CHISƆSI 'A SƆ MƆƐ NU 3:6

Chɛɛ Pita ɔ, “Kɔpɔ kan kɔ kan mbe ee n boo ɔ, a be koe i ma. Chɛɛ fenɛ min nɛnɛ ɛ n boo ɔ, n mbe a be‑a wan i ma. Chisɔsi Chasi min ka‑a Nasaɛti duu ɔ, a 'a gbasaya ɔ mu, n mbe a fɔ tena i ye, mbɛ i ni i kɔɔ sɔ, i ni tachɛ chɛ.”

CHISƆSI 'A SƆ MƆƐ NU 5:41

Chɛɛ an bu ɔ ni di wan, an mbe kɛn ka‑a Chu kuti wa chɛ ɔ. Koe min na mu, an‑na a ɔ sɔn fan, mbɛ Yataa‑a an ya mɔ chɛndɛ n na, mauma koe ɔ bia koe a Chisɔsi ko a.

GBOO DOMI KO A 11:12

Chu mɔɛ n na‑a ko yama min ma, an na‑a a ma, mɔɛ chɛ n‑na bauncha wa ma sɔn, mɔɛ miin nii ma Chu mɔ a. Chɛɛ ni Chu mɔɛ n bɛɛ‑a bauncha chɛ ma sɔn gbɛ, ɛ ma‑a gbɛ ko ma kawaen ba an na, a ka Yataa tena.

GBOO DOMI KO A 12:15

Mɔɛ miin mbe buɔdia ɔ, wo bɛ ni an buɔdia bɔ an na. Mbɛ miin mbe chinchin di chɛ‑a, wo‑a an kan dɔ bia.

GBOO DOMI KO A 15:13

Yataa, min‑na yiinatɛ chɛ be, a ni buɔdia be wo ma. Yataa, a ni faachima be wo ma. A ni koe chɛ n ma wo ye, koe min na mu, wo kai faen mu an na. Yiinatɛ chɛ ma ni mun‑da wo ɔ kaka, Yataa Nyina 'a gbasaya ɔ.

GBOO DOMI KO A 8:32

Yataa ma a boo a ben ni a wandi gbu 'a denɛ wɛɛ kɔ, a kunɛ bɔ koe a tɔɔya ɔ. Chɛɛ a‑a Chisɔsi be wan yasi a mɔ gbu gbɛɛ ko a. Ni ɛ chɛ ma wan mmɔ ko a, ɛ kun fan a ni fen kɔ fen be mmɔ ma gbama gbama a, a faa gbɛɛ a.

GBOO DOMI KO A 9:2

N 'na chinchincha koo, mɔnɛ wɛɛ ee ban n faa ɔ.

GBOO SAA KƆYINDI KO A 1:5

Wo ma min chɛ‑a mɔ dɔndɔɛ a, wo bɛ a a, a‑a wo kɔ wan chia a, a chenama ɔ. A‑a wo kɔ wan chia a, bai gbɛɛ ɔ, wo e min sa. A yɛ to, yiimatɛ kan kɔ kan ko a.

GBOO FEAN BƆƐ KƆYINDI KO A 2:4

N‑na gboo saa chɛ nyɛn wo tena tima min na, n faa yɔnden ni kaka, n bu ɔ nii ma di ɛnden bɛɛ a, di an ni n ya a. N 'na yiinachii nii ma, n ni wo faa yɔn. Chɛɛ n toen ni wo ni a ɔ sɔn, wo 'a koadia da a koo buɛ min dɔ n faa ɔ.

GBOO FEAN BƆƐ KƆYINDI KO A 4:15

Koe min na mu, wo ko a mu, koe chɛ n gbɛɛ n mbe ma tena. A sin, Yataa 'a koadia demanɛ ɛ che tena buɛ min dɔ mɔ sɛsɛ ma, an bɛɛ, an mbe Yataa wai bɔ ka wan, min mu basɔmaya a a tena.

GBOO FEAN BƆƐ KƆYINDI KO A 4:7

Chɛ gbɛɛ ɔ, Yataa Nyina 'a tɔnɔnɛ ma kawaenɛ ɛ ka mmɔ wɛn boo ɔ, mmɔ ɛ wan yɔ boo da. Chɛ ɛ a ɔ yian fan, mbɛ gbasaya ɛ Yataa an boo ɔ, mmɔ wan ma.

GBOO FEAN BƆƐ KƆYINDI KO A 8:9

Koe min na mu, wo‑a koadia deman chɛ ɔ sɔn fan, mmɔ 'a mansa Chisɔsi Chasi‑a min chɛ. Mbɛ a nyanden ni wɛɛ, chɛɛ chɛ gbɛɛ ɔ, wo ko a, a‑a a wandi ma yɔn tɔɛ a. A‑a chɛ ma, min mbe a ma, a 'a yɔncha chɛ ɔ, wo wɛɛ ni ma nyan tɔɛ n na.

Gboo Ɛfisɔsi Ko A 3:16

Dua sɛsɛ ɛ wan a boo ɔ, banda bu ɔ. A sin, n mbe samunɛ chɛ tena, a ni a ma wo ɔ ni gbɛa, wo 'a danaya ɔ. Chɛ ni ma, Yataa Nyina 'a gbasaya ɔ

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

Gboo Fiipai Ko A 2:17

Wo e wo wandi be tena wan yɔ yasi, wai chɛ koe a Chasi ko a. Koe min na mu, wo‑a wo kai fa a a. N bu ɔ di, n sin mbe buɔdia bɔ‑a wan wo gbɛɛ a, an ni a ma wɛɛ, n wii ni bɔn, yɔ an mbe gbɛ bɔ buɛ min dɔ yasi a.

Gboo Fiipai Ko A 4:4

Wo e ka buɛ min dɔ, wo ma‑a mɔ dɔndɔɛ a Mansa Chisɔsi a, wo buɔdia bɔ tima ɔ tima ko a. Ka n mbe a fɔ to wo ye, wo buɔdia bɔ.

Gboo Kɔdɔsai Ko A 1:24

Sanche chɛ ɔ, n mbe tɔɔya min gbɛɛ chɛ tena, wo ko a, n bu ɔ diama mu. A sin, n gboo chɛ ɔ, n mbe tɔɔya chɛ a ban‑da wan, Chasi‑a min dɔ bia, a gboo ko a, min mu chɔchi a.

Gboo Kɔdɔsai Ko A 3:16

Sakana bai chɛ, a si Chasi ma, a ni sa wo faa ɔ chɛndɛ chɛ. Wo wo nyɔn kan, wo ni wo nyɔn na si yiimatɛ chia gbɛɛ a. Wo si kan kɔ kan sa, Yataa ɛ tando min dɔ, wo e ta‑a Yataa wai bɔ‑a, wo faa gbɛɛ a.

Gboo Saa Tɛsadonika Ko A 1:6

Wo bea‑a wan nn chen gba fɛ, a basan Mansa Chisɔsi wɛɛ ta a. Wo‑a wo boo si wan a 'a sakana bai chɛ kɔɔ, a ma‑a wɛɛ ko yawaen dɔ bia a wo ma. Chɛ gbɛɛ ɔ, Yataa Nyina gboo ɔ ma fa ni a ma koe a wo bu ɔ ni dia.

Gboo Saa Tɛsadonika Ko A 5:16

Wo bu ɔ diama ni ma tima ɔ tima.

1 TIMOTI 4:8

Ni wai mɛsɛ chɛ ɛ gboo ɔ gbɛa be wan mɔ ma, mbɛ Yataa 'a wai sin nyin fan chia ɔ chia a. A mu min na, mmɔ‑a a 'a tɔnɔnɛ ma sɔn fan bi tee chɛ a, a basan ya ɔ ma a.

1 TIMOTI 6:18

N toen mu i ni a fɔ an ye, an ni ko chɛndɛ ma, an ni nyan wai chɛndɛ ɔ, an ni ma boo ka tɔ wa a, an ma bɛndenɛ ni ma tima ɔ tima chɛ a.

GBOO IBU MƆƐ N KO A 10:34

Wo chinchin‑da chɛ n ma, miin ni sa ɔ pimbi chenɛ a. A yɛ to, an‑na wo boo fenɛ n bɔ kɛn wo boo ɔ gbasaya a, wo faa nii ma yɔn ni ɛnden bɛɛ a. Koe min na mu, wo na‑a a ɔ sɔn fan, fenɛ ɛ wan wo ko a, min benden mu an ma, fenɛ min mbe ma‑a kuɔ fɔ ko a.

CHIMISI 2:5

N suun ma nyɔɛ nu Chasi ɔ, wo ko a di n ye. Ka n mbe chɛ fɔ wo ye. Dunya chɛ na‑a miin ya yɔn tɔɛ n na, Yataa‑a a boo sɔ an mɔɛ chɛ n fan ma, an nyan‑da a ta chia a. An‑na an kai fa mmɔ 'a mansa Chisɔsi a. A sin, an mbe ma‑a wan a 'a mansaya kɔɔ banda bu ɔ. Mansaya chɛ, a na‑a mɔɛ chɛ n too ɔ dia min na, mɔɛ miin toen mu a a.

1 PITA 4:13

Chɛɛ a ni ma buɔdia a wo tena, mbɛ wo e ko yawaenɛ min dɔ bia tena, Chasi na‑a an sima ɔ bia. Chɛ ɛ ma‑a wan wo ni ma buɔdia da faenɛ ɔ, ɛ yen‑da tima min na gbasaya ɔ, dunya chɛ ɔ.

KO Ɔ NUNDENƐ 2:9

A ɔ, “N‑na a ɔ sɔn fan, wo e mɔnɛ min dɔ bia tena, wo e yakɔɔtawa min dɔ. Chɛɛ tea gbu ko a, yɔn tɔ ma wo a. A yɛ to, n‑na a ɔ sɔn fan, mɔɛ chɛ nu, miin‑na an fandi ya Chu mɔɛ n na, an mbe wo tɔ yama a fasan tena buɛ min dɔ. Chɛɛ Chu mɔ ma an na, Sitana 'a mɔɛ n fan nɛ.

KO Ɔ NUNDENƐ 21:7

Mɔ ɔ mɔ min mbe sɔ‑a gban n ko a, koe chɛ n gbɛɛ, n mbe an fan chɛ‑a a ko a. N mbe ma‑a wan a 'a Yataa a, a wɛɛ ɛ ma‑a wan n 'na denɛ a.