GBOO FEAN BƆƐ KƆYINDI KO A 5:9 - Yataa 'a Dɔbɛnɛ Nama

⁹ Chɛɛ chɛ gbɛɛ ɔ, mmɔ ni ma nɛ wan, mmɔ ni ma pan fan, mmɔ toen mu, mmɔ ni a faa chima koe n ma. An mu mmɔ faa ma koe chenama a, a ben ko ɔ ko ma.

GBOO FEAN BƆƐ KƆYINDI KO A 5:9 ပူးပေါင်းရင်းမြစ်များ

CHƆN 6:27

Chɛɛ wo ma butuinɛ chɛ daun fenɛ ko a, min mbe yɔn. Wo e min ma, wo butuinɛ chɛ daun fenɛ ko a, min mbe mɛ, min mu kuɔ fɔ fɔɛ a. Daun fen chɛ mu, n fan, Mɔ Gbu 'a Denɛ, n mbe a be‑a wo ma. Koe min na mu, Fa Yataa‑a a ɔ yian, mbɛ a boo ɛ wan n kɔɔ.”

CHISƆSI 'A SƆ MƆƐ NU 10:35

Chɛɛ mɔ gbu kan kɔ kan dunya chɛ ɔ, i wɛn mbe chian Yataa ma, mbɛ i‑a a faa ma koe ma, ɛ a boo si‑a wan i mɔɛ chɛ kɔɔ.

GBOO DOMI KO A 14:18

A sin, mɔ ɔ mɔ min mbe wai chɛ a buɛ chɛ ɔ ka Chisɔsi Chasi ko a, ɛ ma‑a Yataa faa ma koe an na, mɔɛ n bɛɛ bu ɔ dia‑a wan a mɔɛ chɛ ko a.

GBOO DOMI KO A 14:8

Ni mmɔ ma‑a fɔɛ chɛ ɔ, mmɔ ni ma ɔ Mansa Yataa ko a. Ni mmɔ fa‑a wɛɛ tima min na, mmɔ ni fa Mansa Yataa 'a gbee a. Chɛ an‑na a fɔ, mmɔ fɔɛ chɛ ni ma mmɔ ɔ, chɛ ma, mmɔ ni fa wan, Mansa Yataa an ta mu mmɔ a.

GBOO DOMI KO A 15:20

Tima ɔ tima ko a, n toen mu ko dɔndɔ gbe an ma koe a. An koe chɛ mu Chisɔsi 'a sakana bai chɛndɛ chɛ sa koe an na, kaina kan kɔ kan mɔɛ n tena miin nii ma a min ni tee. Koe min na mu, n ma to ni, mɔ dɔ mende 'a wai min kuu sɔ, n ni an na ban.

GBOO SAA KƆYINDI KO A 15:58

Chɛ an fɛ mu, n faa ma suun ma nyɔɛ nu Chasi ɔ, wo sɔ gban wo 'a danaya ɔ. Wo ma ka wo gba ɔ, wo ma Mansa Chisɔsi 'a wai a tima ɔ tima ko a. Koe min na mu, wo‑a a ɔ sɔn fan, wai ɔ wai, wo e min chɛ‑a Mansa chɛ ko a, a ee ma wai gbama a.

GBOO FEAN BƆƐ KƆYINDI KO A 5:6

Chɛ an fɛ mu, tima ɔ tima ko a, faachima koo mmɔ ɔ. Mmɔ gbu‑a a ɔ sɔn fan, mbɛ ni mmɔ ɛ wɛ tun dunya ma gboo chɛ an dɔ, mbɛ mmɔ ee ma‑a Mansa Chisɔsi waa a.

GBOO FEAN BƆƐ KƆYINDI KO A 5:8

Chɛ ko a, faachima koo mmɔ ɔ. A sin, mmɔ ɛ to‑a wan mmɔ ni bɔ dunya ma gboo chɛ ɔ, mmɔ ɛ min dɔ, mbɛ mmɔ ma‑a, mmɔ bɛ Mansa Chisɔsi a.

Gboo Ɛfisɔsi Ko A 1:6

Mmɔ Yataa tando kamaya chia chɛ ko a, a‑a a 'a koadia demanɛ ɔ yian mmɔ a min na, a faa gbɛɛ a. A‑a chɛ sin ma, a faa ma denɛ an dɔ.

Gboo Kɔdɔsai Ko A 1:10

Chɛ ɛ a ma‑a wan, wo ni kosan tachɛ‑a fɔɛ ɔ, min mbe nyan Mansa Chisɔsi tena, a faa ni chima a da faenɛ ɔ. Tima ɔ tima, wo e ko chɛndɛ sɛsɛ ma‑a wan. Wo 'a yiimatɛ ma ni mun‑da a si Yataa wakoe ma.

Gboo Kɔdɔsai Ko A 1:29

N mbe wai chɛ tena n sɔɛ gbɛɛ a, chɛ an ko a. Chasi wan sin‑na an gbasaya wa chɛ chɛ n dɔ.

Gboo Saa Tɛsadonika Ko A 4:1

A danka a gbɛ, nn suun ma nyɔɛ nu Chasi ɔ, wo‑a a kan fan nn ma, wo e ma fɔɛ min sima ɔ, min mbe Yataa faa chima. Wo sin, tea ko a, wo e tachɛ tena ka wan fɔɛ ɔ. Sanche gbɛ sin, a dinden fan mu wo ma, mbɛ wo ma yɛ to kuu kɔ. Mmɔ ma‑a mɔ dɔndɔɛ a, mmɔ bɛ Mansa Chisɔsi a. An fɛ mu, nn mbe wo faa ma nande tena, wo ni a a tun tachɛ koe a chɛndɛ chɛ.

Gboo Saa Tɛsadonika Ko A 4:11

Wo a ɔ yen, mbɛ wo e ma‑a fɔɛ min dɔ, sɔnkɔ sɔnkɔ fɔɛ ma. Wo ma wo da chɛ mɔɛ n 'na koe n dɔ. Wo ma wo boo chɛ mɔɛ n ta koe n dɔ, wo ni wo ta to. Wo wai bia wo boo fea a. A kɔma wɛɛ a, nn na‑a a fɔ ka wan wo ye, a ma koe a.

1 TIMOTI 4:10

Chɛ an fɛ mu, mmɔ ɛ tɔɔ, mmɔ ɛ sɛchɛ kaka. Koe min na mu, mmɔ yiima gbɛɛ a tɛen mu Yataa an ma. A ee chinɔ ɛnden bɛɛ a, ɛ mmɔ baun, a bɛbɛɛ mmɔ wɛn danden mu a a.

GBOO IBU MƆƐ N KO A 12:28

Chɛ an fɛ mu, mmɔ Yataa wai bɔ. Koe min na mu, a‑a gbasaya be mmɔ ma, ma koe a mansaya ɔ a waa a, a sin mbe ee che yɔn‑da. Mmɔ a wai bɔ, mmɔ ni a fai chiandia ɔ, min mbe ma faachima a a tena.

GBOO IBU MƆƐ N KO A 4:11

Chɛ an fɛ mu, mmɔ butuin chɛ, mmɔ ni don an suin tena chɛ. Mmɔ butuin chɛ, mmɔ dɔndɔ wɛɛ ma na bea. Mmɔ ma na bɔ chɛ n gba ɔ, danaya nii miin dɔ.

2 PITA 3:14

N dia nyɔɛ nu, chɛ an fɛ mu, wo e ka an tee chɛ ma kɔnɛ min chɛ a, wo wo wandi bia chɛndɛ chɛ. Tɔmbɛ ma ma wo ma, wo sin ni ma faachima ɔ Yataa a.