GBOO FEAN BƆƐ KƆYINDI KO A 5:20 - Yataa 'a Dɔbɛnɛ Nama

²⁰ Chɛ ko a, nn yen ko gbɛ nɛ, nn mu Chasi 'a sɔ mɔɛ a. Nn mbe a ɔ yian‑da, a maenɛ mu yɔ Yataa wandi an mbe koɔ tena nn dɔ. Nn mbe wo disa tena, yɔ Chasi wandi an mbe koɔ tena, Yataa ni a ma wo ni mun chɛɛ ma nyɔncha ɔ, wo ni ma a dia nyɔɛ n na.

GBOO FEAN BƆƐ KƆYINDI KO A 5:20 ပူးပေါင်းရင်းမြစ်များ

DUKU 10:16

Mbɛ Chisɔsi‑a a fɔ a fɛ denɛ n ye, a ɔ, “Ni mɔ ɔ mɔ‑a a too ma sɔ wo ma, a‑a a too ma sɔ ka n fan ma. Ni mɔ ɔ mɔ ban‑da wo ɔ, a ban‑da ka n fan dɔ. Chɛɛ a sin mɔɛ min mbe ban‑da n dɔ, a ban‑da ka Yataa an dɔ, min‑na n na na.”

DUKU 14:23

Mbɛ kun ti chɛ‑a a fɔ to a 'a bɔi den chɛ ye, a ɔ, ‘Ta duu sundu kunɛ n na, a basan fia ɔ chia chɛ n na, mbɛ i‑a a din an ma fɔsɛɛ a, min mbe a ma, an ni na, mbɛ n 'na chenɛ a fa‑a.

CHƆN 20:21

Mbɛ a ɔ to an ma, a ɔ, “Yataa ni faachima be wo ma. Fa‑a n na na buɛ min dɔ dunya chɛ ɔ, n bɛɛ, a chia dɔndɔ gbe chɛ a mu, n mbe wo a ta tena a ɔ.”

GBOO DOMI KO A 5:10

Mmɔ ni Yataa chɛɛ ma nyɔɛ n fan na, chɛɛ a 'a denɛ Chisɔsi 'a saya‑a a ma, a‑a mmɔ ma gbɛ a dia nyɔɛ n na. Mmɔ ma‑a ka gbɛ buɛ min dɔ sanche Yataa dia nyɔɛ n na, bauncha ɛ gbɛ mmɔ wan ko a, koe min na mu, Chasi ɛ fɔɛ ɔ.

GBOO FEAN BƆƐ KƆYINDI KO A 12:10

Gbasaya ee ka buɛ min dɔ n boo ɔ, chɛ‑a n faa chima, Chasi ko a. N faa chimaen mu, mainɛ ɔ bia koe a, yakɔɔtawa bia koe a, ko ma gbaaenɛ ɔ bia koe a, a basan ko gbɛama n na. Koe min na mu, gbasaya ee n boo ɔ tima min na, a tima chɛ a mu, n dɔ gbɛ.

GBOO FEAN BƆƐ KƆYINDI KO A 3:6

An‑na a ma nn ma‑a wai chɛ mɔɛ chɛndɛ n na, Yataa 'a dɔbɛn nama chɛ ko a. Dɔbɛn nama chɛ sin, sawa ma min nyɛnden mu, chɛɛ Yataa Nyina mu. Sawa min nyɛnden mu, ɛ na saya an na, chɛɛ Yataa Nyina ta na, ɛ na fɔɛ an na.

GBOO FEAN BƆƐ KƆYINDI KO A 5:11

Nn‑na a ɔ sɔn fan, Mansa Yataa ma chianɛ mu koe min na. Chɛ an fɛ mu, nn mbe butuin chɛ mɔ dɔ mende yiima mun koe a chɛndɛ, a si a ma. Yataa‑a nn sɔn fan chɛndɛ chɛ. A sin, n yii na tɛen fan mu, wo ta yiinachii gbu wɛɛ ɔ, wo‑a n sɔn fan.

GBOO FEAN BƆƐ KƆYINDI KO A 6:1

Nn bɛ an mbe wai chɛ tena dɔndɔ a, nn bɛ Yataa wandi a. Chɛ ko a gbɛ, nn mbe wo disa tena, wo wɛn‑na Yataa 'a koadia demanɛ ma sɔn, wo ni a bia wo boo fea a.

Gboo Ɛfisɔsi Ko A 6:20

Koe min na mu, bai chɛ an ko a mu ka, n mbe sa ɔ pimbi chenɛ a. Wo samunɛ chɛ n ko a, min mbe a ma, n ni koɔ mɔɛ gbɛɛ tena, faagbɛa ɔ, yɔ a nyin n ni koɔ buɛ min dɔ.

Gboo Kɔdɔsai Ko A 1:20

Yataa‑a a ɔ bɛn fan to, fen kɔ fen dunya chɛ ɔ, ni banda bu ɔ, Chisɔsi‑a a ma, an ma‑a a wan Yataa dia nyɔɛ n na. Yataa‑a chɛ ma wii chɛ an dɔ, Chisɔsi‑a min na bɔn kɔn gbengbandenɛ ma.

Gboo Saa Tɛsadonika Ko A 4:8

Chɛ an‑na a fɔ, mɔ ɔ mɔ min mbe ban‑da kan chɛ ɔ, a ee ma‑a ka ban‑da mɔ gbu an dɔ. Chɛɛ ɛ ma‑a ka a kan kɔ sɔ‑a Yataa an na, min‑na a Nyina bea wo fɛ.