GBOO FEAN BƆƐ KƆYINDI KO A 5:17 - Yataa 'a Dɔbɛnɛ Nama

¹⁷ Chɛ ko a, ni mɔ ma‑a gbɛ mɔ dɔndɔɛ a mmɔ bɛ Chasi a, mmɔ ma‑a mɔ nama a. Mmɔ ka‑a mmɔ tachɛ buɛ kɔma kun ma, mmɔ dɛ‑a a nama ɔ.

GBOO FEAN BƆƐ KƆYINDI KO A 5:17 ပူးပေါင်းရင်းမြစ်များ

MATIU 12:33

“Kɔnɛ mu a gbɔɛ an na. Kɔn chɛndɛ ɛ gbɔ chɛndɛ an be, mbɛ kɔn yama sin‑na gbɔ yama be.

MATIU 24:35

Dunya gbɛɛ ɛ ban‑da wan, chɛɛ n da a bai ee ka‑a a gba ɔ kuɔ fɔ ko a.”

DUKU 5:38

Mɔ ɛ min ma, e gbɛ nama chɛ soe gboo nama an dɔ.”

CHƆN 14:20

Ni a tima chɛ che‑a, wo e a ɔ gbɛ‑a wan, mbɛ nn fea Fa a, mɔ dɔndɔɛ mu nn na. A sin, wo wɛɛ, wo e ma‑a wan mɔ dɔndɔya ɔ n na, yɔ n bɛɛ, n mbe ma‑a buɛ min dɔ dechee mɔ dɔndɔya ɔ wo a.

CHƆN 15:2

N bonɛ kan kɔ kan, min mbe ee gbɔ chɛndɛ be, ɛ a ka wan a ma. N bonɛ min sin mbe ee gbɔ a tenden be, ɛ a tɛ‑a wan a a, min mbe a ma, a ni nyan chɛndɛ, mbɛ a gbɔ‑a wɔsɔkɔɔ.

CHƆN 15:5

“N fan mu kɔnɛ a, wo sin, n bonɛ n mu wo a. Nn mbe ma‑a mɔ dɔndɔya ɔ, mɔɛ min na, a ma n boo ka ni, n bɛɛ, n ma a boo ka ni, a mɔɛ chɛ ɛ gbɔ sɛsɛ be‑a wan. Koe min na mu, wo ee che ko ɔ ko ma‑a, wo kun ma a a, ni n mbe ee wo kɔ.

CHƆN 17:23

Nn bɛ an na, mɔ dɔndɔɛ mu nn na, yɔ mɔ fea wɛɛ, mɔ ɛ buɛ min dɔ. Chɛ ni a ma, an mbe mɔ dɔndɔya min dɔ an nyɔn na, a da ni fa gban. Chɛ ɛ a ma‑a wan, i wakoe ee mɔɛ miin faa ɔ, an ni a ɔ sɔn, mbɛ i wan‑na n sɔ. A yɛ to, an mɔɛ chɛ n ni a ɔ gbɛ chɛndɛ chɛ, mbɛ i toen fan mu n fɛ den chɛ n na, yɔ i toen mu n na buɛ min dɔ.

CHƆN 3:3

Mbɛ Chisɔsi ɔ, “N ni a ma din i tena, mɔ ɔ mɔ ee don Yataa 'a mansaya kɔɔ, mɔɔ ni a mɔɛ chɛ suun‑da to a nama a.

CHƆN 3:5

Mbɛ Chisɔsi ɔ, “N ni a ma din to i tena, mbɛ mɔ ɔ mɔ ee che don‑da Yataa 'a mansaya kɔɔ, mɔɔ ni a suun‑da to yii a, an fea Yataa Nyina a.

GBOO DOMI KO A 16:10

N mbe Apɛdesi wɛɛ kɔndɔn tena. A‑a a ɔ yian fan a sɔnɛ ɔ, mbɛ ɛ Chisɔsi an ko a gbu. N mbe mɔɛ chɛ n bɛɛ kɔndɔn tena, miin mbe Ayisɔbudɔsi 'a chenɛ a.

GBOO DOMI KO A 16:11

N bɔ Chu mɔɛ chɛ wɛɛ, Ɛdɔdiɔn, n mbe a kɔndɔn tena. Chisian chɛ n gbɛɛ, miin mbe Nasisɔsi 'a chenɛ a, n mbe an kɔndɔn tena.

GBOO DOMI KO A 16:3

N bɔ wai chɛ mɔɛ chɛ nu Chisɔsi ye, Pisida an fea Akuida a, n mbe an kɔndɔn tena kaka.

GBOO DOMI KO A 16:7

Andɔnikɔsi an fea Chunia, n mbe an bɛɛ kɔndɔn tena. N bɔ Chu mɔɛ n fan nɛ, nn bɛ ni miin na pimbi chenɛ a. Chisɔsi 'a sɔ mɔɛ nu, an‑na an sɔn fan chɛndɛ chɛ. An sin pɛn pɛn na‑a an kai fa Chisɔsi Chasi a, n ya ɔ.

GBOO DOMI KO A 16:9

N mbe Wubanɔsi wɛɛ kɔndɔn tena. A wɛɛ mu mmɔ bɔ wai chɛ mɔɛ dɔndɔ an na Chisɔsi Chasi ye. N mbe n dia nyɔɛ chɛndɛ chɛ wɛɛ kɔndɔn tena, min mu Sitakisi a.

GBOO DOMI KO A 7:6

A ni ma boo ɔ boo gbɛ sanche chɛ ɔ, mmɔ kunɛ bɔen fan mu gbɛ sawa chɛ boo ɔ. Koe min na mu, mmɔ fa‑a sawa ta fɛ chia a, min na‑a mmɔ bia pimbi chenɛ a. Mmɔ ee ma‑a to Yataa ko a, chia chɛ n na, sawa nyɛnden chɛ‑a min fɔ. Chɛɛ kuɔ fɔ ko a gbɛ, mmɔ ɛ ma‑a gbɛ chia nama an na, chia chɛ, Yataa Nyina‑a mmɔ sɔ min ma.

GBOO DOMI KO A 8:1

Chɛ an fɛ mu sanche chɛ ɔ, ni mɔ ɔ mɔ ma‑a mɔ dɔndɔɛ a Chisɔsi Chasi a, Yataa ee kaa a tɛ‑a a wakoe ma, a ni tɔɔ.

GBOO SAA KƆYINDI KO A 1:30

A wan Yataa dɔndɔ gbe, a wan‑na a ma, wo ma‑a mɔ dɔndɔɛ a Chisɔsi Chasi a. Ni mmɔ‑a a fɔ, yiimatɛ ɛ mmɔ ɔ, Chasi mu. Ni mmɔ‑a a fɔ, mmɔ tanden mu, a wan mu. A‑a mmɔ kun bɔ mmɔ 'a ko yama n dɔ, mmɔ ma‑a Yataa 'a mɔɛ n na.

GBOO SAA KƆYINDI KO A 13:11

N ni denmɛsɛya ɔ tima min na, n 'na bai sa buɛ, n 'na ko a tisɔn buɛ, a basan n yii si buɛ a koe n ma, an ni wan yɔ den mɛsɛ. Chɛɛ n ma‑a kɛn kai da faenɛ a, n‑na n boo bɔ n 'na den mɛsɛ sɔnɛ n dɔ.

GBOO FEAN BƆƐ KƆYINDI KO A 12:2

N‑na kamin dɔndɔ sɔn fan, min ni Chisianɛ a. Yataa‑a an kamin chɛ ya wan, mbɛ a sɛ‑a a a pɔɔ banda bu ɔ. San tan kun ma naanin fan ben‑da gbɛ, kɛn koe chɛ chɛ‑a a ɔ. Chɛɛ n ma a ɔ sɔn, ni a gbugbu an ya a, a sɛ‑a, chɛ ma, ni a ma‑a cho ɔ wan. Yataa dɔndɔ gbe, an‑na a ɔ sɔn.

GBOO FEAN BƆƐ KƆYINDI KO A 5:16

Chɛ an fɛ mu, a ka gbɛ sanche ma, mmɔ ee mɔ ɔ mɔ ya to mɔgbuya ta fɛ chia a. Mmɔ na‑a Chasi wɛɛ ya boo ɔ boo mɔgbuya ta fɛ chia a, tima dɔndɔ a, mmɔ ee an yiinachii chɛ chɛ tena to a a.

GBOO FEAN BƆƐ KƆYINDI KO A 5:19

Nn 'na sakana yen ko. Mbɛ Yataa‑a a ma wan, Chasi‑a a ma, mɔɛ gbɛɛ dunya ɔ, an ni ma a wan Yataa dia nyɔɛ a. Yataa nii ma mɔɛ gbɛɛ 'a ko yama n sa tena ɔ bɛn ni. A sin, a‑a an sakana bai chɛ be wan nn ma. Sakana bai chɛ, min mbe a ɔ yian, mmɔ gbɛɛ ɛ ma buɛ min dɔ a dia nyɔɛ a.

GBOO FEAN BƆƐ KƆYINDI KO A 5:21

Mmɔ ko a ni, Yataa‑a ko yama gbɛɛ si Chasi kun ma. Chɛɛ Chasi chɛ nii ma ko yama kan kɔ kan ma ni. Yataa‑a chɛ ma, min mbe a ma, mmɔ ni ma mɔ tandenɛ a a chen kɔɔ. Koe min na mu, mmɔ ma‑a mmɔ dɔndɔɛ a Chasi a.

Gboo Kadesia Ko A 3:28

Wo gbɛɛ, wo bɛ Chisɔsi Chasi a, wo ma‑a gbɛ mɔ dɔndɔɛ a. Tɛ bɔ kan kɔ kan mbe ee to Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin mu yɔnɛ n na, an bɛ chɛ n na, miin mbe an fandi ko a. Tɛ bɔ ee mɔ kaima an ma, an bɛ musu n na. Mɔ tɛ bɔ ee to nɔ.

Gboo Kadesia Ko A 5:6

Koe min na mu, mmɔ mu ka buɛ min dɔ mɔ dɔndɔɛ a, mmɔ bɛ Chisɔsi Chasi a, Yataa ee ko dɔ gbɛɛ kan kɔ kan ma fɛn. A ee a ma fɛn, ni mɔɛ a kaminchaen fan mu, chɛ ma, ni a a ma kamincha ni. Ɛ min yen dechee, an nɛ, ni mmɔ‑a mmɔ kai fa wan a a, min dɔ ɛ yian koadia ɔ.

Gboo Kadesia Ko A 6:15

An ni mɔ a kamincha, an ma i a kamincha, chɛ ma ko a, ɛnden bɛɛ a. Min mu dechee koe a, an nɛ, Yataa‑a a mɔɛ chɛ ma mɔ nama a.

Gboo Ɛfisɔsi Ko A 2:10

Koe min na mu, Yataa boo gba mu mmɔ a. A‑a mmɔ a dan, koe min na mu, mɔ dɔndɔɛ mu mmɔ a, mmɔ bɛ Chisɔsi a, mmɔ chɛ chɛ wai chɛndɛ ko a. Mmɔ chɛ chɛ wai chɛ nu, Yataa‑a miin to mmɔ ya ɔ, mmɔ ni tachɛ an chia chɛ n na.

Gboo Ɛfisɔsi Ko A 2:15

a‑a Chu sawa n ka wan an gba n dɔ, ni koe chɛ nu, sawa chɛ ni miin din mɔɛ n ma, an ma koe a. A toen ni, a ni Chu mɔɛ n na gbuu, an bɛ mɔɛ n na, miin ma Chu mɔ a, an ni ma mɔ nama dɔndɔɛ a, a wan Chasi ɔ. Chia chɛ a mu, a na‑a kuiɛ dɔndɔya a an tɛ ɔ.

Gboo Fiipai Ko A 4:21

Wo ni Yataa 'a mɔɛ n gbɛɛ kɔndɔn n ye, miin mu mɔ dɔndɔɛ n na, an bɛ Chisɔsi Chasi a. Mmɔ suun ma nyɔɛ n bɛɛ Chasi ɔ, miin mbe nɛ n tena, an‑na wo kɔndɔn.