Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




GBOO FEAN BƆƐ KƆYINDI KO A 5:15 - Yataa 'a Dɔbɛnɛ Nama

15 A sin gbu, a na‑a fa mɔɛ gbɛɛ an ko a. Chɛ‑a a ma wan, mɔɛ gbɛɛ, miin mbe fɔɛ ɔ, an mbe ee to a ɔ an fandi an ko a. Chɛɛ an mbe gbɛ fɔɛ ɔ, Chasi an ko a. A wan fa‑a, mbɛ a kɔɔ sɔ‑a, a ka saya ɔ, an ko a.

အခန်းကိုကြည့်ပါ။ ကော်ပီ




GBOO FEAN BƆƐ KƆYINDI KO A 5:15
41 ပူးပေါင်းရင်းမြစ်များ  

mbɛ ɛ mmɔ bɔ‑a wan mmɔ chɛɛ ma nyɔɛ n boo ɔ, mbɛ a‑a a ma, mmɔ ni wai chɛ a ko a faachima ɔ.


“N mbe chɛ ma din tena wo tena, mbɛ mɔɛ min mbe n da a bai a min‑da, a ni a kai fa Fa Yataa a, min‑na n sɔ, a mɔɛ chɛ ɛ kuɔ fɔ fɔɛ ma sɔn‑da wan. A mɔɛ chɛ, kaa a ee tɛ‑a a wakoe ma, a ni tɔɔ. A ban‑da saya ɔ tandin‑da, a ta kuɔ fɔ fɔɛ ɔ.


Fa min mbe fɔɛ be, an‑na n sɔ dunya chɛ ɔ, a sin fan‑na a ma to, n mbe fɔɛ ɔ. A chia dɔndɔ gbe chɛ a, mɔ ɔ mɔ min mbe n gboo daun‑da, n bɛɛ, n mbe a ma‑a ka wan, an ni ma fɔɛ ɔ.


N bɔ Chisianɛ nu, Yataa 'a chinchincha koo mmɔ tena. Chɛ an fɛ mu, n mbe wo disa tena, min mbe a ma, wo ni wo wandi be a 'a wai ko a. Wo ni ma tenchen an ko a. Wo wo fɔɛ gbɛɛ be a ma, wo ni ma yasi a a ko a, min mbe na faachima a a tena. Chia chɛndɛ gbu sin mu chɛ an na, Yataa fai koe a.


Chisɔsi be‑a wan, fa koe a mmɔ 'a ko yama n ko a. A sin, a kɔɔ sɔ‑a wan, a ka saya ɔ, min mbe a ma, Yataa ni mmɔ ya mɔ tandenɛ n na.


Tea ko a, chɛ ee ma. Ni ko yama ma koe mu to, mbɛ mmɔ faenɛ mu gbɛ. Mmɔ ee kun to ma‑a fɔɛ ɔ, mmɔ ɛ ta‑a ko yama ma‑a tun tun.


Mmɔ‑a a ɔ sɔn fan, mbɛ Chisɔsi ni gbangban tena tima min na kɔn gbengbanden chɛ ma, mmɔ sɔn kɔma n bɛɛ gbangban‑da wan a ma. Chɛ ma‑a min mbe a ma, Yataa ni mmɔ sɔn kɔma n bɔ mmɔ faa n dɔ. Chɛ ɛ a ma‑a wan, mmɔ ee ma‑a to yɔnɛ n na mmɔ 'a ko yama n boo ɔ.


Chɛɛ ni Chasi ma‑a wo wɛn fɛ, ɛ a ma wan, wo ni ma fɔɛ ɔ. Chɛ ɛ ma‑a wan wo a, wo gboo ɛ fa‑a wɛɛ boo ɔ boo, wo 'a ko yama boo ɔ. Chasi sin mbe chɛ ma‑a wan wo ko a, koe min na mu, wo ya‑a mɔ tandenɛ a Yataa tena.


A mu min na, Chisɔsi Chasi 'a gbasaya ɔ, mmɔ kunɛ bɔ‑a ko yama 'a gbasaya ɔ, min mbe na saya a. Yataa Nyina min mbe fɔɛ chɛndɛ be, an‑na a ma chɛ ma‑a.


Mɔɛ yii ma ma koe a, gbasaya kɔɔ, mɔgbuya ɔ min ma nyin, ɛ na saya an na. Chɛɛ mɔɛ yii ma ma koe a Yataa Nyina 'a gbasaya kɔɔ, ɛ na kuɔ fɔ fɔɛ an na, a basan faachima a.


Wo koe n ma dechee, yɔ n mbe a ma buɛ min dɔ. N mbe butuinɛ chɛ wan mɔ ɔ mɔ faa chima koe a, n tachɛ buɛ gbɛɛ ɔ. N mbe ee n yii na chii, n fandi a tɔnɔnɛ an ko a. Chɛɛ tɔnɔnɛ chɛ mu, mɔɛ gbɛɛ ko a, an ni bauncha ma sɔn.


Gbasaya ee ka buɛ min dɔ n boo ɔ, chɛ‑a n faa chima, Chasi ko a. N faa chimaen mu, mainɛ ɔ bia koe a, yakɔɔtawa bia koe a, ko ma gbaaenɛ ɔ bia koe a, a basan ko gbɛama n na. Koe min na mu, gbasaya ee n boo ɔ tima min na, a tima chɛ a mu, n dɔ gbɛ.


An‑na a ma nn ma‑a wai chɛ mɔɛ chɛndɛ n na, Yataa 'a dɔbɛn nama chɛ ko a. Dɔbɛn nama chɛ sin, sawa ma min nyɛnden mu, chɛɛ Yataa Nyina mu. Sawa min nyɛnden mu, ɛ na saya an na, chɛɛ Yataa Nyina ta na, ɛ na fɔɛ an na.


Chɛ an fɛ mu, a ka gbɛ sanche ma, mmɔ ee mɔ ɔ mɔ ya to mɔgbuya ta fɛ chia a. Mmɔ na‑a Chasi wɛɛ ya boo ɔ boo mɔgbuya ta fɛ chia a, tima dɔndɔ a, mmɔ ee an yiinachii chɛ chɛ tena to a a.


Ni mmɔ ɛ fɔɛ chɛ ɔ, mmɔ tachɛ Yataa Nyina gbee a, mbɛ mmɔ bea‑a chia chɛ fɛ, Yataa Nyina ɛ mmɔ sɔ‑a min ma.


Sanche gbɛ, n mbe chɛ an fɔ tena, n ni a kɔ din, Mansa Chisɔsi 'a gbasaya ɔ. Wo ma ma, yɔ mɔɛ chɛ nu, miin ma Yataa sɔn, an mbe koe n ma buɛ min dɔ. An mbe an yii na chii buɛ min dɔ, wooya wa an mbe a ɔ.


A sin gbu, fen kɔ fen min mbe yen‑da gbadan, an mu manɛ a. Chɛ an fɛ mu, Yataa 'a gboo‑a a fɔ, a ɔ, “Wo wo kɔɔ sɔ, wo wɛn mbe sa ɔ chinɔɛ ɔ, mbɛ wo‑a wo kɔɔ sɔ a ka saya ɔ, a sin, Chasi ɛ a 'a manɛ be‑a wo ma.”


Yii chɛ‑a kɛn wo kunɛ ɔ, Yataa chia a, a tima chɛ a, a ma‑a wan yɔ wo tɔn‑da wan ka, wo bɛ Chasi a. A yɛ to, mbɛ Yataa‑a wo kɔɔ sɔ, a ka saya ɔ, wo bɛ Chasi a to. Danaya ni wan wo ɔ Yataa 'a gbasaya ko a, min‑na Chisɔsi kɔɔ sɔ, a ka saya chɛ ɔ. An danaya chɛ sin fan‑na a ma, chɛ ma‑a.


Tima min na Yataa‑a Chasi a yɛ to fɔɛ ɔ, a‑a a ma wan, wo wɛɛ‑a fɔɛ nama ma sɔn. Chɛ an‑na a fɔ, wo to fen chɛ n na, Yataa‑a miin sa tena ɔ bɛn wo ko a banda bu ɔ. Chasi ɛ nɔ wan si ɔ kaina a ma bɛndenɛ, Yataa boo nyima ɔ.


A sin, ni wo ma‑a ko ɔ ko ma‑a, wo da ɔ, ni wo chɛ chɛ wai n dɔ, wo an ma Mansa Chisɔsi tɔɛ ɔ. Ni wo ma‑a chɛ gbɛɛ ma‑a, wo Fa Yataa wai bɔ, Mansa Chisɔsi 'a gbasaya ɔ.


A ni ma wai kan kɔ kan na wo boo ɔ, wo a chɛ wo faa gbɛɛ a. Wo a chɛ yɔ wo e ka a chɛ‑a Mansa Chisɔsi an ko a, chɛɛ mɔ gbu an ma.


A wan fa‑a mmɔ ko a, min mbe a ma, mmɔ bɛ ni ma fɔɛ dɔndɔɛ ɔ. Tima min na ɛ na‑a to, mmɔ ni ma fɔɛ ɔ wan, mmɔ faen fan ni ma, chɛ ɛ ma‑a wan.


A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.


Chɛ an na‑a a ma, sakana bai chɛndɛ chɛ na‑a sa chɛ n bɛɛ tena, miin na‑a fa. Chɛ na‑a ma, min mbe a ma, ni an gboo na‑a tɔɔya wɛɛ saya a, an nyina ni ma nɔ fɔɛ ɔ, yɔ Yataa ɛ buɛ min dɔ.


Yataa 'a koadia, a na‑a a ɔ yian ka wan mmɔ a. A na‑a a 'a den dɔndɔ gbe a na wan dunya chɛ ɔ, min mbe a ma, mmɔ ni kuɔ fɔ fɔɛ ma sɔn.


Mbɛ a ɔ, “A yen ko, chi ɛ n boo ɔ saya ko a, a basan ta koe a faa a. N faen fan ni, chɛɛ a yen ko, n mbe fɔɛ ɔ kuɔ fɔ ni kuɔ fɔ ko a. N fan, fɔɛ ɛ n fan boo ɔ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ