GBOO FEAN BƆƐ KƆYINDI KO A 5:14 - Yataa 'a Dɔbɛnɛ Nama

¹⁴ Chisɔsi Chasi 'a koadia, an mbe tachɛ tena mmɔ a. Mmɔ ban‑da ka gbɛ buɛ min dɔ a ɔ sɔn‑da, mbɛ a dɔndɔ gbe an fa‑a mɔ gbu gbɛɛ ko a. Chɛ ɛ a ɔ yian fan, mbɛ mɔɛ gbɛɛ fa‑a wan, a 'a saya chɛ ɔ.

GBOO FEAN BƆƐ KƆYINDI KO A 5:14 ပူးပေါင်းရင်းမြစ်များ

MATIU 20:28

Koe min na mu, n fan, Mɔ Gbu 'a Denɛ wɛɛ, n ma na ni, mɔɛ n ni wai chɛ n ko a. Chɛɛ n na‑a, min mbe a ma, n ni mɔɛ n ma wai n chɛ. A yɛ to, n ni yɛ, n ni n fɔɛ be mɔ gbu n kun ka koe a.”

DUKU 15:24

Koe min na mu, n 'na den chɛ faen fan ni, chɛɛ a yɛ‑a gbɛ fɔɛ ɔ. A toen fan ni a ɔ, chɛɛ a yen‑da gbɛ.’ Mbɛ an‑na a kuu sɔ daunɛ chɛ‑a an mbe ta‑a tɔmbɔɛ don‑da a boo ɔ.

DUKU 15:32

Chɛɛ mɔɔ ni mmɔ‑a buɔdia bonda chɛ bɔ, a mu min na, i dɔɛ chɛ faen fan ni, chɛɛ a yɛ‑a gbɛ fɔɛ ɔ. A toen fan ni a ɔ, chɛɛ a yen‑da gbɛ sanche.’ ”

DUKU 24:29

Chɛɛ an‑na a ɔ bia wan, an dɔ, “Mmɔ chi nɛ. Tee bea‑a gbɛ, a sin pimbi ɛ gbɛ bun koe an dɔ.” Mbɛ an bɛ ta‑a an na chenɛ a chi koe a.

CHƆN 1:29

Mbɛ banda ɔ ka‑a kɛn, tee dɔndɔɛ ma, Chɔn‑na Chisɔsi yen na‑a a tena. Mbɛ a wan Chɔn dɔ, “Yataa 'a sa tɔngbɔɛ yen ko a na‑a, mɔɛ n 'na ko yama n gbɛɛ dunya ma, an mbe si ɔ min kun ma.

CHƆN 11:25

Mbɛ Chisɔsi ɔ te to a ma, “N fan mbe a ma, mɔɛ n mbe an kɔɔ sɔ, a ka saya ɔ, mbɛ n‑na a ma to, an‑na fɔɛ ma sɔn. An ni a fɔ mɔɛ ni fa wɛɛ, ɛ a tun fan ma koe a fɔɛ ɔ, ni a kai faen fan ni n na.

CHƆN 5:25

Ka n mbe chɛ ma din wo tena, mbɛ tima ɛ che tena wan, a gbu sin che‑a, tima min na, mɔ faenɛ n mbe n kuiɛ a min‑da, n fan, Yataa 'a denɛ. An fɛn sin mbe an too ma sɔ‑a a ma, an mbe kuɔ fɔ fɔɛ ma sɔn‑da wan.

CHISƆSI 'A SƆ MƆƐ NU 18:5

Sidasi an fea Timoti a, an na‑a kɛn a ka Masidonia chɛnyɛ ɔ, Pɔɔ‑a a 'a tima gbɛɛ be Yataa bai sa koe an na. A ni wan a fɔ tena Chu mɔɛ n ye, Chisɔsi an mu kunka mansa a.

GBOO DOMI KO A 2:2

Mmɔ gbɛɛ‑a a ɔ sɔn fan, mbɛ tea ɛ Yataa an boo ɔ, ni a‑a kaa a tɛ, a si mɔɛ chɛ n ma, miin mbe ko bonda chɛ n ma.

GBOO DOMI KO A 5:15

Chɛɛ mɔ fea chɛ n ni dama. Koe min na mu, Yataa 'a koadia demanɛ, a ee ka yɔ Adami 'a ko yama maenɛ. Tea gbu mu a a, mbɛ mɔ sɛsɛ faen mu mɔ dɔndɔ gbe chɛ 'a ko yama maenɛ ko a. Chɛɛ Yataa ɛ a 'a koadia demanɛ chɛ chia min na a koo kaka. A sin chia chɛ a mu, a 'a ko chɛndɛ chɛen mu mɔ gbu gbɛɛ ko a, gbama gbama a. Chɛ maen mu mɔ dɔndɔ gbe a ko chɛndɛ ma an dɔ, Chisɔsi Chasi.

GBOO DOMI KO A 6:13

Wo sin gbu ma wo wandi be chia ɔ chia a ko yama ma, wo ma wo boo chɛ ko yama n dɔ. Chɛɛ wo e min ma, wo wo wandi be Yataa ma. Wo a ma yɔ mɔɛ nu, miin‑na fɔɛ ma sɔn, a ka saya ɔ. Wo wo wandi gbɛɛ be a ma, a ma koe a wo ni tea koe n ma.

GBOO DOMI KO A 6:6

Mmɔ‑a a ɔ sɔn fan, mbɛ Chisɔsi ni gbangban tena tima min na kɔn gbengbanden chɛ ma, mmɔ sɔn kɔma n bɛɛ gbangban‑da wan a ma. Chɛ ma‑a min mbe a ma, Yataa ni mmɔ sɔn kɔma n bɔ mmɔ faa n dɔ. Chɛ ɛ a ma‑a wan, mmɔ ee ma‑a to yɔnɛ n na mmɔ 'a ko yama n boo ɔ.

GBOO SAA KƆYINDI KO A 16:22

Mɔ ɔ mɔ, Mansa Chisɔsi ko a ee dia min ye, danka ni ma a fɛ. Mansa Chisɔsi, na wɛ nn ye.

GBOO SAA KƆYINDI KO A 2:14

Chɛɛ mɔɛ nu, Yataa Nyina ee miin fɛ, an mbe ee dɔn, an ni an boo si fen chɛ n kɔɔ, Yataa Nyina ɛ miin be. Koe min na mu, an mbe an ya wooya fenɛ n fan na. An mbe ee che an dɔ gbɛ‑a. Koe min na mu, Yataa Nyina dechee, an mbe a ma, mɔɛ n ni koe n dɔ gbɛ miin ka‑a Yataa tena.

GBOO FEAN BƆƐ KƆYINDI KO A 3:7

Sawa kɔma n nyɛndenɛ ni senɛ an ma. A sin, a ni be tena tima min na Mosisi ma, Yataa 'a manɛ na‑a yen fan. Isɔɛɛ mɔɛ nii ma che ni Mosisi ma fɛn‑da kaka, koe min na mu, a manɛ kɔ ni gbɛɛ. Chɛɛ a ya kɔɔɛ chɛ gbu nii ma man ni tima ɔ yansama ko a. Chɛ an fɛ mu, sawa chɛ min mbe na ka saya a, ni a manɛ ma‑a ka, chɛ ɛ koe an dɔ yian tena.

GBOO FEAN BƆƐ KƆYINDI KO A 3:9

Koe min na mu, sawa chɛ, min mbe a ma kaa ɛ tɛ mmɔ ma, mmɔ ni tɔɔ, ɛ na wan manɛ a. Ni chɛ ɛ ma wan, mbɛ Yataa Nyina ta manɛ tana, ɛ koa‑a wan kaka. Koe min na mu, a wan mbe mɔɛ n ya mɔ tandenɛ n na Yataa chen kɔɔ.

Gboo Kadesia Ko A 2:20

N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.

Gboo Ɛfisɔsi Ko A 6:24

Koadia ɛ miin gbɛɛ faa ɔ, mmɔ 'a mansa Chisɔsi Chasi ko a, koadia min mbe ee danka kuɔ fɔ, Yataa ni an gbɛɛ dua.

Gboo Kɔdɔsai Ko A 2:13

Tima ni wan nɔ, wo faenɛ ni wo 'a ko yama n boo ɔ, Yataa tena. A sin, wo kunɛ nii ma bɔ ni wo 'a ko yama n dɔ, miin nii ma nyin mɔgbuya ɔ. Chɛɛ Yataa‑a wo a yɛ to fɔɛ ɔ, wo bɛ Chasi a. Mmɔ gbɛɛ, Yataa‑a a boo bɔ mmɔ 'a ko yama n dɔ.

Gboo Kɔdɔsai Ko A 3:3

Koe min na mu, wo fa‑a wan. A sin, wo 'a fɔɛ nama, ɛ sa ɔ nun dɔ, Yataa boo ɔ, Chasi ɛ kaina min.

1 TIMOTI 2:6

min‑na a wandi fɔɛ be, min mbe a ma, a ni mmɔ gbɛɛ kun ka. Chɛ‑a a ɔ yian fan a tima chɛ a, mbɛ tima gbu an che‑a ka, Yataa toen mu mmɔ gbɛɛ ni bauncha ma sɔn.

1 TIMOTI 5:6

Chɛɛ fuinya musu min kunɛ a fuinden mu buɔdia bɔ koe a, a nɛnɛ ban‑da, a fɔɛ ɛ wɛɛ boo ɔ boo a sun da a.

TAITƆSI 3:3

Mmɔ wandi wɛɛ, tima dɔ a mmɔ wooen ni, mmɔ nii kooya be, mɔɛ n na‑a mmɔ sɔ wan chia yama ma. Mmɔ ni yɔnɛ n fan na, mmɔ faa ma koe n dɔ, a basan dunya ma koe n na. Mmɔ na‑a tima gbɛɛ ya fɔɛ ɔ toomaya an dɔ, mɔɛ n tooenɛ ɛ mmɔ a, mmɔ wɛɛ tooenɛ ɛ mmɔ nyɔn na.

GBOO IBU MƆƐ N KO A 2:9

Chɛɛ mmɔ‑a a ɔ sɔn fan Chisɔsi ɛ gbɛ buɛ min dɔ. Tima ɛnden ko a, Yataa na‑a a don fan maeka n 'na gbasaya kɔɔ. A na‑a a ma wan mansa a, tando ɛ min ma, a basan basɔmaya a. Chɛ ma‑a, a mu min na, a na‑a tɔɔ wan saya ɔ. Chɛ ko a, Yataa 'a koadia demanɛ ni a ma, a ni saya ɔ yen mɔɛ gbɛɛ ko a.

GBOO IBU MƆƐ N KO A 6:10

Koe min na mu, Yataa ee kaa yama a tɛ, a ni nyina wai chɛndɛ chɛ ma, wo‑a min chɛ. A yɛ to, wo na‑a Yataa 'a mɔɛ n bia wan chɛndɛ chɛ, wo sin mbe tun an bia‑a a buɛ ɔ. Chɛ‑a a ɔ yian fan Yataa a, mbɛ wo toen mu a a.

1 PITA 1:8

Wo ma a yen nin bɛ, chɛɛ wo toen fan mu a a. A yɛ to, wo kai faen fan mu a a, wo ee a yen tena wɛɛ. A sin, sanche chɛ ɔ wɛɛ, wo bu ɔ diama mu. An buɔdia chɛ danka ee, wo ee che bai fɔ‑a a si a ma.

1 CHƆN 5:19

Mmɔ tana, mmɔ‑a a ɔ sɔn fan, mbɛ Yataa 'a denɛ mu mmɔ a. Mbɛ a sin, dunya tɔɛ gbɛɛ, an mbe a wan Sitana 'a gbasaya an kɔɔ.