GBOO FEAN BƆƐ KƆYINDI KO A 5:1 - Yataa 'a Dɔbɛnɛ Nama

¹ Koe min na mu, mmɔ‑a a ɔ sɔn fan, mbɛ ni mmɔ ɛ ka nɛ tɛndi gbama min kɔɔ, min mu mmɔ gboo chɛ a nɛ dunya chɛ ɔ, ni a kasaa‑a, Yataa ɛ chenɛ be‑a wan mmɔ ma. A wandi gbu an‑na chen chɛ a dan, mmɔ ma koe a nɔ. An chen chɛ sin, banda bu ɔ, a ee te kuɔ fɔ ko a.

GBOO FEAN BƆƐ KƆYINDI KO A 5:1 ပူးပေါင်းရင်းမြစ်များ

MAKI 14:58

“Nn‑na a a min fan, a‑a a fɔ, a ɔ, ɛ kun fan a ni Yataa 'a chen chɛ, mmɔ‑a min sɔ ka mmɔ boo a, a ni a te, mbɛ a‑a a sɔ tee sawa tɛ ɔ, mɔ gbu boo sin fan mbe ee a sɔ‑a.”

CHISƆSI 'A SƆ MƆƐ NU 7:48

“Chɛɛ Yataa Wa ee ma chen na, mɔ gbu n mbe min sɔ. Ɛ wan yɔ Yataa 'a gbonka chɛ mɔɛ n 'na gboo‑a a fɔ buɛ min dɔ, a ɔ,

GBOO SAA KƆYINDI KO A 3:9

Koe min na mu, nn mbe wai chɛ tena Yataa an ko a. Wo sin, wo e wan yɔ wo e a 'a yadi ɔ wan. A yɛ to, wo e wan bɛɛ yɔ a 'a chen sɔenɛ.

GBOO FEAN BƆƐ KƆYINDI KO A 4:7

Chɛ gbɛɛ ɔ, Yataa Nyina 'a tɔnɔnɛ ma kawaenɛ ɛ ka mmɔ wɛn boo ɔ, mmɔ ɛ wan yɔ boo da. Chɛ ɛ a ɔ yian fan, mbɛ gbasaya ɛ Yataa an boo ɔ, mmɔ wan ma.

GBOO FEAN BƆƐ KƆYINDI KO A 5:4

Tima min na wɛ mmɔ ɛ dunya ma gboo chɛ ɔ, mmɔ ɛ kuun tena wan, tɔɔya ɔ. An ma a fɔ ni, mbɛ mmɔ toen mu mmɔ ma senɛ ni ma. Chɛɛ mmɔ toen mu, banda bu ɔ gboo chɛ, a ni sɛ mmɔ ma. Chɛ ni a ma, mmɔ 'a dunya ma gboo chɛ, a ni mun kuɔ fɔ nɛnɛ a.

Gboo Kɔdɔsai Ko A 2:11

Wo ma min chɛ‑a mɔ dɔndɔɛ a, wo bɛ Chasi a, wo a ban‑da kamincha‑a. Mɔ gbu ta da kamincha ma, chɛɛ Chisɔsi ta mu. A sin‑na a ma, mbɛ wo kunɛ bɔ‑a wo 'a ko yama n dɔ, miin ma nyin mɔgbuya chɛ ɔ.

2 TIMOTI 1:12

A sin, chɛ an fɛ mu n mbe ka mɔnɛ bonda chɛ ɔ bia tena. Chɛɛ mau ee n dɔ, koe min na mu, n‑na a ɔ sɔn fan, n kai faen mu min na. A sin n danden fan mu a a, mbɛ a‑a fenɛ min be n ma, ɛ che wan a kun ma fɛn‑da aan a tee dankama chɛ ni che.

GBOO IBU MƆƐ N KO A 11:10

Koe min na mu, Ebeami ni wan tima ma kɔn tena, duu wa chɛ ma sɔn koe a, Yataa na‑a a too ɔ dia min na. Duu wa chɛ, Yataa wandi na‑a min siman, a‑a a sɔ gban, a ee yɔn kuɔ fɔ ko a.

GBOO IBU MƆƐ N KO A 9:11

Chɛɛ Chasi ban‑da gbɛ na‑a, ma koe a tɛ mɔ wa a, mɔ gbu n tɛ Yataa a, ko chɛndɛ chɛ n ko a, miin‑na mmɔ tan. A ben‑da ka tɛndi min kɔɔ, mɔ gbu an ma a nyan ni, a sin gbu ma dunya chɛ ɔ fen na.

GBOO IBU MƆƐ N KO A 9:24

Koe min na mu, Chasi don‑da banda bu ɔ wan. A nii ma don ni kaina chɛ wan, Yataa ɛ fai kaina, mɔɛ n‑na min nyan. A don‑da gbɛ banda bu ɔ, ma koe an na, Yataa chen kɔɔ, mmɔ ko a.

1 PITA 1:4

Chɛ an‑na a fɔ, fen kuu ma chɛ ɛ wan nɔ, Yataa‑a min sa tena ɔ bɛn a 'a denɛ n ko a. Ɛ wan nɔ banda bu ɔ, wo ko a. Ko ɔ ko ma ma ni a a, a sin, tɔmbɛ ee a ma. An fen chɛ ee tui, a sin mbe ee ka a gba ɔ.

2 PITA 3:11

Fen kɔ fen sin gbu, ɛ na tena kasaa‑a ka buɛ min dɔ, a nyin wo ni a ɔ sɔn, ni wo e ma‑a mɔɛ miin nyɔn sima n na. Wo ma tenchen Yataa ko a, wo ni wo fɔɛ gbɛɛ be a ma.

1 CHƆN 3:14

Ni mmɔ to‑a mmɔ suun ma nyɔɛ n na, ɛ a ɔ yian fan, mbɛ mmɔ bɔ‑a saya 'a gbasaya kɔɔ, mmɔ‑a kuɔ fɔ fɔɛ ma sɔn. Chɛɛ mɔ ɔ mɔ min ma to ni a suun ma nyɔɛ a, a mɔɛ chɛ ɛ wɛ tun saya 'a gbasaya an kɔɔ.

1 CHƆN 3:19

Ni mmɔ‑a a ma ka, an mbe a ɔ yian‑da, mbɛ tea ɛ wan mmɔ ɔ. An mbe a ma‑a, mmɔ faa ee gbaa, mmɔ ɛ ma‑a Yataa chen kɔɔ,

1 CHƆN 3:2

N dia nyɔɛ nu, Yataa 'a denɛ mu gbɛ mmɔ a. A sin, mmɔ ma chɛ ɔ gbɛ nin bɛ, mmɔ ɛ ma‑a buɛ min dɔ ya ɔ ma. Chɛɛ mmɔ‑a a ɔ sɔn fan, mbɛ ni Chisɔsi na‑a to, mmɔ ɛ ma‑a wan yɔ a wan. Koe min na mu, mmɔ ɛ a ma gbɛ‑a wan gbadan, yɔ ɛ buɛ min dɔ.