GBOO FEAN BƆƐ KƆYINDI KO A 4:7 - Yataa 'a Dɔbɛnɛ Nama

⁷ Chɛ gbɛɛ ɔ, Yataa Nyina 'a tɔnɔnɛ ma kawaenɛ ɛ ka mmɔ wɛn boo ɔ, mmɔ ɛ wan yɔ boo da. Chɛ ɛ a ɔ yian fan, mbɛ gbasaya ɛ Yataa an boo ɔ, mmɔ wan ma.

GBOO FEAN BƆƐ KƆYINDI KO A 4:7 ပူးပေါင်းရင်းမြစ်များ

MATIU 13:44

Chisɔsi ɔ, “Yataa 'a mansaya maen fan mu yɔ min ma‑a tai chɛ ɔ. Mɔ dɔndɔ‑a a kɔnkɔn fan nyanɛ a fii ɔ. Chɛɛ a ma a ya ni, a‑a a kun ma bun fan to chɛndɛ chɛ. Mbɛ a ta‑a, buɔdia wandi a, mbɛ a‑a a boo fenɛ gbɛɛ ma tachɛ kaina chɛ gbu san koe a, nyan chɛ ɛ ka nun dɔ min dɔ.

MATIU 13:52

Mbɛ a ɔ, “Chɛ ma yau. Koe min na mu, ni mɔ ɔ mɔ‑a Yataa 'a sawa sɔn, ni mɔ ɔ mɔ‑a n 'na kanɛ sɔn, a si Yataa 'a mansaya ma, ɛ wan yɔ chen ti. Ni a boo fenɛ ma gbɔsɔɛ‑a a bia, ɛ a bɔ wan a ka a sa tena ɔ bɛn tena, a boo fenɛ kɔma basan a nama a.”

CHƆN 16:33

N mbe chɛ gbɛɛ fɔ tena wo ye, min mbe a ma, wo ni faachima sɔn. Koe min na mu, mɔ dɔndɔɛ mu mmɔ a, mmɔ gbɛɛ. Ko yawaenɛ n mbe wo tan‑da wan dunya chɛ ɔ. Chɛɛ wo wo faa sɔ, n kun‑da gbasaya ti ma dunya chɛ ɔ.”

GBOO SAA KƆYINDI KO A 1:28

Mɔɛ n gbɔsɔ ma fenɛ miin ko a, an ma miin ya ni fen fen na, Yataa‑a an fen chɛ n fan ya. A‑a an ya, a ma koe a, fenɛ miin yaen ni tɔnɔnɛ a dunya ɔ, a ni ma fen fufafuu n na.

GBOO FEAN BƆƐ KƆYINDI KO A 10:10

Mɔɛ n mbe a fɔ wan, an dɔ, “Pɔɔ ɛ bai miin nyɛn a 'a gboo n dɔ, an kɔɔ fanka wan, dimaya wɛɛ an dɔ. Chɛɛ,” an dɔ, “ni a ma‑a mmɔ tɛ ɔ, a ma chimaen mu, baa wɛɛ ee a da a kuiɛ ma.”

GBOO FEAN BƆƐ KƆYINDI KO A 13:4

Koe min na mu, tima min na an ni Chasi gbangban tena kɔn gbengbandenɛ ma, a fa koe a, a nii ma gbasaya yian ni. Chɛɛ ɛ tun fɔɛ ɔ, Yataa 'a gbasaya ɔ. Chɛ an fɛ mu, gbasaya ee nn bɛɛ boo ɔ, nn mu ka buɛ min dɔ mɔ dɔndɔɛ n na Chasi a. Chɛɛ wo e a ɔ yen‑da wan, Yataa 'a gbasaya ɔ, nn mbe fɔɛ ɔ, nn bɛ Chasi a, wai chɛ koe a wo ko a.

GBOO FEAN BƆƐ KƆYINDI KO A 4:1

Chɛ an fɛ mu, nn faa ee yɔn wai chɛ chɛ koe a. Koe min na mu, Yataa 'a chinchincha ɔ mu, a‑a wai chɛ be nn ma a chɛ koe a.

GBOO FEAN BƆƐ KƆYINDI KO A 5:1

Koe min na mu, mmɔ‑a a ɔ sɔn fan, mbɛ ni mmɔ ɛ ka nɛ tɛndi gbama min kɔɔ, min mu mmɔ gboo chɛ a nɛ dunya chɛ ɔ, ni a kasaa‑a, Yataa ɛ chenɛ be‑a wan mmɔ ma. A wandi gbu an‑na chen chɛ a dan, mmɔ ma koe a nɔ. An chen chɛ sin, banda bu ɔ, a ee te kuɔ fɔ ko a.

GBOO FEAN BƆƐ KƆYINDI KO A 6:10

Faayɔnɛ ɛ nn tan tena wɛɛ, chɛɛ chɛ gbɛɛ ɔ, nn mbe buɔdia bɔ wan tee ɔ tee a. Nn maen mu bɛɛ yɔn tɔɛ n na, chɛɛ nn mbe mɔ sɛsɛ n ma tena wan nyan tɔɛ n na. Nn maen mu mɔɛ n fan na, fen kɔ fen mbe ee miin boo ɔ. Chɛɛ fen kɔ fen gbu, ɛ nn fan boo ɔ.

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

Gboo Kɔdɔsai Ko A 1:27

Yataa toen ni, a ni a ɔ yian mɔɛ chɛ n na, a‑a koe min dɔ nun an ma. An koe ma kawaen ni, a sin dua wa ni, mɔɛ n ko a, miin nii ma Chu mɔ a. An koe ɔ nundenɛ gbu an nɛ, mbɛ Chasi wakoe ɛ wan wo wɛɛ faa ɔ, min mu wo 'a yiinatɛ a, Yataa 'a basɔmaya ma sɔn koe a.

Gboo Kɔdɔsai Ko A 2:12

Yii chɛ‑a kɛn wo kunɛ ɔ, Yataa chia a, a tima chɛ a, a ma‑a wan yɔ wo tɔn‑da wan ka, wo bɛ Chasi a. A yɛ to, mbɛ Yataa‑a wo kɔɔ sɔ, a ka saya ɔ, wo bɛ Chasi a to. Danaya ni wan wo ɔ Yataa 'a gbasaya ko a, min‑na Chisɔsi kɔɔ sɔ, a ka saya chɛ ɔ. An danaya chɛ sin fan‑na a ma, chɛ ma‑a.

Gboo Kɔdɔsai Ko A 2:3

Chasi an mu mɔɛ a, min mbe a ma, mɔ gbu ni Yataa 'a yiimatɛ gbɛɛ ɔ gbɛ, min maen mu yɔ nyan fenɛ min nundenɛ ɛ.

Gboo Saa Tɛsadonika Ko A 1:5

A mu min na, nn‑na sakana bai chɛndɛ chɛ ɔ yian wo a, a si Chisɔsi Chasi ma. Nn ma a ɔ yian ni dechee nn da n fan dɔ. Chɛɛ Yataa Nyina an bɛɛ ni ka wai chɛ‑a gbasaya wa ɔ. A sin, nn danden fan ni a a, mbɛ nn mbe tea bai n fan fɔ. Wo sin gbu na‑a nn yen fan, mmɔ bɛ ni tima min na, nn ni fɔɛ min nyɔn sima ɔ. Nn‑na chɛ gbɛɛ ma, basan koe an na wo ma.

Gboo Saa Tɛsadonika Ko A 4:4

Wo gbɛɛ ni wo gboo bia basɔmaya ɔ, Yataa chia a.

2 TIMOTI 2:20

Chen ba a, feanka sɛsɛ ɛ wan nɔ. Sanu pani n mbe wan nɔ, kain pani n mbe nɔ. Kɔn nɛnɛ n bɛɛ mbe nɔ, a basan boo nɛnɛ n na, baa ɛ wan dɔ n ma, baa ee dɔ n sin ma.