GBOO FEAN BƆƐ KƆYINDI KO A 4:5 - Yataa 'a Dɔbɛnɛ Nama

⁵ Nn mbe sakana bai min dɔ yian, a ma si ni nn fandi an ma. Chɛɛ a gbu an nɛ, mbɛ Chisɔsi Chasi an mu mansa a. Nn tana sin gbɛ, nn mu wo 'a yɔnɛ n fan na, Chisɔsi ko a.

GBOO FEAN BƆƐ KƆYINDI KO A 4:5 ပူးပေါင်းရင်းမြစ်များ

MATIU 23:8

Chɛɛ wo dɔndɔ wɛɛ ma dɔn mɔɛ n ni wo chee, kan mɔ, koe min na mu, wo gbɛɛ mu mɔ dɔndɔɛ n fan na. A sin, kan mɔ dɔndɔ gbe an mbe wo ko a.

MATIU 3:11

N fan, n mbe yii an chɛ wo kunɛ ɔ, min mbe a ɔ yian, mbɛ wo‑a wo kan kɔ sɔ wo 'a ko yama n na. Chɛɛ mɔ dɔndɔ ɛ na tena n gbaa, a benden mu n ma kaka. N gbu sin mbe ee che a 'a kɔɔwa wɛɛ bia koe a. A tana, ɛ Yataa Nyina a na‑a wan ma koe a wo fɛ, wo wɛn mbe wo kan kɔ sɔ‑a wo 'a ko yama n na. Chɛɛ wo wɛn mbe ee wo kan kɔ sɔ‑a wo 'a ko yama n na, ɛ wo a ta‑a wan ta ɔ.

CHƆN 7:18

Mɔɛ min mbe kanɛ chɛ, a wandi kun ma a a, a toen mu a ni a wandi an na buu fɛ. Chɛɛ mɔɛ min toen mu, mɔɛ min‑na a sɔ, a ni tando ma sɔn, a mɔɛ chɛ tea mɔɛ mu. A ee fania kan kɔ kan fɔ.

CHISƆSI 'A SƆ MƆƐ NU 10:36

Wo‑a a ɔ sɔn fan, Yataa‑a bai min na ta Isɔɛɛ mɔɛ n tena. A ni wan sakana bai chɛ ɔ yian‑da, mbɛ faachima ɛ sɔn fan Yataa a, Chisɔsi Chasi 'a gbasaya ɔ, min mu mɔ gbu gbɛɛ 'a mansa a.

CHISƆSI 'A SƆ MƆƐ NU 2:36

Mbɛ Pita a ɔ te gbɛ, “Chɛ an‑na a fɔ, wo gbɛɛ, wo wɛn mbe ka Isɔɛɛ chɛnyɛ chɛ ɔ, wo ni chɛ ɔ sɔn. Mbɛ tea gbu ko a, Chisɔsi chɛ, wo‑a min gbangban ka kɔn gbengbandenɛ ma, Yataa wandi‑a an ma ka kunka mansa a, wo baun mɔɛ.”

CHISƆSI 'A SƆ MƆƐ NU 5:31

Yataa‑a a a sɛ wan basɔmaya kaina chenama wa, a wan Yataa boo nyima ɔ. A‑a a ma wan to mansa a, ni mɔ gbu n baun mɔɛ a. Chɛ ni a ma, Isɔɛɛ mɔɛ n ni kun, an ya a mun koe ma Yataa ma, mbɛ Yataa‑a a boo bɔ an 'na ko yama n dɔ.

GBOO SAA KƆYINDI KO A 1:23

Chɛɛ nn‑na a ɔ yian fan, mbɛ mɔɛ n na‑a kunka mansa fa wan, kɔn gbengbandenɛ ma. Chu mɔɛ n tana, an mbe chɛ ya mainɛ an na. Chɛ n sin, miin ma Chu mɔ a, an mbe a ya dechee wooya bai an na.

GBOO SAA KƆYINDI KO A 10:33

Wo koe n ma dechee, yɔ n mbe a ma buɛ min dɔ. N mbe butuinɛ chɛ wan mɔ ɔ mɔ faa chima koe a, n tachɛ buɛ gbɛɛ ɔ. N mbe ee n yii na chii, n fandi a tɔnɔnɛ an ko a. Chɛɛ tɔnɔnɛ chɛ mu, mɔɛ gbɛɛ ko a, an ni bauncha ma sɔn.

GBOO SAA KƆYINDI KO A 12:3

Sanche gbɛ, n toen mu wo ni chɛ an dɔ sɔn. Mbɛ mɔ ɔ mɔ, Yataa Nyina ɛ min fɛ, a ee Chisɔsi main. A sin, mɔ ɔ mɔ ee a bɔ a da ɔ, a ni Chisɔsi chee mansa a, ni Yataa Nyina ma a sɔ ni chia ma.

GBOO SAA KƆYINDI KO A 15:47

Mɔ kaima saa saa chɛ, a bɔ‑a duu gboo an dɔ, a nyan‑da fifii ɔ. Mɔ kaima fean bɔɛ chɛ sin, a ka‑a banda bu ɔ wan.

GBOO SAA KƆYINDI KO A 2:2

Koe min na mu, tima min na n ni wo tɛ ɔ, ko dɔ gbɛɛ kan kɔ kan nii n yii ma wo kan koe a. Min ni dechee n yiima ɔ, an nɛ min sien mu Chisɔsi Chasi ma, a‑a saya min chɛ kɔn gbengbandenɛ ma.

GBOO SAA KƆYINDI KO A 4:15

Wo kan mɔɛ n ni ma wu sɛsɛ wɛɛ, ni wo ma‑a mɔ dɔndɔɛ a, wo bɛ Chasi a, wo fa ɛ dɔndɔ gbe. Koe min‑na a ma, n ma‑a wo fa a, an nɛ sakana bai chɛndɛ chɛ a, a si Chisɔsi ma, n na‑a min na wo tena.

GBOO SAA KƆYINDI KO A 8:6

Chɛɛ chɛ gbɛɛ ɔ, Yataa ɛ dɔndɔ gbe mmɔ ko a. An mu mmɔ Fa a, min‑na fen kɔ fen na dan dunya ɔ. An 'na fɔɛ ɛ mmɔ sun da a. Mmɔ 'a Mansa wɛɛ, ɛ dɔndɔ gbe, min mu Chisɔsi Chasi a. Yataa 'a gbasaya ben‑da an dɔ, fen fen na dan koe a dunya chɛ ɔ. A sin fan‑na a ma, mmɔ ɛ fɔɛ chɛ ɔ, mmɔ ɛ ka min na fɛ‑a.

GBOO FEAN BƆƐ KƆYINDI KO A 1:19

Koe min na mu, Yataa 'a denɛ Chisɔsi Chasi, a ee ka. Sidasi ni ma, Timoti, ni n fan, nn na‑a a wakoe ɔ yian fan wo a. A wan Chisɔsi ee dɔn koe ma, mbɛ a ban‑da to a ma. Chɛɛ a ta nan gbu, tima ɔ tima ko a, a dɔndenɛ an mbe ma a ma.

GBOO FEAN BƆƐ KƆYINDI KO A 1:24

Nn mbe ee a din tena wo ma fɔsɛɛ a, wo e dan koe min na. Nn‑na a ɔ sɔn fan, wo kai faen fan mu Chisɔsi a gban. Nn mbe a ma tena, tee ɔ tee a, mmɔ bɛ ɛ wai chɛ tena, wo 'a buɔdia ko a.

Gboo Kadesia Ko A 5:13

Koe min na mu, n suun ma nyɔɛ nu Chasi ɔ, Yataa‑a wo chee wan, a bɔ yɔncha ɔ. Chɛɛ yuu min tɛ‑a ka wo ma, wo ma ben ko yama ma‑a, wo gboo faa ma koe nu, wo ni a dɛn wo bɔ koe ma yɔncha ɔ. Chɛɛ koadianyɔncha ɔ, wo ma bɔi denɛ a wo nyɔn ko a.

Gboo Fiipai Ko A 1:15

An dɔ n gbu, an mbe sakana chɛ, a si Chasi ma, a ɔ yian toomaya faa an na, a basan koɔ yanɛ a. Chɛɛ an dɔ n sin, an mbe a ma, yiinachii chɛndɛ an na.

Gboo Fiipai Ko A 2:11

An gbɛɛ, an ni a bɔ an da ɔ, an dɔ, Chisɔsi Chasi an mu mansa a. Chɛ an mbe na basɔmaya a, mmɔ Fa Yataa tena.

2 TIMOTI 2:10

Chɛ an‑na a ma, n mbe ko ɔ ko ɔ bia tena mɔɛ chɛ n ko a, Yataa‑a miin ya a ta mɔɛ n na. Yataa 'a bai, an bɛɛ ni ma mɔ dɔndɔɛ a, an bɛ Chisɔsi Chasi a, an ni bauncha ma sɔn. An mbe ma‑a wan, an bɛ Yataa a, kuɔ fɔ ko a.

TAITƆSI 1:11

An da a ni tɔn, koe min na mu, an mbe chenɛ n dɔ chɛ chɛ tena wan, an mbe an ka‑a tea chia ma, an 'na kan yama chɛ chɛ a. Chɛ gbɛɛ sin kaen mu mau bandaya kɔpɔ yan chɛ an ma.

2 PITA 2:3

Fania kan chɛ mɔɛ chɛ n fen ko yaen mu kaka. Chɛ an mbe a ma, an mbe tai n dɔ bɛn bɛn a fɔ koe a wo ye, min mbe na tɔnɔnɛ a an tena. Chɛɛ Yataa wɛn mbe kaa a tɛ tena an bakoe ma, a ni an tɔɔ, a ɔ mɛen mu gbɛ, a ma bɛndenɛ ɛ. A sin mbe an kasaa tena wan, a ee chinɔɛ ɔ ɛnden bɛɛ a.