GBOO FEAN BƆƐ KƆYINDI KO A 4:4 - Yataa 'a Dɔbɛnɛ Nama

⁴ An mbe ee che dan‑da Yataa bai chɛ a. Koe min na mu, an yiima ɛ tun pimbi an dɔ, Sitana boo ɔ, min 'na gbasaya ɛ dunya chɛ kun ma. A wan mbe a ma tena, an mbe ee man chɛ yen, ɛ ma man‑da an ma. Manɛ chɛ, min mbe ka sakana bai chɛndɛ chɛ ɔ, a si Chisɔsi ma. A wan Chasi chɛ, an mu Yataa bɔ nyɔɛ a.

GBOO FEAN BƆƐ KƆYINDI KO A 4:4 ပူးပေါင်းရင်းမြစ်များ

MATIU 13:22

Mɔɛ dɔ n sin mbe wan nɔ yɔ wai duu gboo chɛ, chin fen kuu chɛ n bea‑a ka min ma. An mbe sakana bai chɛndɛ chɛ a min fan, chɛɛ dunya chɛ ɔ faagbaa, a basan faagbaa a si an mbe ma buɛ min dɔ an ni nyan, ɛ a ma wan fanka ee ma to Yataa 'a sakana bai chɛ a an tena.

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

CHƆN 1:18

Mɔ ɔ mɔ ma Yataa yen nin bɛ. Chɛɛ a 'a Den dɔndɔ gbe, min fandi mu Yataa a, an fea an mbe min na tima ɔ tima, a‑a a ma, mɔɛ n‑na a Fa sɔn.

CHƆN 12:31

Tima an che‑a ka gbɛ sanche, Yataa ni kaa a tɛ dunya chɛ wakoe ma. Sanche chɛ ɔ, nyina yama min 'na mansaya ɛ dunya chɛ ɔ, a a bea tima an nɛ.

CHƆN 12:35

Mbɛ Chisɔsi ɔ an ma, a ɔ, “Manɛ chɛ ɛ ma‑a wan bɛ wo tɛ ɔ tima ɛnden ko a. Wo a a tun tachɛ chɛ koe a, manɛ ɛ wɛ nɔ tima min na, min mbe a ma, pimbi ee bun‑da wo ma. Ni mɔɛ a ma‑a tachɛ chɛ‑a pimbi pimbi ɔ, a ee a chen kɔɔ yen, a ta chia sɔn koe a.

CHƆN 12:40

“N‑na an ya n na pimbi, an ma na kaina yen. N‑na an yiima n bɛɛ a fa fa‑a, an ma na koe n dɔ gbɛ chɛndɛ chɛ. N‑na chɛ ma, min mbe a ma, an ma na an ya a mun n ma, an ni bauncha ma sɔn.”

CHƆN 12:45

Mɔ ɔ mɔ min‑na n yen, a‑a Fa an yen ka, min‑na n sɔ.

CHƆN 14:30

Mmɔ ee che to chia ɔ bɔ yansama chɛ‑a mmɔ bɛ, a mu min na, nyina yama min 'na gbasaya ɛ dunya chɛ ɔ mɔɛ n kun ma, ɛ chia a. Chɛɛ gbasaya ee a boo ɔ n kun ma.

CHƆN 15:24

Yataa nii a tɛɛ si‑a an ma, ko yama ma koe a, ni n nii ma koe n ma ni an tɛ ɔ. Kamaya koe chɛ nu, n‑na miin ma, mɔ ɔ mɔ ma miin ma nin bɛ an ya kɔɔɛ. Chɛɛ an ban‑da gbɛ kamaya koe chɛ n gbɛɛ yen‑da, n‑na miin ma. Chɛ gbɛɛ ɔ, an too‑a wan n na, a basan Fa wɛɛ a.

CHƆN 16:11

An sin ma a ɔ sɔn, kaa chɛ a tɛ‑a buɛ min dɔ. Koe min na mu, Yataa ban‑da kaa a tɛ‑a Sitana wakoe ma, min mbe dunya chɛ kun ma.

CHƆN 8:12

Chisɔsi koɔ‑a wan to mɔɛ chɛ n tena, a ɔ, “N fan mu manɛ a dunya chɛ gbɛɛ ko a. Mɔ ɔ mɔ min mbe bea‑a n fɛ, ɛ manɛ ma sɔn‑da wan, min mbe a ma, mɔɛ ni ma fɔɛ ɔ. A yɛ to, a mɔɛ chɛ ee tachɛ‑a kuɔ fɔ ko a pimbi pimbi ɔ.”

CHISƆSI 'A SƆ MƆƐ NU 26:18

i ni an ya a ka, i ni an bɔ pimbi ɔ, a na manɛ ɔ, i ni an bɔ Sitana boo ɔ, an ni ma Yataa 'a gbasaya kɔɔ. Chɛ ni a ma, Yataa ni a boo bɔ an 'na ko yama n dɔ, mbɛ an‑na an si tena ma sɔn, Yataa 'a mɔɛ n tɛ ɔ. Mɔɛ chɛ nu, Yataa ɛ a ma, miin mbe ma tenchen a ko a, koe min na mu, an‑na an kai fa n na.’

CHISƆSI 'A SƆ MƆƐ NU 26:23

mbɛ mmɔ kun ka mansa ɛ mɔnɛ ɔ bia wan. A yɛ to, a wan mbe ma‑a mɔɛ saa saa a, min mbe a kɔɔ sɔ‑a, a ka saya ɔ. A sin, a wan mbe manɛ yian‑da Chu mɔɛ n na, an bɛ chɛ n na, miin ma Chu mɔ a.”

GBOO SAA KƆYINDI KO A 10:20

Chɛɛ n mbe min fɔ tena, mbɛ an mbe yasi miin bɔ tena, an mbe an bɔ tena nyina yama n fan ma, an mbe ee an bɔ tena Yataa an tena. A ee dia n ye, n ni wo yen kuiɛ dɔndɔɛ ɔ, wo bɛ nyina yama n na.

GBOO FEAN BƆƐ KƆYINDI KO A 2:11

Chɛ ni a ma, Sitana ma na mmɔ bɔ yaa a. Koe min na mu, mmɔ‑a a ɔ sɔn fan a yiima ɛ buɛ min dɔ.

GBOO FEAN BƆƐ KƆYINDI KO A 2:12

N che‑a wan Towasi duu ɔ, sakana bai chɛndɛ chɛ ɔ yian koe a nɔ, a si Chasi ma. N che‑a kɛn, n‑na a ɔ yen fan, mbɛ Mansa Chisɔsi na‑a chia sa wan nɔ, a 'a wai chɛ koe a.

GBOO FEAN BƆƐ KƆYINDI KO A 3:11

Koe min na mu, koe min mbe tuin gbae, ɛ ma wan manɛ a, mbɛ koe min nan gbu sin mbe ma nɔ kuɔ fɔ, a ta manɛ ɛ koa‑a wan kaka.

GBOO FEAN BƆƐ KƆYINDI KO A 3:14

An gbu sin, tea ko a, an na‑a fo wan ko ɔ gbɛ yiimatɛ a. Koe min na mu, bi tee chɛ wɛɛ a, Yataa 'a dɔbɛnɛ kɔma chɛ, an mbe ma a kan‑da, a maenɛ mu yɔ an yiima ɛ koa an kɔɔ. Koa chɛ sin, min mbe mɔɛ yii kun ma, ɛ bɔ nɔ dechee tima min na, an nɛ tima chɛ a, mɔɛ ɛ ma tima min na mɔ dɔndɔɛ a Chisɔsi a.

GBOO FEAN BƆƐ KƆYINDI KO A 3:18

Mmɔ gbɛɛ sin, koa kan kɔ kan mbe ee to bun dɔ mmɔ ya a. Chɛ an fɛ mu, mmɔ ɛ Mansa 'a manɛ an na ta, yɔ mɛmɛ. Yataa Nyina sin, min mu Mansa chɛ a, ɛ a ma tena wan, mmɔ ma‑a tee ɔ tee a Yataa bɔ nyɔɛ a, manɛ ɔ.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

Gboo Kadesia Ko A 1:4

Mansa Chisɔsi chɛ, an na‑a a wandi be a fa koe a, mmɔ 'a ko yama n ko a. A na‑a chɛ ma, mɔ kun ka koe an na, mmɔ 'a ko yama n boo ɔ dunya chɛ ɔ. Mmɔ Fa Yataa sin faa ma koe, Chasi na‑a an ma ka.

Gboo Ɛfisɔsi Ko A 2:2

An tima chɛ a, wo ni tachɛ tena wan, wo 'a fɔɛ ɔ, wo beaenɛ ɛ dunya chɛ ɔ mɔɛ n ta chia fɛ. Nyina yama n ya ɔ sɔɛ, dunya chɛ ɔ, gbasaya ɛ min boo ɔ ben‑da banda a, wo beaen ni an fɛ. An nyina chɛ, sanche chɛ ɔ, an mbe wai chɛ tena mɔɛ n na, miin mbe ee dɔn an too ma sɔ koe a Yataa ma.

Gboo Ɛfisɔsi Ko A 6:12

Koe min na mu, mmɔ ee butuinɛ chɛ tena mmɔ fian mɔ gbu n fan na, chɛɛ mmɔ ɛ a chɛ tena nyina yama n fan na. An fan mu ya ɔ sɔɛ n na, gbasaya ɛ miin boo ɔ kaina nu, banda a. A sin, an pimbi bundenɛ ɛ dunya chɛ kun ma.

Gboo Fiipai Ko A 2:6

A maen nin bɛɛ chia ɔ chia a yɔ Yataa, chɛɛ a nii ma butuin chɛ ni podon, min mbe a ma, an na kandenɛ ni ma tun, an fea Yataa a.

Gboo Kɔdɔsai Ko A 1:15

Mmɔ ee Yataa min yen, a bɔ nyɔɛ chɛndɛ chɛndɛ, mɔ gbu na‑a min yen, a mu Chisɔsi Chasi an na. Yataa 'a denɛ mu an na, a sin, gbasaya ɛ wan a boo ɔ fen kɔ fen kun ma, min na dan‑da dunya chɛ ɔ.

Gboo Kɔdɔsai Ko A 1:27

Yataa toen ni, a ni a ɔ yian mɔɛ chɛ n na, a‑a koe min dɔ nun an ma. An koe ma kawaen ni, a sin dua wa ni, mɔɛ n ko a, miin nii ma Chu mɔ a. An koe ɔ nundenɛ gbu an nɛ, mbɛ Chasi wakoe ɛ wan wo wɛɛ faa ɔ, min mu wo 'a yiinatɛ a, Yataa 'a basɔmaya ma sɔn koe a.

1 TIMOTI 1:11

Kan chɛ ɛ kamaya sakana bai chɛndɛ an dɔ, Yataa wandi, mmɔ ɛ min tando, a‑a min be n ma.

TAITƆSI 2:13

Mmɔ ya ɛ ta‑a ma‑a tee duaen chɛ ya ɔ, mmɔ 'a Yataa wa Chisɔsi Chasi, mmɔ kun ka mɔɛ, ɛ na‑a manɛ ɔ tee min ma.

GBOO IBU MƆƐ N KO A 1:3

An den chɛ sin, Yataa 'a kamaya ɛ yen fan a ɔ. Yataa ɛ buɛ min dɔ dechee, a wɛɛ ɛ ka wan. A da a bai gbasayaen mu, min mbe a ma tena dunya kunɛ a biaenɛ ɛ kaina dɔndɔɛ. A ban‑da kɛn mmɔ ma ko‑a, a bɔ mmɔ 'a ko yama n dɔ, a si‑a kaina ma bɛndenɛ Mansa Yataa boo nyima ɔ, pan banda bu ɔ.

GBOO IBU MƆƐ N KO A 6:4

Mɔɛ dɔ nu, an ni wan tima dɔndɔ a pimbi ɔ, mbɛ Yataa‑a manɛ be an ma. An na‑a tɔnɔnɛ ma sɔn fan Yataa a, a sin, Yataa Nyina ni wan an bɛɛ fɛ. Mbɛ Yataa 'a bai, ɛ na ko chɛndɛ miin bɛɛ a, an‑na an bɛɛ sima ma fɛn. Fɔɛ chɛ wɛɛ, min mbe ya ɔ ma, gbasaya min mbe a ɔ, an‑na a wɛɛ ma fɛn fan. Chɛɛ chɛ gbɛɛ ɔ, an ka‑a Chasi fɛ. A yɛ to, an mbe da mau koe n sɛ‑a Yataa 'a denɛ ma, fanka ɔ, an mbe a fa‑a to kɔn gbengbandenɛ ma. Chɛ an fɛ mu, chia ee che to sa‑a an ko a, gba fean bɔɛ ɔ, yɛ koe a to Yataa tena.

2 PITA 1:19

Chɛ an fɛ mu gbɛ mmɔ gbu 'a danaya gbu ɔ gbɛa‑a gbɛ, sakana bai chɛ a, Yataa 'a gbonka chɛ mɔɛ n na‑a min dɔ yian suun. Ɛ nyan‑da wan wo ko a, ni wo‑a wo too ma sɔ a ma. Koe min na mu, ɛ wan yɔ dambo manɛ si ɔ pimbi pimbi ɔ. Ɛ ma wan man‑da aan banda ɔ ni ka, mbɛ sayi ma tɔmbuaka man‑da wo faa ɔ, min mu Chisɔsi wandi a.

1 CHƆN 2:11

Chɛɛ mɔ ɔ mɔ min tooen mu a suun ma nyɔɛ a, ɛ ka pimbi ɔ wan, ɛ tachɛ chɛ‑a pimbi ɔ, a ta chia toenɛ ɔ a boo ɔ. Koe min na mu, pimbi chɛ‑a a ma, a ee che kaina yen‑da.

1 CHƆN 2:8

Chɛɛ chɛ ni ma wɛɛ, n‑na sawa min nyɛn ka wo tena, sawa nama mu to a a. Tea gbu sin ko a, mɔ ɛ a yen fan Chisɔsi ɔ, a basan wo wɛɛ a. A mu min na, pimbi ɛ ka gbɛ ben fan na, a sin, Yataa 'a manɛ bun‑da a yian‑da.

1 CHƆN 5:19

Mmɔ tana, mmɔ‑a a ɔ sɔn fan, mbɛ Yataa 'a denɛ mu mmɔ a. Mbɛ a sin, dunya tɔɛ gbɛɛ, an mbe a wan Sitana 'a gbasaya an kɔɔ.