GBOO FEAN BƆƐ KƆYINDI KO A 4:18 - Yataa 'a Dɔbɛnɛ Nama

¹⁸ Koe min na mu, nn yiima ee koe chɛ n fan ma, mɔ gbu ɛ miin yen a ya a. Chɛɛ ɛ fen chɛ n fan ma, mɔ gbu ee min yen a ya a. Mɔ gbu ɛ fenɛ min yen ka a ya a, ɛ ma dechee tima kundu an ko a. Chɛɛ mɔ gbu ee fenɛ min yen a ya a, ɛ ma wan kuɔ fɔ ko a.

GBOO FEAN BƆƐ KƆYINDI KO A 4:18 ပူးပေါင်းရင်းမြစ်များ

MATIU 25:46

A sin, Yataa ɛ mɔ bonda chɛ n na ta‑a wan kaina, an mbe ma‑a kaina mɔnɛ ɔ bia‑a kuɔ fɔ ko a. Chɛɛ mɔɛ tɔɛ chɛ nu, miin tanden mu Yataa tena, an mbe kuɔ fɔ fɔɛ ma sɔn‑da wan.”

GBOO FEAN BƆƐ KƆYINDI KO A 5:7

Mmɔ ɛ tachɛ buɛ min dɔ fɔɛ ɔ, ɛ bɔ mmɔ kai fa buɛ an dɔ Chisɔsi Chasi a, a ee bɔ koe n fan dɔ, mmɔ ɛ miin dɔ yen.

GBOO FEAN BƆƐ TƐSADONIKA KO A 2:16

Nn mbe samunɛ chɛ tena, Mansa Chisɔsi Chasi tena, an fea mmɔ Fa Yataa a, min toen mu mmɔ a. A sin, ɛ mmɔ faa ma nande tima ɔ tima ko a. Koe min na mu, a 'a koadia demanɛ, a ma mmɔ a bea ni kuɔ fɔ. A sin, a na‑a yiinatɛ be wan mmɔ ma chɛndɛ chɛ.

GBOO IBU MƆƐ N KO A 11:1

Mɔɛ min yii na tɛen mu fen chɛ n ma, Yataa na‑a a too ɔ dia miin na, a yɛ to, mɔɛ min dandenɛ ɛ koe n na, a ya ma miin dɔ yen ni, a mɔɛ chɛ an kai faen mu Yataa a.

GBOO IBU MƆƐ N KO A 11:13

Mmɔ bɔ kɔnkɔɛ chɛ n sin, an nii ma sɛmbɛ ni an kai fa koe a Yataa a, aan an fa‑a a nyɔn na. An sin nii ma fen chɛ n ma sɔn ni, Yataa na‑a an too ɔ dia miin na. Chɛɛ an na‑a to pɔɔ wan, an‑na an fen chɛ n yen, mbɛ an bu ɔ dia‑a. An gbu sin dɔn‑da wan a ma den, mbɛ sonda mu an na, dunya chɛ ɔ.

GBOO IBU MƆƐ N KO A 9:11

Chɛɛ Chasi ban‑da gbɛ na‑a, ma koe a tɛ mɔ wa a, mɔ gbu n tɛ Yataa a, ko chɛndɛ chɛ n ko a, miin‑na mmɔ tan. A ben‑da ka tɛndi min kɔɔ, mɔ gbu an ma a nyan ni, a sin gbu ma dunya chɛ ɔ fen na.

1 CHƆN 2:25

A‑a mmɔ too ɔ dia chɛ an na, kuɔ fɔ fɔɛ.