GBOO FEAN BƆƐ KƆYINDI KO A 4:16 - Yataa 'a Dɔbɛnɛ Nama

¹⁶ Chɛ an fɛ mu, nn faa ee yɔn. Nn gboo chɛ, mɔgbuya ɔ, ɛ na tena wɛɛ ka boo ɔ boo tui‑a, chɛ gbɛɛ ɔ, Yataa Nyina min mbe nn fɛ, a ɔ gbɛama mu tee ɔ tee a.

GBOO FEAN BƆƐ KƆYINDI KO A 4:16 ပူးပေါင်းရင်းမြစ်များ

DUKU 11:3

Nn kɔ nn daun fenɛ a tee ɔ tee a.

GBOO DOMI KO A 12:2

Wo ma a a tun koe n ma koe a, dunya chɛ ɔ mɔɛ n mbe miin ma. Chɛɛ wo faa an dɔ, Yataa ni wo mun, mbɛ a‑a yiima nama chɛndɛ chɛndɛ be wo ma. A tima chɛ a mu, wo e kun‑da wo ni a ɔ sɔn, Yataa toen mu koe miin na. Wo ni a ɔ sɔn, koe miin nyin Yataa tena, a yɛ to, mabɔ ee miin ma, an sin mbe a faa chima wan.

GBOO DOMI KO A 7:22

N faa gbɛɛ ɔ, n bu ɔ di wan Yataa 'a sawa ko a.

GBOO SAA KƆYINDI KO A 15:58

Chɛ an fɛ mu, n faa ma suun ma nyɔɛ nu Chasi ɔ, wo sɔ gban wo 'a danaya ɔ. Wo ma ka wo gba ɔ, wo ma Mansa Chisɔsi 'a wai a tima ɔ tima ko a. Koe min na mu, wo‑a a ɔ sɔn fan, wai ɔ wai, wo e min chɛ‑a Mansa chɛ ko a, a ee ma wai gbama a.

GBOO FEAN BƆƐ KƆYINDI KO A 12:15

Ɛ ma wan buɔdia n ma, n ni n boo fenɛ gbɛɛ be, a basan n fandi gbu wɛɛ a, basan koe a wo ma. N mbe chɛ ma‑a wan, n 'na koadia kun ma ɛ sa‑a wan wo ko a, n ta ma ni dɔɔya wɛɛ wo faa ɔ.

GBOO FEAN BƆƐ KƆYINDI KO A 4:1

Chɛ an fɛ mu, nn faa ee yɔn wai chɛ chɛ koe a. Koe min na mu, Yataa 'a chinchincha ɔ mu, a‑a wai chɛ be nn ma a chɛ koe a.

Gboo Ɛfisɔsi Ko A 3:16

Dua sɛsɛ ɛ wan a boo ɔ, banda bu ɔ. A sin, n mbe samunɛ chɛ tena, a ni a ma wo ɔ ni gbɛa, wo 'a danaya ɔ. Chɛ ni ma, Yataa Nyina 'a gbasaya ɔ

Gboo Ɛfisɔsi Ko A 4:23

Wo ma yɔ mɔ nama nu, yiinachii n dɔ, wo e miin chɛ.

Gboo Kɔdɔsai Ko A 3:10

A sin, an sɔn nama chɛ, Yataa wandi an‑na a chɛ wo ɔ. A sin, ɛ a ma tena wan tun tun, wo ni ma yɔ ɛ buɛ min dɔ, wo ni a sɔn chɛndɛ chɛ.

TAITƆSI 3:5

A‑a mmɔ baun. Chɛ ma bɔ ni mmɔ sɔn chɛndɛ an dɔ, mmɔ 'a teaya ɔ ma. Chɛɛ a 'a chinchimaya ko a, a‑a mmɔ 'a ko yama n ko, a‑a fɔɛ nama be mmɔ ma, a Nyina 'a gbasaya ɔ.

1 PITA 3:4

Chɛɛ nyanɛ ɛ wan nɔ, min kun ma ee ka, an mu musu sɔnɛ a. Musu ni tima ya tachɛ koe a mɔ dɔ mende n na, a sin, sɔnkɔ sɔnkɔ nyina ma ma a fɛ. Nyan chɛ nyɔn sima, an ma kawaen mu Yataa tena.

1 PITA 4:14

An mbe wo wɛn main‑da, an dɔ, Chisɔsi Chasi fɛ mɔɛ mu wo a, dua ɛ wo ma. Chɛ‑a a ɔ yian fan ka, Nyina gbasayaen chɛ, Yataa Nyina, ɛ gbɛ wo fɛ gban.