GBOO FEAN BƆƐ KƆYINDI KO A 4:15 - Yataa 'a Dɔbɛnɛ Nama

¹⁵ Koe min na mu, wo ko a mu, koe chɛ n gbɛɛ n mbe ma tena. A sin, Yataa 'a koadia demanɛ ɛ che tena buɛ min dɔ mɔ sɛsɛ ma, an bɛɛ, an mbe Yataa wai bɔ ka wan, min mu basɔmaya a a tena.

GBOO FEAN BƆƐ KƆYINDI KO A 4:15 ပူးပေါင်းရင်းမြစ်များ

GBOO DOMI KO A 8:28

Mmɔ‑a a ɔ sɔn fan, mbɛ ko ɔ ko kan kɔ kan dɔ, mɔɛ miin toen mu Yataa a, a wɛɛ, ɛ wai chɛndɛ n fan chɛ an ko a. An mɔɛ chɛ nu, an fan cheeen mu, a 'a dɔbɛnɛ ta fɛ chia a.

GBOO SAA KƆYINDI KO A 9:19

Chɛ ɛ a ɔ yian fan, mbɛ mɔ ɔ mɔ 'a yɔn ma n na. Chɛɛ chɛ gbɛɛ ɔ, n‑na n fandi ma yɔnɛ a mɔ ɔ mɔ ko a. Chɛ ni a ma, n ni na mɔɛ n gbɛɛ a, n mbe che na‑a miin na Chisɔsi Chasi tena.

GBOO FEAN BƆƐ KƆYINDI KO A 1:11

Wo basan nn ma, samunɛ chɛ koe a nn ko a. Ni mɔ sɛsɛ n ma‑a samunɛ chɛ‑a nn ko a, Yataa ɛ an 'na samunɛ n na min‑da wan, mbɛ a‑a nn dua. Ni chɛ ma‑a, mɔ sɛsɛ n bɛɛ, an mbe Yataa wai bɔ‑a wan nn ko a.

GBOO FEAN BƆƐ KƆYINDI KO A 8:19

Chɛ an dechee ko a ma. Chɛɛ a gbu, chɔchi n gbɛɛ‑a an boo sɔ an ma, an‑na a yian, an 'na kɔpɔɛ ni ma a boo ɔ, a ni bea nn fɛ nn 'na tachɛ ɔ. Ni nn ma‑a wai chɛ chɛ‑a, nn bɛ ni ma. Nn gbɛɛ, nn ni wai chɛ, baa be koe a Mansa Chisɔsi tɔɛ ma. A yɛ to, min mbe a ma, nn ni a ɔ yian, mbɛ nn toen mu, nn ni basan mɔ dɔ mende n ma.

Gboo Kadesia Ko A 1:24

A sin, n bakoe na‑a a ma wan, an‑na Yataa tando.

Gboo Kɔdɔsai Ko A 1:24

Sanche chɛ ɔ, n mbe tɔɔya min gbɛɛ chɛ tena, wo ko a, n bu ɔ diama mu. A sin, n gboo chɛ ɔ, n mbe tɔɔya chɛ a ban‑da wan, Chasi‑a min dɔ bia, a gboo ko a, min mu chɔchi a.

1 TIMOTI 1:14

Mmɔ 'a mansa 'a bauncha koadia yii‑a n kun na. Chɛ‑a danaya chɛ wan n dɔ Chisɔsi Chasi ko a, a basan koadia a. Chɛ an mbe ma mmɔ a, ni mmɔ ma‑a mɔ dɔndɔɛ a, mmɔ bɛ Chisɔsi Chasi a.

2 TIMOTI 2:10

Chɛ an‑na a ma, n mbe ko ɔ ko ɔ bia tena mɔɛ chɛ n ko a, Yataa‑a miin ya a ta mɔɛ n na. Yataa 'a bai, an bɛɛ ni ma mɔ dɔndɔɛ a, an bɛ Chisɔsi Chasi a, an ni bauncha ma sɔn. An mbe ma‑a wan, an bɛ Yataa a, kuɔ fɔ ko a.

1 PITA 2:9

Chɛɛ wo tana, boo sɔ chɛen mu wo wan ma, Mansa Yataa 'a tɛ mɔɛ nu, wo wɛn mu chɛnyɛ a tenchen a ko a. A yɛ to, a ta mɔɛ mu wo a, boo sɔ chɛen mu wo ma, min mbe a ma, wo ni Yataa 'a kamaya ɔ yian. A wan Yataa min‑na wo chee pimbi pimbi ɔ, an na‑a wo a a 'a kamaya manɛ kɔɔ.

1 PITA 4:11

Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.