GBOO FEAN BƆƐ KƆYINDI KO A 4:12 - Yataa 'a Dɔbɛnɛ Nama

¹² Chɛ a ɔ yian fan, mbɛ saya ɛ wan tun ben‑da nn na san‑da. Chɛɛ wo tana, kuɔ fɔ fɔɛ an mbe wo ko a.

GBOO FEAN BƆƐ KƆYINDI KO A 4:12 ပူးပေါင်းရင်းမြစ်များ

CHISƆSI 'A SƆ MƆƐ NU 20:24

Chɛɛ ni n 'na wai chɛ koe mu, n ma n ta fɔɛ chɛ ya ni fen kɔ fen na. Wai chɛ, Mansa Chisɔsi‑a min be n ma, n ni a a ban koe mu. N ni sakana bai chɛndɛ chɛ ɔ yian mɔɛ n na, a si Yataa 'a koadia demanɛ ma.

GBOO SAA KƆYINDI KO A 4:10

Nn tana, mɔɛ n mbe nn ya woo mɔɛ n fan na, wai chɛ koe a Chasi ko a. Chɛɛ wo tana, wo e wo wandi ya yiimatɛ tɔ wa n fan na, koe min na mu, mɔ dɔndɔɛ mu wo a, wo bɛ Chisɔsi Chasi a. Mɔɛ n mbe nn ya, mbɛ gbasaya ee nn boo ɔ, wo sin tana, wo‑a wo wandi ya, mbɛ ɛ wan wo boo ɔ. Wo e baa be wan wo wandi ma, chɛɛ nn tana, mɔ ɔ mɔ ee baa be nn ma.

GBOO FEAN BƆƐ KƆYINDI KO A 12:15

Ɛ ma wan buɔdia n ma, n ni n boo fenɛ gbɛɛ be, a basan n fandi gbu wɛɛ a, basan koe a wo ma. N mbe chɛ ma‑a wan, n 'na koadia kun ma ɛ sa‑a wan wo ko a, n ta ma ni dɔɔya wɛɛ wo faa ɔ.

GBOO FEAN BƆƐ KƆYINDI KO A 13:9

Koe min na mu, n bu ɔ diama an mbe ma, tima ɔ tima ko a, gbasaya ee wɛɛ nn boo ɔ, chɛɛ wo sin dɔ gbɛama ɛ. Nn mbe samunɛ chɛ min ko a, an nɛ, mbɛ mabɔ ma na ma wo ma.

GBOO FEAN BƆƐ KƆYINDI KO A 4:11

Nn 'na fɔɛ gbɛɛ ɔ, saya ɛ wan tun ben‑da nn na san‑da, Chisɔsi wakoe a. Chɛ ni a ma, a ni fɔɛ min nyɔn sima ɔ, a ni yen nn gboo chɛ ɔ.

GBOO FEAN BƆƐ KƆYINDI KO A 4:13

Yataa 'a gboo ɔ te, “N‑na n kai fa Yataa a, an fɛ mu, n mbe bai chɛ sa.” A chia dɔndɔ gbe chɛ a, nn bɛɛ, nn na‑a bai sa wan, koe min na mu, nn bɛɛ kai faen mu Yataa an na.

Gboo Fiipai Ko A 2:17

Wo e wo wandi be tena wan yɔ yasi, wai chɛ koe a Chasi ko a. Koe min na mu, wo‑a wo kai fa a a. N bu ɔ di, n sin mbe buɔdia bɔ‑a wan wo gbɛɛ a, an ni a ma wɛɛ, n wii ni bɔn, yɔ an mbe gbɛ bɔ buɛ min dɔ yasi a.

Gboo Fiipai Ko A 2:30

Koe min na mu, a‑a a wandi fɔɛ ma tachɛ wan, wo 'a wai a ban koe a n tena. A na‑a to fen den, a ni fa, Chasi 'a wai chɛ ko a.

1 CHƆN 3:16

Chisɔsi Chasi‑a a fɔɛ be wan mmɔ ko a. Chɛ‑a a ma wan, mmɔ‑a a ɔ sɔn koadia mu fenɛ min nyɔn sima a. Chɛ an fɛ mu, mmɔ wɛɛ, a nyin fan mmɔ ni mmɔ wandi be mmɔ suun ma nyɔɛ n ko a.