GBOO FEAN BƆƐ KƆYINDI KO A 4:10 - Yataa 'a Dɔbɛnɛ Nama

¹⁰ Tima ɔ tima ko a, Chisɔsi na‑a saya min chɛ, ɛ wan ben tena nn fɛ nn gboo ɔ. Chɛ ni a ma, ɛ fɔɛ nama min dɔ, a ni yen nn dɔ.

GBOO FEAN BƆƐ KƆYINDI KO A 4:10 ပူးပေါင်းရင်းမြစ်များ

CHƆN 14:19

A ɔ ma yansan to, mbɛ Yataa wakoe ee mɔɛ miin faa ɔ dunya chɛ ɔ, an mbe ee n yen‑da to. Chɛɛ wo tana, wo e n yen‑da wan, koe min na mu, ni n yɛ‑a fɔɛ ɔ, wo wɛɛ, wo e ma‑a wan fɔɛ ɔ.

GBOO DOMI KO A 6:5

Chasi fa min chɛ‑a, mmɔ wɛɛ, a ma‑a wan mmɔ 'a saya a, kɛn yii chɛ‑a mmɔ kunɛ ɔ Yataa chia a. Chasi a sɔ‑a buɛ min dɔ a ka saya ɔ, a chia dɔndɔ gbe a mu, Yataa ɛ mmɔ wɛɛ kɔɔ sɔ‑a a ka saya ɔ.

GBOO DOMI KO A 6:8

Ni a na‑a ma wan, yɔ a ma‑a buɛ min dɔ, mbɛ mmɔ bɛ an na‑a fa dɔndɔ a Chasi a, mmɔ ɛ dan fan a a, mmɔ bɛ ɛ ma‑a wan fɔɛ ɔ.

GBOO DOMI KO A 8:36

Yɔ Yataa 'a gboo‑a a fɔ buɛ min dɔ, a ɔ, “I wan Yataa ko a, nn mbe wan saya ma chianɛ kɔɔ tee ɔ tee a, nn mbe wan gbɛ dechee yɔ sa miin mbe sɔ ɔ yuu a, fa koe a.”

GBOO FEAN BƆƐ KƆYINDI KO A 1:5

Ko gbɛama miin dɔ ɛ bia, Chisɔsi Chasi ko a, a koo kaka. Ɛ ka wan to, yɔ nn mbe nande min ma sɔn, Chisɔsi Chasi a, a wɛɛ koo kaka.

GBOO FEAN BƆƐ KƆYINDI KO A 1:9

A ni wan gbɛ nn yii ma, mbɛ saya ni gbɛ nn ma chen da a wan. Chɛɛ chɛ ma‑a, min mbe a ma, nn ni sɛmbɛ dan koe a nn fandi 'a gbasaya a. Nn ni nn yii sɔ Yataa ma, a dechee, a wɛn mbe a ma, faa mɔɛ n mbe an kɔɔ sɔ a ka saya ɔ.

GBOO FEAN BƆƐ KƆYINDI KO A 13:4

Koe min na mu, tima min na an ni Chasi gbangban tena kɔn gbengbandenɛ ma, a fa koe a, a nii ma gbasaya yian ni. Chɛɛ ɛ tun fɔɛ ɔ, Yataa 'a gbasaya ɔ. Chɛ an fɛ mu, gbasaya ee nn bɛɛ boo ɔ, nn mu ka buɛ min dɔ mɔ dɔndɔɛ n na Chasi a. Chɛɛ wo e a ɔ yen‑da wan, Yataa 'a gbasaya ɔ, nn mbe fɔɛ ɔ, nn bɛ Chasi a, wai chɛ koe a wo ko a.

GBOO FEAN BƆƐ KƆYINDI KO A 4:11

Nn 'na fɔɛ gbɛɛ ɔ, saya ɛ wan tun ben‑da nn na san‑da, Chisɔsi wakoe a. Chɛ ni a ma, a ni fɔɛ min nyɔn sima ɔ, a ni yen nn gboo chɛ ɔ.

Gboo Kadesia Ko A 6:17

A ka gbɛ sanche ma, aan a ta, mɔ ɔ mɔ ma n ya kɔɔ tawa. Koe min na mu, paa, an mbe n gboo ma, min mbe a ɔ yian, mbɛ Chisɔsi 'a yɔnɛ mu n na.

Gboo Kɔdɔsai Ko A 1:24

Sanche chɛ ɔ, n mbe tɔɔya min gbɛɛ chɛ tena, wo ko a, n bu ɔ diama mu. A sin, n gboo chɛ ɔ, n mbe tɔɔya chɛ a ban‑da wan, Chasi‑a min dɔ bia, a gboo ko a, min mu chɔchi a.

2 TIMOTI 2:11

Tea bai yen ko. Mmɔ ma min chɛ‑a mɔ dɔndɔɛ a Chasi a, mmɔ sɔn kɔma n bɛɛ, an na‑a fa‑a wan, an bɛ Chasi a, mmɔ bɛ ɛ ma‑a wan to a a banda bu ɔ.

1 PITA 4:13

Chɛɛ a ni ma buɔdia a wo tena, mbɛ wo e ko yawaenɛ min dɔ bia tena, Chasi na‑a an sima ɔ bia. Chɛ ɛ ma‑a wan wo ni ma buɔdia da faenɛ ɔ, ɛ yen‑da tima min na gbasaya ɔ, dunya chɛ ɔ.

1 PITA 4:14

An mbe wo wɛn main‑da, an dɔ, Chisɔsi Chasi fɛ mɔɛ mu wo a, dua ɛ wo ma. Chɛ‑a a ɔ yian fan ka, Nyina gbasayaen chɛ, Yataa Nyina, ɛ gbɛ wo fɛ gban.

KO Ɔ NUNDENƐ 1:17

N‑na a yen kɛn, mbɛ n bea‑a a chen kɔɔ susu gbuu yɔ su. Chɛɛ a‑a a boo nyima bun n ma, a ɔ, “Sɛmbɛ chian koe a. N fan mbe a ma fen fen mbe a kuu sɔ, n fan mbe a ma to fen fen mbe danka.”