GBOO FEAN BƆƐ KƆYINDI KO A 4:1 - Yataa 'a Dɔbɛnɛ Nama

¹ Chɛ an fɛ mu, nn faa ee yɔn wai chɛ chɛ koe a. Koe min na mu, Yataa 'a chinchincha ɔ mu, a‑a wai chɛ be nn ma a chɛ koe a.

GBOO FEAN BƆƐ KƆYINDI KO A 4:1 ပူးပေါင်းရင်းမြစ်များ

DUKU 18:1

Tee dɔndɔ a, Chisɔsi‑a tai tɛ wan a fɛ denɛ n tena. Tai chɛ‑a a ɔ yian fan an na, mbɛ a nyin fan an ni samunɛ ma ti bia tima ɔ tima ko a. A yɛ to, an gboo ɔ ma fa samun chɛ a.

GBOO SAA KƆYINDI KO A 3:5

Chɛɛ n fan Pɔɔ, n ma mɔ a, Apɔdɔsi wɛɛ ma mɔ ɔ mɔ a. Min sin sien mu nn ma, Yataa 'a yɔnɛ gbama mu nn na, miin‑na a ma, wo dan‑da Chisɔsi Chasi a. Mansa Yataa‑a nn sɔ wai chɛ‑a buɛ min dɔ, nn‑na a chɛ ka wan.

GBOO SAA KƆYINDI KO A 7:25

Ka n mbe koɔ gbɛ, a si den tɔngbɔɛ n ma, miin ma si nin bɛ fuu ɔ, wo‑a gboo nyɛn a si miin ma. Mansa Chisɔsi an ma chɛ don ni n da ɔ, n mbe ka min fɔ‑a. Chɛɛ bai min mbe n da a, n mbe ka an fɔ‑a. N mbe koɔ tena wan, yɔ mɔɛ, wo e kun wo ni dan min na. Koe min na mu, Yataa chinchinden fan mu n ma.

GBOO FEAN BƆƐ KƆYINDI KO A 3:12

Chɛ an fɛ mu, yiinatɛ chɛ sima ɛ ka buɛ min dɔ nn dɔ, chian mbe ee nn dɔ.

GBOO FEAN BƆƐ KƆYINDI KO A 3:6

An‑na a ma nn ma‑a wai chɛ mɔɛ chɛndɛ n na, Yataa 'a dɔbɛn nama chɛ ko a. Dɔbɛn nama chɛ sin, sawa ma min nyɛnden mu, chɛɛ Yataa Nyina mu. Sawa min nyɛnden mu, ɛ na saya an na, chɛɛ Yataa Nyina ta na, ɛ na fɔɛ an na.

GBOO FEAN BƆƐ KƆYINDI KO A 4:16

Chɛ an fɛ mu, nn faa ee yɔn. Nn gboo chɛ, mɔgbuya ɔ, ɛ na tena wɛɛ ka boo ɔ boo tui‑a, chɛ gbɛɛ ɔ, Yataa Nyina min mbe nn fɛ, a ɔ gbɛama mu tee ɔ tee a.

GBOO FEAN BƆƐ KƆYINDI KO A 5:18

Yataa an‑na koe chɛ n gbɛɛ ma, mmɔ ko a. A wan‑na a ma, Chasi‑a a ma, mmɔ ma‑a Yataa dia nyɔɛ a, mmɔ bɔ‑a chɛɛ ma nyɔncha ɔ. A sin fan‑na nn sɔ, mɔ dɔ mende n ma sawan koe a Yataa tena, dia nyɔncha ɔ.

Gboo Kadesia Ko A 6:9

Chɛ an fɛ mu, mmɔ gboo ɔ ma fa ko chɛndɛ ma koe a. Koe min na mu, tima ɛ che‑a wan, ni mmɔ ma sɛmbɛ ni, mbɛ mmɔ‑a a tɔnɔnɛ ma sɔn.

Gboo Ɛfisɔsi Ko A 3:13

Chɛ an fɛ mu, wo dimu, wo faa ma yɔn, a si tɔɔya chɛ ma, n mbe min chɛ tena wo ko a. A gbu sin ni na basɔmaya a wo tena.

Gboo Fiipai Ko A 4:13

Chasi 'a gbasaya ɔ, ɛ min be n ma, n mbe che wan, n ni ko ɔ ko kan kɔ kan ma.

GBOO FEAN BƆƐ TƐSADONIKA KO A 3:13

Chɛɛ wo wan, nn suun ma nyɔɛ nu Chasi ɔ, wo gboo ɔ ma fa ko chɛndɛ ma koe a.

1 TIMOTI 1:13

N na‑a a main fan, mbɛ n‑na ko ma gbaaenɛ si a 'a mɔɛ n na. Chɛɛ Yataa chinchin‑da wan n ma, koe min na mu, danaya nii n dɔ a tima a Chisɔsi Chasi ko a, a sin, n nii ma a ɔ sɔn n ni koe min ma tena.

GBOO IBU MƆƐ N KO A 12:3

Wo wo yii na chii a mɔnɛ‑a buɛ min dɔ. A yɛ to, a‑a toomaya min dɔ bia, ko yama ma mɔɛ n boo ɔ. Chɛ an fɛ mu, wo ma a ma wo faa ni yɔn, wo ni sɛmbɛ wo kai fa koe a Yataa a.

1 PITA 2:10

A saa a, Yataa 'a mɔ nii ma wo a. Chɛɛ sanche gbɛ a 'a mɔɛ mu wo a. A saa a, wo nii ma Yataa 'a chinchimaya ɔ sɔn. Chɛɛ sanche gbɛ wo ban‑da a 'a chinchimaya sɔn‑da.

KO Ɔ NUNDENƐ 2:3

Wo‑a wo faa bia kaka tɔɔya a n ko a, a sin, wo gboo ɔ ma fa ni ma koe a n fɛ.