GBOO FEAN BƆƐ KƆYINDI KO A 3:6 - Yataa 'a Dɔbɛnɛ Nama

⁶ An‑na a ma nn ma‑a wai chɛ mɔɛ chɛndɛ n na, Yataa 'a dɔbɛn nama chɛ ko a. Dɔbɛn nama chɛ sin, sawa ma min nyɛnden mu, chɛɛ Yataa Nyina mu. Sawa min nyɛnden mu, ɛ na saya an na, chɛɛ Yataa Nyina ta na, ɛ na fɔɛ an na.

GBOO FEAN BƆƐ KƆYINDI KO A 3:6 ပူးပေါင်းရင်းမြစ်များ

MATIU 13:52

Mbɛ a ɔ, “Chɛ ma yau. Koe min na mu, ni mɔ ɔ mɔ‑a Yataa 'a sawa sɔn, ni mɔ ɔ mɔ‑a n 'na kanɛ sɔn, a si Yataa 'a mansaya ma, ɛ wan yɔ chen ti. Ni a boo fenɛ ma gbɔsɔɛ‑a a bia, ɛ a bɔ wan a ka a sa tena ɔ bɛn tena, a boo fenɛ kɔma basan a nama a.”

MATIU 26:28

A mu min na, n wii an nɛ, n mbe na tena min na bɔn‑da mɔ gbu gbɛɛ ko a, min mbe a ma, Yataa ni a boo bɔ wo 'a ko yama n dɔ. N wii chɛ, Yataa ɛ an ya tena, mbɛ a‑a dɔbɛn nama chɛ a 'a mɔɛ n na.

DUKU 22:20

An ban‑da kɛn kun bɔ a ɔ daunɛ chɛ‑a, a‑a an ko dɔndɔ gbe chɛ an ma kɔpu wɛɛ a. A‑a a ya wan, mbɛ a ɔ, “N wii an nɛ, n mbe min na bɔn tena wo ko a. Yataa ɛ an ya tena, mbɛ a‑a dɔbɛn nama chɛ a 'a mɔɛ n na.

CHƆN 5:21

N Fa, ɛ mɔɛ n kɔɔ sɔ wan, a ka saya ɔ, ɛ fɔɛ be an ma. A chia dɔndɔ gbe chɛ a mu, n bɛɛ, n mbe fɔɛ be‑a chɛ n ma, n toen mu n ni a be miin ma.

CHƆN 6:63

Yataa Nyina, an mbe fɔɛ be, chɛɛ mɔ gbu ta gbasaya ma fen kɔ fen na ɛnden bɛɛ a. N‑na bai miin fɔ ka wo ye, an fan mbe na Yataa Nyina a, min mbe fɔɛ be.

GBOO DOMI KO A 1:5

Yataa‑a a ma wan, Chasi 'a duaya ɔ, nn ma‑a a 'a sɔ mɔɛ a. A‑a chɛ ma, min mbe a ma, nn ni a ma mɔɛ n gbɛɛ dunya ɔ, danaya ni ma an dɔ Yataa ko a, mbɛ an‑na kooya be Chisɔsi ma.

GBOO DOMI KO A 3:20

Koe min na mu, ni mɔɛ toen mu Yataa ni a ya mɔ tandenɛ a, sawa a tachɛ koe a gbee a, an mbe ee a ma chɛ ni ma. Chɛɛ sawa chɛ ɛ koe min ma, ɛ a ma wan mɔɛ n ni a ɔ sɔn, mbɛ ko yama ma mɔɛ mu mmɔ a.

GBOO DOMI KO A 4:15

Yataa faa ɛ tɛ wan, ni mɔɛ‑a a 'a sawa yɔn, a na‑a min be Mosisi ma. Chɛɛ ni sawa kan kɔ kan mbe ee kaina min, sawa yɔn mbe ee ma nɔ.

GBOO DOMI KO A 4:17

Chɛ fɔen fan mu Yataa 'a gboo wɛɛ ɔ, mbɛ a wan Yataa 'a gbasaya ɔ, mɔ sɛsɛ dunya ɔ, Ebeami an mu an bemba n ta bemba a. A sin, a wan Yataa Mansa ko a, a 'a tooɔdia chɛ baa ɛ wan a ma. Ebeami sin na‑a dan Yataa an na. Yataa an mbe a ma mɔɛ min fa‑a, a ni yɛ to fɔɛ ɔ. A da a kuiɛ to, an mbe a ma, fenɛ miin nii dunya chɛ ɔ tee, a ni bɔ a ɔ.

GBOO DOMI KO A 7:6

A ni ma boo ɔ boo gbɛ sanche chɛ ɔ, mmɔ kunɛ bɔen fan mu gbɛ sawa chɛ boo ɔ. Koe min na mu, mmɔ fa‑a sawa ta fɛ chia a, min na‑a mmɔ bia pimbi chenɛ a. Mmɔ ee ma‑a to Yataa ko a, chia chɛ n na, sawa nyɛnden chɛ‑a min fɔ. Chɛɛ kuɔ fɔ ko a gbɛ, mmɔ ɛ ma‑a gbɛ chia nama an na, chia chɛ, Yataa Nyina‑a mmɔ sɔ min ma.

GBOO DOMI KO A 8:2

A mu min na, Chisɔsi Chasi 'a gbasaya ɔ, mmɔ kunɛ bɔ‑a ko yama 'a gbasaya ɔ, min mbe na saya a. Yataa Nyina min mbe fɔɛ chɛndɛ be, an‑na a ma chɛ ma‑a.

GBOO SAA KƆYINDI KO A 11:25

A chia dɔndɔ gbe chɛ a to, an ban‑da kɛn kun bɔ a ɔ daunɛ chɛ‑a, a‑a an ko dɔndɔ gbe chɛ an ma kɔpu wɛɛ a. A‑a a ya wan, mbɛ a ɔ, “N wii an nɛ. Yataa ɛ an ya tena, mbɛ a‑a dɔbɛn nama chɛ a 'a mɔɛ n na. Tima ɔ tima ko a, wo ni ma chɛ min‑da, wo yii na chii koe a n na.”

GBOO SAA KƆYINDI KO A 12:28

Yataa‑a sɔ tena koe ɔ bɛn fan, Chisianɛ n tɛ chɔchi ɔ. A saa ma‑a min na, a‑a a boo sɔ wan Chasi 'a sɔ mɔɛ n ma. A fean bɔɛ mu, a wan Yataa 'a gbonka chɛ mɔɛ n fan na. A sawan bɔɛ mu, mɔɛ n kan mɔɛ n fan na. Chɛ gbakɔ, mɔɛ miin mbe kamaya koe n ma, ni chɛ nu gbasaya be‑a miin ma, mɔɛ n danda koe a, deman koe a an ma, an sɔ koe wɛɛ a chia chɛndɛ ma, a basan kamaya bai n fɔ koe a, miin dɔ ee gbɛ ka dechee.

GBOO SAA KƆYINDI KO A 15:45

A gbu sin, a nyɛnden mu ka wan Yataa 'a gboo ɔ, mbɛ mɔ kaima saa saa, min tɔ ni Adami, Yataa‑a fɔɛ be wan a ma. Mbɛ Adami dankama sin, a mu Yataa Nyina an na, min mbe fɔɛ be.

GBOO SAA KƆYINDI KO A 3:10

N 'na wai maen fan ni, yɔ chen sɔ mɔ wa. N fan‑na chenɛ chɛ kuu si. Yataa an‑na mɔnɛ chɛ be n ma. Mbɛ mɔ dɔ mende sin mbe ta‑a chen chɛ sɔɛ a ya ɔ ma. An fɛ mu, mɔ ɔ mɔ ni tima ya, chen chɛ sɔ buɛ a.

GBOO SAA KƆYINDI KO A 3:5

Chɛɛ n fan Pɔɔ, n ma mɔ a, Apɔdɔsi wɛɛ ma mɔ ɔ mɔ a. Min sin sien mu nn ma, Yataa 'a yɔnɛ gbama mu nn na, miin‑na a ma, wo dan‑da Chisɔsi Chasi a. Mansa Yataa‑a nn sɔ wai chɛ‑a buɛ min dɔ, nn‑na a chɛ ka wan.

GBOO FEAN BƆƐ KƆYINDI KO A 11:23

Ni wai chɛ mɔɛ mu an na, Chasi ko a, n mbe wɛɛ ka koɔ‑a yɔ woo mɔɛ, chɛɛ an wai chɛ mɔɛ chɛndɛ gbu mu n na, a ben an ma. N‑na wai chɛ, a ben an ma, n ta‑a pimbi chenɛ a, a ben an ma. N‑na gbasi min sin dɔ yen, dan mbe ee a ma. Tima sɛsɛ ko a, n ni ma wan saya baima, a ben an ma.

GBOO FEAN BƆƐ KƆYINDI KO A 3:14

An gbu sin, tea ko a, an na‑a fo wan ko ɔ gbɛ yiimatɛ a. Koe min na mu, bi tee chɛ wɛɛ a, Yataa 'a dɔbɛnɛ kɔma chɛ, an mbe ma a kan‑da, a maenɛ mu yɔ an yiima ɛ koa an kɔɔ. Koa chɛ sin, min mbe mɔɛ yii kun ma, ɛ bɔ nɔ dechee tima min na, an nɛ tima chɛ a, mɔɛ ɛ ma tima min na mɔ dɔndɔɛ a Chisɔsi a.

GBOO FEAN BƆƐ KƆYINDI KO A 3:3

Wo gbu sin mbe a ɔ yian tena wan, mbɛ nn‑na wai min chɛ, a gbɔɛ mu wo wan na. Mbɛ gboo mu wo a, min ka‑a Chisɔsi Chasi tena. Wo ta gbooya sin dɔ, wo ma nyɛn ni pɛnɛ inki an na. Chɛɛ Yataa Nyina, min mbe fɔɛ be, an‑na wo nyɛn. A yɛ to, wo ma nyɛn ni sen sɛndenɛ an ma, chɛɛ a‑a wo nyɛn mɔɛ n faa ɔ wan.

GBOO FEAN BƆƐ KƆYINDI KO A 3:7

Sawa kɔma n nyɛndenɛ ni senɛ an ma. A sin, a ni be tena tima min na Mosisi ma, Yataa 'a manɛ na‑a yen fan. Isɔɛɛ mɔɛ nii ma che ni Mosisi ma fɛn‑da kaka, koe min na mu, a manɛ kɔ ni gbɛɛ. Chɛɛ a ya kɔɔɛ chɛ gbu nii ma man ni tima ɔ yansama ko a. Chɛ an fɛ mu, sawa chɛ min mbe na ka saya a, ni a manɛ ma‑a ka, chɛ ɛ koe an dɔ yian tena.

GBOO FEAN BƆƐ KƆYINDI KO A 3:9

Koe min na mu, sawa chɛ, min mbe a ma kaa ɛ tɛ mmɔ ma, mmɔ ni tɔɔ, ɛ na wan manɛ a. Ni chɛ ɛ ma wan, mbɛ Yataa Nyina ta manɛ tana, ɛ koa‑a wan kaka. Koe min na mu, a wan mbe mɔɛ n ya mɔ tandenɛ n na Yataa chen kɔɔ.

Gboo Kadesia Ko A 3:21

Chɛɛ chɛ ma a ɔ yian ni, mbɛ sawa chɛ ma to ni ko ɔ ko a, a si Yataa 'a tooɔdia ma. Koe min na mu, ni sawa been fan mu, min mbe fɔɛ be, mbɛ sawa an mbe a ma, Yataa ni mɔ ya mɔ tandenɛ a.

Gboo Ɛfisɔsi Ko A 2:1

A saa a, wo faenɛ ni, Yataa Nyina ta fɛ chia a. Koe min na mu, wo ni koe n ma wan, miin mbe ee a chia ma, ko yama nu.

Gboo Ɛfisɔsi Ko A 3:7

Sakana bai chɛ, an ko a mu, Yataa‑a n ma a 'a sɔ mɔɛ a. Chɛ bɔ‑a a 'a koadia demanɛ an dɔ, n‑na min ma sɔn, a 'a gbasaya ɔ.

1 TIMOTI 4:6

Ni i gboo ɔ ma fa ni dasi chɛ be koe a suun ma nyɔɛ n ma, ni i‑a Chisian danaya ɔ bai sa i faa ɔ, a basan kan chɛndɛ a, i bea‑a min fɛ chɛ gbɛɛ ɔ, e ma‑a wan wai chɛ mɔɛ chɛndɛ a Chisɔsi Chasi ko a.

2 TIMOTI 1:11

Sakana bai chɛ ko a mu, a‑a n ya sɔ mɔɛ a, n ni kanɛ chɛ, mbɛ n‑na a ɔ yian mɔɛ n na.

GBOO IBU MƆƐ N KO A 12:24

Wo na‑a Chisɔsi tena, min ni wo tɛ wo bɛ Yataa a, dɔbɛn nama chɛ chɛ koe a. Wo na‑a a wii tena, min bɔn‑da, wo too ɔ dia koe a fen chɛndɛ a, a ben Ebɛɛ wii ta ma.

GBOO IBU MƆƐ N KO A 13:20

Yataa‑a a ma wan, mmɔ 'a mansa Chisɔsi‑a a kɔɔ sɔ, a ka saya ɔ. Mmɔ ɛ wan gbɛ yɔ sa nu, Chisɔsi ɛ miin kun ma fɛn. A‑a a wandi wii a bɔn fan, mmɔ ko a. Chɛ sin ma‑a wan dɔbɛn nama a, min mbe ma‑a kuɔ fɔ ko a. Chisɔsi wii chɛ 'a gbasaya ɔ, Yataa min mbe faa chima be,

GBOO IBU MƆƐ N KO A 7:22

Chɛ ɛ a ɔ yian fan, mbɛ Chisɔsi an mbe a ma, dɔbɛn nama chɛ mmɔ tɛ Yataa a, a ee yɔn. Chɛ an mbe a ɔ yian, mbɛ dɔbɛn nama chɛ nyin a ben a kɔma ma.

GBOO IBU MƆƐ N KO A 8:13

Ni a ma‑a bai sa‑a, a si dɔbɛn nama chɛ ma, ɛ a ma wan yɔ a kɔma tana, a kɔkɔya‑a gbɛ. A sin, fenɛ min kɔkɔya‑a, a bun‑da chenancha‑a, a ma bɛndenɛ an nɛ ka gbɛ, tuin koe a.

1 PITA 3:18

An na‑a a ma, Chasi wɛn nii ma ko yama kan ko kan ma ni, a na‑a tɔɔya ɔ bia wan mmɔ ko a. A wɛn ni ka mɔ chɛndɛ wa a, a na‑a saya dɔndɔɛ chɛ chɛ wan. A sin mbe ee ma‑a to, mmɔ mɔ yama chɛ n 'na ko yama n ko a. A na‑a chɛ ma, mmɔ ma sawan koe an na Yataa tena. Mɔɛ n na‑a a fa wan kɔn gbengbandenɛ ma, a gboo ɔ, chɛɛ a yɛ‑a wan fɔɛ ɔ, Yataa Nyina ta fɛ chia a.

1 CHƆN 1:1

Nn mbe gboo chɛ min nyɛn tena ka, a sien mu mɔɛ chɛ an ma, an mbe min chee, an dɔ, Bai, min tɔ mu to Fɔɛ. A ni wan nɔ dunya a dan‑da tima min na. Nn‑na a yen fan nn ya a pɛnɛnɛ, nn‑na a kuiɛ a min, nn sin tindi tindi‑a wan nn nyɔn ma.