GBOO FEAN BƆƐ KƆYINDI KO A 3:2 - Yataa 'a Dɔbɛnɛ Nama

² Chɛɛ wo wandi gbu wɛɛ, wo wan mu nn 'na gboo a, min mbe nn pɛmbɛ. Gboo chɛ sin nyɛnden mu nn faa n fan dɔ, mɔɛ gbɛɛ‑a a kan kaina min, an ni a ɔ gbɛ.

GBOO FEAN BƆƐ KƆYINDI KO A 3:2 ပူးပေါင်းရင်းမြစ်များ

GBOO DOMI KO A 1:8

Koe saa mu min na, n mbe Yataa wai bɔ tena wo gbɛɛ ko a, Chisɔsi Chasi 'a gbasaya ɔ. N mbe Yataa wai bɔ tena, koe min na mu, dunya gbɛɛ, an mbe a fɔ tena wan danaya min mbe wo ɔ Chisɔsi Chasi ko a.

GBOO SAA KƆYINDI KO A 3:10

N 'na wai maen fan ni, yɔ chen sɔ mɔ wa. N fan‑na chenɛ chɛ kuu si. Yataa an‑na mɔnɛ chɛ be n ma. Mbɛ mɔ dɔ mende sin mbe ta‑a chen chɛ sɔɛ a ya ɔ ma. An fɛ mu, mɔ ɔ mɔ ni tima ya, chen chɛ sɔ buɛ a.

GBOO FEAN BƆƐ KƆYINDI KO A 11:11

N mbe chɛ fɔ tena, wo wakoe an ma don ni n ma, n toen fan mu wo a. Yataa‑a chɛ ɔ sɔn fan.

GBOO FEAN BƆƐ KƆYINDI KO A 12:15

Ɛ ma wan buɔdia n ma, n ni n boo fenɛ gbɛɛ be, a basan n fandi gbu wɛɛ a, basan koe a wo ma. N mbe chɛ ma‑a wan, n 'na koadia kun ma ɛ sa‑a wan wo ko a, n ta ma ni dɔɔya wɛɛ wo faa ɔ.

GBOO FEAN BƆƐ KƆYINDI KO A 3:1

Nn‑na gboo min nyɛn ka, a ee a ɔ yian tena, mbɛ nn bun‑da ka yonka an tɛ‑a, a si nn fandi ma. Nn mbe ee ka yɔ mɔɛ dɔ nu. Nn ma to ni mɔ ni nn pɛmbɛ gboo chɛ nyɛn koe a wo tena. Nn ma to ni wo wɛɛ, wo ni a nyɛn, a si nn bakoe ma.

GBOO FEAN BƆƐ KƆYINDI KO A 7:3

N ma bai chɛ fɔ ni, n tɛɛ si koe an na wo ma. Koe min na mu, yɔ n na‑a a fɔ buɛ min dɔ tee, wo ko a di nn ye kaka. Mmɔ bɛ, mmɔ ɛ ma‑a wan tima ɔ tima ko a. Mmɔ tɛ ee ka‑a fɔɛ chɛ ɔ, saya wɛɛ ee mmɔ tɛ ka‑a.

Gboo Fiipai Ko A 1:7

A nyin yiinachii chɛ sima ni ma n dɔ, a si wo ma. Koe min na mu, wo wakoe ɛ wan n faa ɔ. A mu min na, wo gbɛɛ, wo e basan tena wan n ma, wai chɛndɛ chɛ chɛ koe a, Yataa‑a min be n ma, a chɛ koe a. Wo basan‑da wan n ma, tima min na n ni ben‑da sɔ‑a sawa ti n na, sakana bai chɛndɛ chɛ ko a, a kɔ ni gbɛa. A sin to, n mbe wɛɛ ka sa ɔ pimbi chenɛ a sanche, wo e basan tena wan n ma.

Gboo Saa Tɛsadonika Ko A 1:8

A sin, Mansa Chisɔsi 'a sakana bai chɛ, ɛ che tena wan kan kɔ kan, a ka wo tena. A ma che ni mɔɛ chɛ n dechee ma, miin mbe Masidonia, a basan Akaya a. Nn fan mbe ee bai dɔ gbɛɛ fɔ to, a si a ma. Koe min na mu, nn ma ta kan kɔ kan, mɔɛ n ban‑da a a min‑da.