GBOO FEAN BƆƐ KƆYINDI KO A 3:18 - Yataa 'a Dɔbɛnɛ Nama

¹⁸ Mmɔ gbɛɛ sin, koa kan kɔ kan mbe ee to bun dɔ mmɔ ya a. Chɛ an fɛ mu, mmɔ ɛ Mansa 'a manɛ an na ta, yɔ mɛmɛ. Yataa Nyina sin, min mu Mansa chɛ a, ɛ a ma tena wan, mmɔ ma‑a tee ɔ tee a Yataa bɔ nyɔɛ a, manɛ ɔ.

GBOO FEAN BƆƐ KƆYINDI KO A 3:18 ပူးပေါင်းရင်းမြစ်များ

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

CHƆN 12:41

Aisaya na‑a chɛ fɔ, koe min na mu, a na‑a a yen fan, Chisɔsi ni na tena ma‑a kamaya tɔɛ min na. A sin, chɛ an na‑a a ma, a na‑a a kɔɔ fɔ mɔɛ n ye.

CHƆN 17:22

N‑na a ma an bɛɛ‑a basɔmaya ma sɔn, i na‑a basɔmaya min be n ma. N‑na chɛ ma, min mbe a ma, an ni ma mɔ dɔndɔya ɔ an nyɔn na, yɔ mɔ fea ɛ buɛ min dɔ.

CHƆN 17:24

“Fa, i ban‑da gbɛ an be‑a n ma. N toen mu, n mbe ma‑a kaina min, nn bɛ ni ma nɔ n fɛ den chɛ n na. Chɛ ɛ a ma‑a wan, an ni a ɔ yen n kamayaen mu buɛ min dɔ. A sin, i wan‑na an kamaya chɛ be n ma. I na‑a a be n ma, koe min na mu, i to‑a wan n na pɛn dunya chɛ a ni to dan‑da.

GBOO DOMI KO A 12:2

Wo ma a a tun koe n ma koe a, dunya chɛ ɔ mɔɛ n mbe miin ma. Chɛɛ wo faa an dɔ, Yataa ni wo mun, mbɛ a‑a yiima nama chɛndɛ chɛndɛ be wo ma. A tima chɛ a mu, wo e kun‑da wo ni a ɔ sɔn, Yataa toen mu koe miin na. Wo ni a ɔ sɔn, koe miin nyin Yataa tena, a yɛ to, mabɔ ee miin ma, an sin mbe a faa chima wan.

GBOO DOMI KO A 13:14

Chɛɛ wo e min ma, wo to mmɔ 'a mansa Chisɔsi Chasi kɔ, a ni butuinɛ chɛ wo ko a. Wo sɛmbɛ wo yiima a ta koe a wo faa ma koe yama chɛ n tena, bea koe a an fɛ.

GBOO DOMI KO A 8:29

An mɔɛ chɛ nu, Yataa na‑a an sɔn pɛn chɛndɛ chɛ, mbɛ a‑a a boo sɔ an ma. An mbe ma‑a wan gbɛ yɔ a 'a denɛ Chisɔsi. A 'a den chɛ ɛ ma‑a gbɛ denɛ saa an na, den sɛsɛ wa chɛ n ya ɔ.

GBOO DOMI KO A 8:4

Yataa na‑a chɛ ma, min mbe a ma, sawa na‑a a fɔ buɛ min dɔ mmɔ tan koe a a tena, mmɔ ɛ a ma‑a wan ka chɛndɛ chɛ. Mmɔ gbɛɛ, mmɔ wɛn mbe tachɛ Yataa Nyina gbee a, mmɔ ɛ a ma‑a ka wan. Chɛɛ mmɔ ee na‑a tachɛ‑a gbee a, mɔgbuya ɔ min ma nyin.

GBOO DOMI KO A 8:7

A sin fan fɛ mu, mɔɛ min yiima ɛ gbasaya kɔɔ mɔgbuya ɔ min ma nyin, Yataa chɛɛ ma nyɔɛ mu a a. Koe min na mu, a mɔɛ chɛ ma kun ni ma koe a Yataa 'a sawa kɔɔ. A gbu sin, a ee che ma‑a a kɔɔ.

GBOO SAA KƆYINDI KO A 13:12

Sanche gbɛ, mmɔ ɛ koe ɔ yen mia mia, yɔ mɔɛ ɛ ma mɛmɛ ɔ fɛn‑da. Chɛɛ tima ɛ che‑a wan, mmɔ ɛ a yen‑da tima min na gboden, mmɔ ya fea sɔenɛ a nyɔn na. N ma ko a tenden sɔn bɛ, chɛɛ a da ɛ na‑a wan fa a. A da ɛ fa‑a wan, yɔ n bakoe ɔ sɔn koe da faen mu buɛ min dɔ Yataa boo ɔ.

GBOO SAA KƆYINDI KO A 15:49

Sanche, mmɔ bɔen mu ka buɛ min dɔ mɔɛ chɛ a, min bɔ‑a fifii ɔ, mmɔ ɛ na‑a bɔ‑a ka wan to mɔɛ chɛ wɛɛ a, min ka‑a banda bu ɔ.

GBOO FEAN BƆƐ KƆYINDI KO A 3:17

Mansa chɛ mu gbɛ Yataa Nyina an na. A sin, Yataa Nyina chɛ ɛ ma kaina min, yɔncha ee ma nɔ.

GBOO FEAN BƆƐ KƆYINDI KO A 4:4

An mbe ee che dan‑da Yataa bai chɛ a. Koe min na mu, an yiima ɛ tun pimbi an dɔ, Sitana boo ɔ, min 'na gbasaya ɛ dunya chɛ kun ma. A wan mbe a ma tena, an mbe ee man chɛ yen, ɛ ma man‑da an ma. Manɛ chɛ, min mbe ka sakana bai chɛndɛ chɛ ɔ, a si Chisɔsi ma. A wan Chasi chɛ, an mu Yataa bɔ nyɔɛ a.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

GBOO FEAN BƆƐ KƆYINDI KO A 5:17

Chɛ ko a, ni mɔ ma‑a gbɛ mɔ dɔndɔɛ a mmɔ bɛ Chasi a, mmɔ ma‑a mɔ nama a. Mmɔ ka‑a mmɔ tachɛ buɛ kɔma kun ma, mmɔ dɛ‑a a nama ɔ.

Gboo Kadesia Ko A 6:15

An ni mɔ a kamincha, an ma i a kamincha, chɛ ma ko a, ɛnden bɛɛ a. Min mu dechee koe a, an nɛ, Yataa‑a a mɔɛ chɛ ma mɔ nama a.

Gboo Kɔdɔsai Ko A 3:10

A sin, an sɔn nama chɛ, Yataa wandi an‑na a chɛ wo ɔ. A sin, ɛ a ma tena wan tun tun, wo ni ma yɔ ɛ buɛ min dɔ, wo ni a sɔn chɛndɛ chɛ.

1 TIMOTI 1:11

Kan chɛ ɛ kamaya sakana bai chɛndɛ an dɔ, Yataa wandi, mmɔ ɛ min tando, a‑a min be n ma.

TAITƆSI 3:5

A‑a mmɔ baun. Chɛ ma bɔ ni mmɔ sɔn chɛndɛ an dɔ, mmɔ 'a teaya ɔ ma. Chɛɛ a 'a chinchimaya ko a, a‑a mmɔ 'a ko yama n ko, a‑a fɔɛ nama be mmɔ ma, a Nyina 'a gbasaya ɔ.

CHIMISI 1:23

Mɔɛ min mbe a too ma sɔ dechee bai chɛ ma, chɛɛ a ee koe ma, a chia ma, ɛ wan yɔ mɛmɛ ɔ fɛn mɔɛ chɛ. Ɛ a wandi ma fɛn tena wan.

1 CHƆN 3:2

N dia nyɔɛ nu, Yataa 'a denɛ mu gbɛ mmɔ a. A sin, mmɔ ma chɛ ɔ gbɛ nin bɛ, mmɔ ɛ ma‑a buɛ min dɔ ya ɔ ma. Chɛɛ mmɔ‑a a ɔ sɔn fan, mbɛ ni Chisɔsi na‑a to, mmɔ ɛ ma‑a wan yɔ a wan. Koe min na mu, mmɔ ɛ a ma gbɛ‑a wan gbadan, yɔ ɛ buɛ min dɔ.