GBOO FEAN BƆƐ KƆYINDI KO A 3:14 - Yataa 'a Dɔbɛnɛ Nama

¹⁴ An gbu sin, tea ko a, an na‑a fo wan ko ɔ gbɛ yiimatɛ a. Koe min na mu, bi tee chɛ wɛɛ a, Yataa 'a dɔbɛnɛ kɔma chɛ, an mbe ma a kan‑da, a maenɛ mu yɔ an yiima ɛ koa an kɔɔ. Koa chɛ sin, min mbe mɔɛ yii kun ma, ɛ bɔ nɔ dechee tima min na, an nɛ tima chɛ a, mɔɛ ɛ ma tima min na mɔ dɔndɔɛ a Chisɔsi a.

GBOO FEAN BƆƐ KƆYINDI KO A 3:14 ပူးပေါင်းရင်းမြစ်များ

MATIU 13:11

Mbɛ Chisɔsi ɔ, “Mɔɛ gbɛɛ nii ma min dɔ sɔn tee a si Yataa 'a mansaya ma, a‑a an dɔ yian wo a. Chɛɛ a nunden fan mu mɔɛ tɔɛ n ma sanche wɛɛ.

MATIU 16:17

Mbɛ Chisɔsi ɔ, “I duaen ba mu, Saimɔn, Chɔn 'na denɛ. A mu min na, mɔ gbu an ma koe chɛ ɔ yian ni i a. Fa min mbe banda bu ɔ, an‑na a ɔ yian i a.

MATIU 6:23

Chɛɛ ni a ya a pimbienɛ ma‑a, a gboo gbɛɛ ɛ ma pimbi an dɔ. Chɛ an‑na a fɔ, ni fenɛ min sin mu dambo a i gboo gbɛɛ ko a, ɛ pimbi ɔ, e pimbi min dɔ, a da a koo kaka.”

CHƆN 12:40

“N‑na an ya n na pimbi, an ma na kaina yen. N‑na an yiima n bɛɛ a fa fa‑a, an ma na koe n dɔ gbɛ chɛndɛ chɛ. N‑na chɛ ma, min mbe a ma, an ma na an ya a mun n ma, an ni bauncha ma sɔn.”

CHƆN 12:46

N na‑a dunya chɛ ɔ, a ma koe a, mɔɛ n ni manɛ ma sɔn. Chɛ ɛ a ma‑a wan, mɔ ɔ mɔ min mbe a kai fa‑a n na, a ee ma‑a kaina ɔ pimbienɛ ɔ.

CHƆN 8:12

Chisɔsi koɔ‑a wan to mɔɛ chɛ n tena, a ɔ, “N fan mu manɛ a dunya chɛ gbɛɛ ko a. Mɔ ɔ mɔ min mbe bea‑a n fɛ, ɛ manɛ ma sɔn‑da wan, min mbe a ma, mɔɛ ni ma fɔɛ ɔ. A yɛ to, a mɔɛ chɛ ee tachɛ‑a kuɔ fɔ ko a pimbi pimbi ɔ.”

CHISƆSI 'A SƆ MƆƐ NU 13:15

Mbɛ mɔɛ ban‑da sawa gboo chɛ kan‑da, Mosisi na‑a min nyɛn, a basan bai n na, Yataa 'a gbonka chɛ mɔɛ na‑a min nyɛn. Mbɛ ya ɔ sɔɛ chɛ nu, Chu n 'na samun chɛ chen chɛ a, an‑na sakana a ta Pɔɔ n tena, an dɔ te, “Nn suun ma nyɔɛ nu, ni bai ɔ bai ɛ wan wo da a, a fɔ koe, min mbe mɔɛ n faa ma nande, wo e ka a fɔ‑a.”

CHISƆSI 'A SƆ MƆƐ NU 15:21

Koe min na mu, Yataa‑a sawa miin be Mosisi ma, a kanden fan mu gbɛ san chɛmɛ sɛsɛ ko a, Chu 'na samun chɛ chenɛ a, suin tee kan kɔ kan ma. A sin, Mosisi da a bai chɛ nu, an dɔ yianden fan mu gbɛ duu wa kan kɔ kan dɔ.”

CHISƆSI 'A SƆ MƆƐ NU 16:14

Musu dɔndɔ an tɛ ɔ, min‑na a too ma sɔ nn ma, a tɔ ni Didia. A ka‑a Tiyatiya duu ɔ wan. A ni koa baa gbanden ba an ma tachɛ. Musu ni a a, min ni Yataa fai kaka. A ni kɛn a too ma sɔ tena nn ma, Mansa Yataa‑a a ma wan, a‑a a faa be bai chɛ ko a, Pɔɔ ni ka min fɔ‑a.

CHISƆSI 'A SƆ MƆƐ NU 26:18

i ni an ya a ka, i ni an bɔ pimbi ɔ, a na manɛ ɔ, i ni an bɔ Sitana boo ɔ, an ni ma Yataa 'a gbasaya kɔɔ. Chɛ ni a ma, Yataa ni a boo bɔ an 'na ko yama n dɔ, mbɛ an‑na an si tena ma sɔn, Yataa 'a mɔɛ n tɛ ɔ. Mɔɛ chɛ nu, Yataa ɛ a ma, miin mbe ma tenchen a ko a, koe min na mu, an‑na an kai fa n na.’

GBOO DOMI KO A 11:25

N suun ma nyɔɛ nu Chasi ɔ, tea ɛ wan nɔ, min dɔ nunden mu wo ma tee. N toen mu, n ni an tea chɛ an dɔ yian wo a. Ni wo sin‑na a ɔ gbɛ, wo ee a a tun‑da dɔpanda bɔ koe a. An tea gbu yen ko gbɛ. Chu mɔɛ n sɛsɛ na‑a tooɔgbɛa bɔ wan, dan koe a Yataa a. An sin mbe to‑a an tooɔgbɛa chɛ an dɔ aan, mbɛ wo wɛn ma Chu mɔ a, wo‑a wo kai fa Yataa a. Wo gbɛɛ, Yataa na‑a a boo sɔ ka wo ma, ma koe a a ta mɔɛ n na.

GBOO FEAN BƆƐ KƆYINDI KO A 3:15

Bi tee chɛ wɛɛ a, tima ɔ tima ni an ma‑a sawa chɛ n kan‑da, miin na‑a be Mosisi ma, an yiima ɛ tun koa chɛ an kɔɔ.

GBOO FEAN BƆƐ KƆYINDI KO A 3:6

An‑na a ma nn ma‑a wai chɛ mɔɛ chɛndɛ n na, Yataa 'a dɔbɛn nama chɛ ko a. Dɔbɛn nama chɛ sin, sawa ma min nyɛnden mu, chɛɛ Yataa Nyina mu. Sawa min nyɛnden mu, ɛ na saya an na, chɛɛ Yataa Nyina ta na, ɛ na fɔɛ an na.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

Gboo Ɛfisɔsi Ko A 4:18

An mbe an yii na chii buɛ min dɔ, an mbe pimbi an dɔ, koe ɔ gbɛ koe a ɛnden bɛɛ a. Kuɔ fɔ fɔɛ ee an boo ɔ, Yataa ɛ min be. Chɛ sien mu an 'na ko sɔn baiya an ma. Koe min na mu, an faa a kɔɔen mu kaka.