GBOO FEAN BƆƐ KƆYINDI KO A 2:7 - Yataa 'a Dɔbɛnɛ Nama

⁷ Chɛ gbɛɛ ɔ, ɛ nyan fan gbɛ wo ni a to nɔ, mbɛ wo‑a a nande. Ni chɛ ma, faayɔnɛ ɛ koa‑a wan a ma.

GBOO FEAN BƆƐ KƆYINDI KO A 2:7 ပူးပေါင်းရင်းမြစ်များ

GBOO SAA KƆYINDI KO A 15:54

Ni fenɛ min mbe fa, ɛ tui, a ma‑a gbɛ fenɛ a, min mbe ee fa, a ee tui, mbɛ bai chɛ ɛ bɔ‑a wan a a, min nyɛnden mu Yataa 'a gboo ɔ, a ɔ, “Kunɛ chɛ‑a saya ma, buɔdia kun tɛ‑a gbɛ.”

GBOO FEAN BƆƐ KƆYINDI KO A 2:8

Chɛ an fɛ mu, n mbe wo disa tena, wo ni a ɔ yian to a a, mbɛ wo toen fan mu a a chɛndɛ chɛ.

GBOO FEAN BƆƐ KƆYINDI KO A 5:4

Tima min na wɛ mmɔ ɛ dunya ma gboo chɛ ɔ, mmɔ ɛ kuun tena wan, tɔɔya ɔ. An ma a fɔ ni, mbɛ mmɔ toen mu mmɔ ma senɛ ni ma. Chɛɛ mmɔ toen mu, banda bu ɔ gboo chɛ, a ni sɛ mmɔ ma. Chɛ ni a ma, mmɔ 'a dunya ma gboo chɛ, a ni mun kuɔ fɔ nɛnɛ a.

GBOO FEAN BƆƐ KƆYINDI KO A 7:10

Koe min na mu, faayɔnɛ min mu Yataa 'a dɔbɛnɛ a, ɛ a ma wan mmɔ ni mmɔ kan kɔ sɔ ko yama ma a, a ni na bauncha a. A sin, n ni ma‑a a ɔ sɔn‑da ee a ɔ. Chɛɛ faayɔnɛ min mbe bɔ mɔgbuya ta chia a, ɛ na kuɔ fɔ saya an na.

Gboo Ɛfisɔsi Ko A 4:32

A sin to, wo faa ni nyan wo nyɔn ko a, wo ni ko chɛndɛ ma wo nyɔn na. A yɛ to, wo ni wo boo bɔ ko yama n dɔ, wo bɔɛ n mbe miin ma wo a, yɔ Yataa‑a a ma buɛ min dɔ, Chisɔsi Chasi ɔ, ɛ a boo bɔ wo 'a ko yama n dɔ.

Gboo Fiipai Ko A 2:27

Tea gbu sin ko a, a gbandi‑a wan kaka, ɛnden fan na‑a to a ni fa. Chɛɛ Yataa chinchin‑da wan a ma. A nii ma chinchin ni a dechee an ma, chɛɛ n fandi gbu wɛɛ, a ma na a ma faa yɔnɛ ni sa faa yɔnɛ kun ma.

Gboo Kɔdɔsai Ko A 3:13

Wo gboo ɔ ma fa, wo faa bia koe a wo nyɔn na. A sin, ni gbonyɛ ma‑a wo dɔndɔ wɛɛ da a, a bɔɛ ko a, a ni a boo bɔ an bai chɛ ɔ. Wo wo bɔɛ n to nɔ, ni an‑na ko yama ma wo a, yɔ Mansa Chisɔsi wɛɛ‑a wo to buɛ min dɔ nɔ, wo 'a ko yama n ko a.

Gboo Saa Tɛsadonika Ko A 4:13

Nn suun ma nyɔɛ nu Chasi ɔ, nn toen mu wo ni tea ɔ sɔn, a si chɛ n ma, miin na‑a an kai fa Chisɔsi a, an mbe e na to fa‑a. Chɛ ɛ a ma‑a wan, wo faa ee yɔn‑da, yɔ mɔɛ chɛ nu, yiinatɛ ee miin dɔ.

GBOO FEAN BƆƐ TƐSADONIKA KO A 3:6

Nn suun ma nyɔɛ nu Chasi ɔ, nn mbe chɛ fɔ tena wo ye gbau gbau, mmɔ 'a mansa Chisɔsi Chasi tɔɛ ɔ. Wo ma gbɛn suun ma nyɔɛ chɛ n gbɛɛ ma, miin mbe gboo ɔ fa bɔ tena an 'na fɔɛ ɔ. A sin, an mbe ee bea tena koe chɛ n fɛ, nn na‑a min fɔ an ye.