GBOO FEAN BƆƐ KƆYINDI KO A 2:3 - Yataa 'a Dɔbɛnɛ Nama

³ Chɛ an fɛ mu, n‑na gboo saa chɛ nyɛn wo tena, n na‑a min nyɛn ka. N nii ma to ni, n ni na nɔ, mbɛ n‑na faayɔnɛ ma sɔn wo a, wo wɛn mbe a ma, n bu ɔ ni dia. Koe min na mu, n danden fan mu a a, mbɛ ni n bu ɔ dia‑a, mbɛ wo gbɛɛ bu ɔ dia‑a.

GBOO FEAN BƆƐ KƆYINDI KO A 2:3 ပူးပေါင်းရင်းမြစ်များ

GBOO SAA KƆYINDI KO A 4:21

Ni n na‑a tima min na, wo wandi an mbe wo faa ma ya a gbɛ. Ni n mbe sɔnkɔ wan wo ma, n ni wo a tɔɔya. Chɛ ma, ni n mbe koadia an dɔ yian wo a, mbɛ n‑na wo bia chɛndɛ chɛ.

GBOO FEAN BƆƐ KƆYINDI KO A 1:15

N danden fan mu chɛ a. An fɛ mu, n toen ni, n ni na wo kɔndɔn. N ni na, min mbe a ma, wo ni dua ma sɔn gba fea ko a.

GBOO FEAN BƆƐ KƆYINDI KO A 1:23

Chɛɛ Yataa an mu n 'na sii a, a si bai chɛ ma, n mbe ka min fɔ‑a wo ye. Mbɛ n toen ni, n ni wo to wan nɔ, an na‑a a ma n ma yɛ ni nɔ wo tena Kɔyindi duu ɔ.

GBOO FEAN BƆƐ KƆYINDI KO A 12:11

N mbe ka wooya koe n fan ma tena, chɛɛ wo wan‑na a din n ma, a ma koe a. Koe min na mu, a ni nyan fan, wo ni n pɛmbɛ. Ni mɔ a tenden bɛɛ gbu ma n na, chɛɛ mɔɛ chɛ nu, wo e miin chee ka Chasi 'a sɔ mɔɛ wa n na, an ma ben ni n ma chia ɔ chia a.

GBOO FEAN BƆƐ KƆYINDI KO A 12:21

N faa gbaaenɛ mu, mbɛ ni n yɛ‑a to nɔ wo tena, n 'na Yataa ɛ a ma‑a wan, a ni n ma yii, wo ya kɔɔ. A sin, n mbe na‑a di chɛ‑a wan, a si mɔɛ chɛ n sɛsɛ wakoe ma, miin na‑a ko yama ma, an sin ma an kan kɔ sɔ ni ko yama ma a. An 'na ko tɛ chɛ, min danka ee ka.

GBOO FEAN BƆƐ KƆYINDI KO A 13:10

Chɛ an fɛ mu, n mbe gboo chɛ nyɛn tena, wo tena, n mbe ee tima min na wo baima. N mbe chɛ ma tena, min mbe a ma, ni n‑na a fo wo ma tima min na, n mbe ee na‑a wo bia‑a faaakɔɔɛ a. N mbe ma‑a gbasaya chɛ a tachɛ‑a, Mansa Chisɔsi‑a min be n ma, wo ɔ gbɛa koe mu, wo yɔn koe ma.

GBOO FEAN BƆƐ KƆYINDI KO A 2:9

N na‑a gboo chɛ nyɛn wo tena chɛ an na, n ni wo yiima yan. N ni a ɔ gbɛ, ni n 'na dasi nu, wo ma bɛnden fan mu tima ɔ tima ko a a ya koe a.

GBOO FEAN BƆƐ KƆYINDI KO A 7:12

A sin gbu, n‑na gboo chɛ nyɛn bɛɛ wo tena, n ya nii ko yama ma mɔɛ an na, chɛ ma, ko yama ma‑a mɔɛ min na. Chɛɛ n‑na a nyɛn, n ni a ɔ yian wo a gbadan, Yataa chen kɔɔ, wo e buɛ min dɔ nn ko a tea tea ɔ.

GBOO FEAN BƆƐ KƆYINDI KO A 7:16

N mbe buɔdia bɔ wan, koe min na mu, n danden mu wo a chɛndɛ chɛ.

GBOO FEAN BƆƐ KƆYINDI KO A 7:6

Chɛɛ Yataa, min mbe faayɔn tɔɛ n faa ma nande, a‑a a ma wan nn faa chima‑a, kɛn Taitɔsi na‑a nn tena.

GBOO FEAN BƆƐ KƆYINDI KO A 7:8

Koe min na mu, n‑na gboo min nyɛn wo tena, ni a na‑a wɛɛ faayɔnɛ a wo ma, n ma n gbɔsɔ ni chɛ a. Chɛɛ n gbu sin, kɛn n‑na a ɔ yen, mbɛ an gboo chɛ‑a wo faa yɔn fan, a ma‑a wan n ma faagbaa a, tima ɛnden ko a.

GBOO FEAN BƆƐ KƆYINDI KO A 8:22

Chɛ an fɛ mu, mmɔ suun ma nyɔ dɔ mende, Chasi ɔ, nn mbe a bea tena an fɛ, na koe a wo tena. An suun ma nyɔɛ chɛ, a wakoe ɔ gbɛen mu nn boo ɔ, a sin, a ɔ yendenɛ mu, mbɛ mɔ chɛndɛ mu a a, chia sɛsɛ a. A 'a mɔ chɛndɛya gbu, a kun ma chɛ‑a gbɛ, a ben a kɔma ma. Koe min na mu, a yii na tɛen mu wo ma, a sin, ɛ a faa ɔ basan koe a wo ma.

Gboo Kadesia Ko A 5:10

N yii faen fan mu Mansa Chisɔsi ma, mbɛ wo ee bea‑a mɔ dɔ mende da a kuiɛ fɛ, chɛɛ wo e bea‑a n ta an fɛ. A sin, mɔɛ min mbe wo tɔɔ‑a, gbɛmbo ɛ wan a ko a. Chɛ ɛ ma‑a wan, a ni ma mɔ ɔ mɔ a.

GBOO FEAN BƆƐ TƐSADONIKA KO A 3:4

Mansa Chisɔsi sin mbe a ma tena wan, nn mbe nn yii fa wo ma. Nn sin danden fan mu a a, mbɛ wo e wan koe chɛ n ma‑a, nn na‑a miin fɔ wo ye an ma koe a. Wo sin, wo e an fan na tun‑da an ma koe a.

FIDEMƆN 1:21

N danden fan mu a a chɛndɛ chɛ, mbɛ ni n‑na chɛ nyɛn, e ee n da a kuiɛ a bea duu ma. A sin gbu, n‑na a ɔ sɔn fan, mbɛ e ben‑da wan chɛ ma, n‑na min fɔ.