GBOO FEAN BƆƐ KƆYINDI KO A 2:16 - Yataa 'a Dɔbɛnɛ Nama

¹⁶ Mɔɛ chɛ nu, miin mbe kasaa tena, an mu fen kunyɛ yama an na, min mbe na saya a. Chɛɛ mɔɛ chɛ n tana, miin mbe bauncha ma sɔn tena, kunyɛ a diama mu, min mbe fɔɛ be. Mɔ bonda chɛ sima ee to nɔ gbɛ, min mbe kun ko bonda chɛ sima ma koe ma, a ta gbasaya a.

GBOO FEAN BƆƐ KƆYINDI KO A 2:16 ပူးပေါင်းရင်းမြစ်များ

DUKU 2:34

Mbɛ Simiyɔn‑na an dua, mbɛ a‑a a fɔ den chɛ de Mɛi ye, a ɔ, “Denɛ chɛ i boo ɔ, ɛ a ma‑a wan mmɔ Isɔɛɛ mɔɛ nu, Yataa ni mmɔ sɛsɛ kondon, mbɛ a yɛ‑a, a‑a mmɔ sɛsɛ a sɛ. An mbe a ma‑a, mmɔ Isɔɛɛ mɔɛ n ni tea a min. Chɛɛ mmɔ sɛsɛ ɛ ban‑da wan a ɔ.

CHƆN 9:39

Mbɛ Chisɔsi ɔ, “N na‑a dunya chɛ ɔ, n ni mɔɛ n 'na ko yama n na bɔ ya a ma. Min mbe a ma, mɔɛ miin fiondenɛ ɛ, an ya ni kaina yen. Miin sin, an ya ɛ kaina yen, an ni ma fion tɔɛ n na.”

GBOO SAA KƆYINDI KO A 15:10

Chɛɛ Yataa 'a koadia demanɛ ɔ, n ma‑a mɔɛ a, n mu mɔɛ min na. A 'a koadia demanɛ chɛ sin, a‑a min be n ma, chia yen‑da wan a ma. Chia dɔ mende sin gbu a, n‑na wai chɛ wan, a ben Chasi 'a sɔ mɔɛ tɔɛ kan kɔ kan ma. A maen mu wɛɛ ka boo ɔ boo, mbɛ n fandi an ma a ma ni, n ni koe chɛ n ma. Chɛɛ Yataa 'a koadia demanɛ an na wai chɛ n na.

GBOO FEAN BƆƐ KƆYINDI KO A 12:11

N mbe ka wooya koe n fan ma tena, chɛɛ wo wan‑na a din n ma, a ma koe a. Koe min na mu, a ni nyan fan, wo ni n pɛmbɛ. Ni mɔ a tenden bɛɛ gbu ma n na, chɛɛ mɔɛ chɛ nu, wo e miin chee ka Chasi 'a sɔ mɔɛ wa n na, an ma ben ni n ma chia ɔ chia a.