GBOO FEAN BƆƐ KƆYINDI KO A 2:14 - Yataa 'a Dɔbɛnɛ Nama

¹⁴ Chɛɛ n mbe Yataa wai bɔ tena. Nn ma‑a mɔ dɔndɔɛ a, Chisɔsi Chasi a. An mbe a ma tena tima ɔ tima ko a, nn mbe kun Sitana ma. A sin, Yataa ɛ a ma wan, nn mbe sakana bai chɛ ɔ yian kan kɔ kan, a si Chasi ma, yɔ fen kunyɛ a diama ɛ ta buɛ min dɔ.

GBOO FEAN BƆƐ KƆYINDI KO A 2:14 ပူးပေါင်းရင်းမြစ်များ

CHƆN 16:33

N mbe chɛ gbɛɛ fɔ tena wo ye, min mbe a ma, wo ni faachima sɔn. Koe min na mu, mɔ dɔndɔɛ mu mmɔ a, mmɔ gbɛɛ. Ko yawaenɛ n mbe wo tan‑da wan dunya chɛ ɔ. Chɛɛ wo wo faa sɔ, n kun‑da gbasaya ti ma dunya chɛ ɔ.”

GBOO DOMI KO A 1:8

Koe saa mu min na, n mbe Yataa wai bɔ tena wo gbɛɛ ko a, Chisɔsi Chasi 'a gbasaya ɔ. N mbe Yataa wai bɔ tena, koe min na mu, dunya gbɛɛ, an mbe a fɔ tena wan danaya min mbe wo ɔ Chisɔsi Chasi ko a.

GBOO DOMI KO A 15:19

A yɛ to, a bɔ‑a to koe n tɔmɔsi gbau gbau n dɔ, a basan kamaya koe wa n na, n‑na miin ma. A sin, Yataa Nyina‑a gbasaya be n ma koe chɛ n gbɛɛ ma koe a. A sin chia chɛ a mu, Yataa 'a sakana bai chɛndɛ chɛ a si Chasi ma, n‑na a sa wan kan kɔ kan, a ka Chuusaɛn duu ɔ, a ta Idiikɔn chɛnyɛ ɔ.

GBOO DOMI KO A 6:17

Wo ni tee yɔnɛ n fan na, wo 'a ko yama n boo ɔ. Chɛɛ n mbe Yataa wai bɔ wan gbɛ wo ko a. Koe min na mu, wo‑a kooya be wo faa gbɛɛ a, wo‑a a be tea chɛ a min koe a, min mbe kan chɛ ɔ, Yataa‑a wo don kanɛ min kɔɔ.

GBOO DOMI KO A 8:37

Chɛɛ koe chɛ n gbɛɛ ni mmɔ tan bɛɛ, a wɛn toen mu mmɔ a, an mbe mmɔ kunɛ bɔ‑a an dɔ fion.

GBOO SAA KƆYINDI KO A 12:8

Mɔɛ dɔndɔɛ ɛ nɔ, Yataa Nyina‑a sakana bai min don a da a, a fɔ koe a mɔɛ n ye, yiimatɛ wa an be a ɔ. Mɔɛ dɔndɔɛ sin, Nyina dɔndɔ chɛ‑a a ma wan, yiimatɛ bai wa, ɛ ma a da a bai ɔ.

GBOO SAA KƆYINDI KO A 15:37

E chin fenɛ min fasi tena, chin fen kuu gbama mu. E ee chin fen fɛnɛ wandi gbu an chin tena, min mbe danka koa‑a.

GBOO SAA KƆYINDI KO A 15:57

Chɛɛ Yataa ni wai. A‑a buɔdia be mmɔ ma. Mmɔ 'a mansa Chisɔsi Chasi 'a gbasaya ɔ, Yataa‑a a ma mmɔ kun‑da saya ma.

GBOO FEAN BƆƐ KƆYINDI KO A 1:11

Wo basan nn ma, samunɛ chɛ koe a nn ko a. Ni mɔ sɛsɛ n ma‑a samunɛ chɛ‑a nn ko a, Yataa ɛ an 'na samunɛ n na min‑da wan, mbɛ a‑a nn dua. Ni chɛ ma‑a, mɔ sɛsɛ n bɛɛ, an mbe Yataa wai bɔ‑a wan nn ko a.

GBOO FEAN BƆƐ KƆYINDI KO A 8:16

Nn mbe Yataa wai bɔ wan, a ma koe a, wo wakoe chɛ‑a Taitɔsi faa ɔ, basan koe a wo ma, yɔ ɛ buɛ min dɔ n bɛɛ faa ɔ.

GBOO FEAN BƆƐ KƆYINDI KO A 9:15

Yataa ɛn wai, a 'a wai nyima ko a, a‑a min chɛ mmɔ a. An wai nyima chɛ sɔnkɔ ee.

Gboo Ɛfisɔsi Ko A 5:2

Koadia faa ni ma wo ɔ, yɔ Chasi to‑a buɛ min dɔ mmɔ a. A sin, a‑a a wandi fɔɛ be wan mmɔ ko a, a ma‑a yɔ yasi, min mbe Yataa faa chima.

Gboo Ɛfisɔsi Ko A 5:20

Tima ɔ tima ko a, mmɔ Yataa wai bɔ, mmɔ Fa. Mmɔ a wai bɔ fen kɔ fen ko a. Mmɔ chɛ ma, Mansa Chisɔsi Chasi tɔɛ ɔ.

Gboo Fiipai Ko A 4:18

N‑na fen kɔ fen ma sɔn fan, wo‑a miin na na n ye. A sin, n yii nii min dɔ, n‑na an gbu ma sɔn. N mbe wo wai bɔ tena, wo 'a samba fen chɛ n ko a, n‑na miin ma sɔn, a ka Ɛpafɔditɔsi a. A‑a a bɔ n ko a, chɛndɛ chɛ. An samba fen chɛ, ɛ wan dechee yɔ yasi, min kunyɛ a di, a sin, a ko a di Yataa ye, a sin, Yataa toen fan mu a a.

Gboo Kɔdɔsai Ko A 1:23

Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.

Gboo Kɔdɔsai Ko A 1:6

Sakana bai chɛndɛ chɛ ɛ a ma tena wan, ko chɛndɛ sɛsɛ ɛ mɔɛ n tan tena tima ɔ tima ko a dunya gbɛɛ ɔ. A sin, wo wandi wɛɛ tɛ ɔ, ɛ ma tena ka wan. A bia tee saa saa chɛ ma, wo na‑a a a min kɛn, mbɛ wo dan‑da koadia demanɛ a chɛndɛ chɛ, Yataa ɛ min chɛ tea tea ɔ.

Gboo Kɔdɔsai Ko A 2:15

An kɔn gbengbanden chɛ ma, Chasi‑a a ma wan, nyina yama n 'na gbasaya ban‑da. A‑a an nyina yama chɛ n ma wan tɔmɔsi a, fanka ɔ den, mbɛ a wan Chasi, a kun‑da an ma.

Gboo Saa Tɛsadonika Ko A 1:8

A sin, Mansa Chisɔsi 'a sakana bai chɛ, ɛ che tena wan kan kɔ kan, a ka wo tena. A ma che ni mɔɛ chɛ n dechee ma, miin mbe Masidonia, a basan Akaya a. Nn fan mbe ee bai dɔ gbɛɛ fɔ to, a si a ma. Koe min na mu, nn ma ta kan kɔ kan, mɔɛ n ban‑da a a min‑da.

Gboo Saa Tɛsadonika Ko A 3:9

Nn mbe tando be tena gba Yataa ma, wo ko a. Koe min na mu, nn 'na buɔdia koo, a chen kɔɔ, wo ko a.

1 TIMOTI 2:8

Ɛ n ta faa ɔ, mbɛ mɔ kaima nu kan kɔ kan an ni samunɛ chɛ Yataa tena. Ni an sin ma‑a a chɛ‑a, an tandenɛ ni ma, an faa ee tɛ, an mbe ee koɛ wɛɛ chɛ.

2 TIMOTI 2:2

N na‑a i kan fan koe n sɛsɛ ma, a sin, mɔ sɛsɛ ni wan nɔ siiya a. An kan chɛ a ben mɔ dɔ mende n tena, miin danayaen mu, an ni mɔ dɔ mende n bɛɛ kan.

KO Ɔ NUNDENƐ 7:12

An dɔ, “A ni ma ka. Basɔmaya ɛ be Yataa an ma. An gbasa, a 'a yiimatɛ koo, a sin dɔ gbɛ kaka. Tando ni be a ma, wai bɔɛ ni chɛ a a, kuɔ fɔ, ni kuɔ fɔ ko a.”