GBOO FEAN BƆƐ KƆYINDI KO A 13:9 - Yataa 'a Dɔbɛnɛ Nama

⁹ Koe min na mu, n bu ɔ diama an mbe ma, tima ɔ tima ko a, gbasaya ee wɛɛ nn boo ɔ, chɛɛ wo sin dɔ gbɛama ɛ. Nn mbe samunɛ chɛ min ko a, an nɛ, mbɛ mabɔ ma na ma wo ma.

GBOO FEAN BƆƐ KƆYINDI KO A 13:9 ပူးပေါင်းရင်းမြစ်များ

GBOO DOMI KO A 15:2

A nyin mmɔ ni chɛ an ma. Koe min na di an ye, min mu an faa ma koe a, mmɔ an koe chɛ an chɛ mmɔ bɔ Chisianɛ n ye. Chɛ an mbe a ma‑a, an 'na fiienɛ ee ma‑a.

GBOO SAA KƆYINDI KO A 1:10

N suun ma nyɔɛ nu Chasi ɔ, n mbe wo disa tena, mmɔ 'a mansa Chisɔsi Chasi tɔɛ ɔ, kuiɛ dɔndɔya ni ma wo tɛ. Wo sɛmbɛ wo nyɔn kɔɔsa bia koe a. Wo dɔn wo nyɔn ye, wo yiima ni ma dɔndɔ gbe, a ɔ ma du du.

GBOO SAA KƆYINDI KO A 2:3

Chɛ an‑na a fɔ, mmɔ bɛ ni kɛn, n gboo ɔ nii ma gbɛa nin bɛ. A yɛ to, chianɛ ni wan n dɔ, a basan ma samba a.

GBOO SAA KƆYINDI KO A 4:10

Nn tana, mɔɛ n mbe nn ya woo mɔɛ n fan na, wai chɛ koe a Chasi ko a. Chɛɛ wo tana, wo e wo wandi ya yiimatɛ tɔ wa n fan na, koe min na mu, mɔ dɔndɔɛ mu wo a, wo bɛ Chisɔsi Chasi a. Mɔɛ n mbe nn ya, mbɛ gbasaya ee nn boo ɔ, wo sin tana, wo‑a wo wandi ya, mbɛ ɛ wan wo boo ɔ. Wo e baa be wan wo wandi ma, chɛɛ nn tana, mɔ ɔ mɔ ee baa be nn ma.

GBOO FEAN BƆƐ KƆYINDI KO A 11:30

Ni n mbe kun fan n ni yonka tɛ, n mbe yonka tɛ‑a, a si koe chɛ n fan ma, miin mbe a ɔ yian, mbɛ gbasaya ee n boo ɔ.

GBOO FEAN BƆƐ KƆYINDI KO A 13:11

N suun ma nyɔɛ nu Chasi ɔ, an nɛ, wo buɔdia bɔ. Wo butuin chɛ, wo ni wo tachɛ buɛ n dɔ bɛn. Wo wo too ma sɔ n 'na dasi n ma. Wo ma kuiɛ dɔndɔɛ ɔ, wo ni ma faachima ɔ. A sin, Yataa min mbe faachima be, koadia ɛ to a faa ɔ, ɛ ma‑a wan wo kɔ.

GBOO FEAN BƆƐ KƆYINDI KO A 13:4

Koe min na mu, tima min na an ni Chasi gbangban tena kɔn gbengbandenɛ ma, a fa koe a, a nii ma gbasaya yian ni. Chɛɛ ɛ tun fɔɛ ɔ, Yataa 'a gbasaya ɔ. Chɛ an fɛ mu, gbasaya ee nn bɛɛ boo ɔ, nn mu ka buɛ min dɔ mɔ dɔndɔɛ n na Chasi a. Chɛɛ wo e a ɔ yen‑da wan, Yataa 'a gbasaya ɔ, nn mbe fɔɛ ɔ, nn bɛ Chasi a, wai chɛ koe a wo ko a.

GBOO FEAN BƆƐ KƆYINDI KO A 4:12

Chɛ a ɔ yian fan, mbɛ saya ɛ wan tun ben‑da nn na san‑da. Chɛɛ wo tana, kuɔ fɔ fɔɛ an mbe wo ko a.

GBOO FEAN BƆƐ KƆYINDI KO A 7:1

N dia nyɔɛ nu, tooɔdia chɛ n fan mbe mmɔ ko a. Chɛ ko a, mmɔ mmɔ boo a ko, a bɔ ko yama gbɛɛ ɔ. Fen kɔ fen, miin mbe a ma, mmɔ ma ɛ nyamui Yataa tena, mmɔ 'a fɔɛ gbɛɛ ɔ, mmɔ ni mmɔ boo a ko an ma. Mmɔ gbu sin, mmɔ 'a fɔɛ gbɛɛ ɔ, mmɔ ni ma tenchen Yataa ko a, a ma chianɛ ni ma mmɔ ɔ.

Gboo Kɔdɔsai Ko A 1:28

A wan Chasi chɛ, nn mbe an bakoe ɔ yian mɔ ɔ mɔ a. Nn mbe dasi be tena wan, nn mbe ta‑a mɔɛ gbɛɛ kan‑da nn ta yiimatɛ chia gbɛɛ a. Chɛ ni a ma, nn ni kun a ma‑a, mɔɛ gbɛɛ ni na Yataa chen kɔɔ, an yiima da faenɛ ɛ, a si Chasi ma.

Gboo Kɔdɔsai Ko A 4:12

Wo bɔɛ dɔndɔ wɛɛ to, Ɛpafasi, min mu to Yataa 'a wai chɛ mɔɛ a, ɛ wo kɔndɔn tena. Tima ɔ tima ko a, ɛ samunɛ chɛ tena wan wo ko a, a faa gbɛɛ a. A ɔ, Yataa ni a ma, wo ni sɔ gban a ko a, wo yii na tɛenɛ ɛ gbae Yataa faa ma koe gbɛɛ ma, min mbe wo ko a.

Gboo Saa Tɛsadonika Ko A 3:10

Su ɔ tee a, nn mbe samunɛ chɛ tena wo ko a, nn faa gbɛɛ a. Nn mbe a ɔ tisa tena, a ni a ma mmɔ bɛ ni mmɔ nyɔn ye, nn ni wo deman chia dɔ n na, miin nyin wo 'a danaya ko a.

2 TIMOTI 3:17

Chɛ ɛ a ma‑a wan, Yataa 'a mɔɛ ma bɛndenɛ ni ma chɛndɛ chɛ, a kandenɛ ɛ wai chɛndɛ kan kɔ kan chɛ koe a.

GBOO IBU MƆƐ N KO A 12:23

Wo na‑a gbɛ Yataa 'a mɔɛ n 'na chɔchi ɔ, a 'a denɛ saa nu. A sin, an tɔɛ nyɛndenɛ mu banda bu ɔ gboo ɔ. Wo na‑a gbɛ Yataa tena, min mbe mɔ gbu gbɛɛ gbɛmbo‑a. Wo na‑a gbɛ fuɛ n tena, mɔɛ chɛ nu, Yataa na‑a miin ya mɔ tandenɛ n na, a chen kɔɔ, an fuɛ nu. A yɛ to, a‑a an ma yɔ a toen mu an ni ma buɛ min dɔ, banda bu ɔ.

GBOO IBU MƆƐ N KO A 13:21

a ni basan wo ma chia ɔ chia a, wo toen mu min na, a faa ma koe ma koe a. A sin ni a ma, Chisɔsi Chasi 'a gbasaya ɔ, mmɔ ni ko ɔ ko ma, min mbe a faa chima. A sin, tando ni ma Chasi tɔɛ ma, kuɔ fɔ ni kuɔ fɔ ko a. A ni ma ka.

GBOO IBU MƆƐ N KO A 6:1

Chɛ an fɛ mu, mmɔ koe chɛ n to, Chasi ni mmɔ kan miin na, yɔ den mɛsɛ nu. Mmɔ a kuu sɔ gbɛ mmɔ yii na chii‑a yɔ mɔɛ miin yii kɔɔen mu. Mmɔ sɛmbɛ mmɔ gba ɔ tɛn tɛn koe a, ko mɛsɛ chɛ n kan koe a, a si Chisɔsi ma. Koe chɛ nu, miin mbe a ma, an ni an mun, an ni sɛmbɛ ko yama chɛ n ma‑a, miin mbe a ma, an ni saya ma sɔn. Mmɔ yɛ to, mmɔ ni a ɔ yen, an ni an kai fa Yataa a.

1 PITA 5:10

Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.