Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




GBOO FEAN BƆƐ KƆYINDI KO A 13:7 - Yataa 'a Dɔbɛnɛ Nama

7 Chɛɛ nn mbe samunɛ chɛ tena, wo ma na ko yama kan kɔ kan ma. Nn mbe ee a ɔ yian tena wan ka, mɔɛ n na, mbɛ nn‑na wai chɛndɛ an chɛ wo tɛ ɔ. Chɛɛ nn toen mu, wo ni koe n ma, miin nyin, a ma koe a. A ni ma wɛɛ, mbɛ nn‑na wai min chɛ, ko ma bɔ ni a ɔ.

အခန်းကိုကြည့်ပါ။ ကော်ပီ




GBOO FEAN BƆƐ KƆYINDI KO A 13:7
25 ပူးပေါင်းရင်းမြစ်များ  

I ma dɔn ko ɔ ko ni a ma, nn ni ko yama ma. Chɛɛ i ni nn tanka Sitana ma, nyina yama.’ ”


N mbe ee samunɛ chɛ tena gbɛ, min mbe a ma, i ni an bɔ dunya chɛ ɔ. Chɛɛ n mbe a chɛ tena, i ni an kun ma fɛn Sitana boo ɔ, nyina yama chɛ.


An gbu sin nii ma to ni, tea yiinachii chɛ koe a, a si Yataa ma. Chɛ ko a, Yataa‑a an to wan nɔ, an ni ma an kun ye, an 'na yiinachii yama chɛ a. Chɛ ɛ a ma wan, an ni koe n ma, miin ma nyin an ma koe a.


Ni mɔɛ n‑na ko yama ma wo a, wo ma wo ta a yɛ ko yama a. Chɛɛ wo butuin chɛ, wo ni koe n ma, miin ma ɛ kawa mɔ ɔ mɔ ya a.


Mmɔ a kuu sɔ tachɛ‑a chɛndɛ chɛ mmɔ wandi a, fɔɛ ɔ. Wo a ma yɔ mɔɛ nu miin mbe koe n na tachɛ tena chɛndɛ tee a. A yɛ to, wo ma wo boo chɛ gbɛ min kɔmpini ɔ, a basan ko tɛ gbɛɛ a. A sin, wo ma butuin chɛ, wo sin ma too wo nyɔn na.


N mbe Apɛdesi wɛɛ kɔndɔn tena. A‑a a ɔ yian fan a sɔnɛ ɔ, mbɛ ɛ Chisɔsi an ko a gbu. N mbe mɔɛ chɛ n bɛɛ kɔndɔn tena, miin mbe Ayisɔbudɔsi 'a chenɛ a.


Tɛnɛ ko ma chɛ a n tena. A gbu nyin fan, wo ni ma sɔ ɔ wo nyɔn kanɛ ɔ. Chɛ an mbe a ma‑a, tea ɛ miin boo ɔ, an ma ni gbɛ chɛndɛ chɛ.


Mɔɛ n mbe a fɔ wan, an dɔ, “Pɔɔ ɛ bai miin nyɛn a 'a gboo n dɔ, an kɔɔ fanka wan, dimaya wɛɛ an dɔ. Chɛɛ,” an dɔ, “ni a ma‑a mmɔ tɛ ɔ, a ma chimaen mu, baa wɛɛ ee a da a kuiɛ ma.”


Koe min na mu, mɔɛ min mbe a wandi tando, ko gbama mu. Chɛɛ mɔɛ chɛ, Mansa Chisɔsi wandi ɛ min bai, an mu tea tando a.


N ko a, ɛ wan n yii ma, mbɛ wo e a ɔ gbɛ‑a wan, mbɛ nn ban‑da nn fandi ma mɛn‑da, ko ee nn ma.


Koe min na mu, nn mbe ee ko ɔ ko ma, miin mbe ee tea gbee a. Chɛɛ ɛ ma tea gbee an na, a si Chisɔsi ma.


Koe min na mu, n bu ɔ diama an mbe ma, tima ɔ tima ko a, gbasaya ee wɛɛ nn boo ɔ, chɛɛ wo sin dɔ gbɛama ɛ. Nn mbe samunɛ chɛ min ko a, an nɛ, mbɛ mabɔ ma na ma wo ma.


Chɛɛ nn mbe min ma, nn 'na wai chɛ buɛ gbɛɛ ɔ, nn mbe nn tachɛ buɛ ma mɛn fan, yɔ Yataa 'a wai chɛ mɔɛ nu. A chia chɛ a, nn mbe nn faa bia wan ko gbɛama n dɔ, yakɔɔtawa n dɔ, a basan ko yawaenɛ n dɔ a.


Nn 'na yiinachii mu chɛ an na. Mbɛ nn ni koe ma, tea ɛ min dɔ, Mansa Yataa chen kɔɔ, ni mɔ gbu n bɛɛ ya a.


N mbe min fɔ tena gbɛ sanche, n suun ma nyɔɛ nu Chasi ɔ, wo wo yii na chii koe chɛ n ma, baa ɛ miin ma, Yataa toen mu koe miin na. Koe nu, miin nyin, mabɔ ee miin ma ɛnden bɛɛ a, basɔmaya koe nu. Mɔɛ n mbe che kawa‑a koe miin ma, an mbe koe miin bai, dua ɛ koe miin dɔ.


Yataa wandi, min mbe faachima be mmɔ ma, a ni a ma wo ni ma a ko a tenchen chia ɔ chia a. A ni wo kun ma fɛn chia gbɛɛ a. Mabɔ kan kɔ kan ma ma wo ma, wo 'a fɔɛ gbɛɛ ɔ, tima min na mmɔ 'a mansa Chisɔsi Chasi ɛ na‑a.


Samunɛ ni chɛ mansa n ko a, a basan mɔɛ tɔɛ chɛ n na, miin mbe sɔ tena nu. Chɛ ni ma, min mbe a ma, sɔnkɔ sɔnkɔɛ ni bɔ mmɔ 'a fɔɛ ɔ, mbɛ faachima ma‑a mmɔ ma, mmɔ ɛ ta‑a ma‑a Yataa fɔɛ ɔ, basɔmaya wɛɛ ɛ mmɔ ɔ chia ɔ chia a.


Butuin chɛ, min mbe a ma, Yataa faa ni chima i a. I ni ma wai chɛ mɔɛ chɛndɛ a, min mbe ee mau, a wandi gba ma, min mbe Yataa 'a bai kan tena teaya buɛ ɔ.


Ɛ n kun bɔ‑a wan ko yama kan kɔ kan dɔ, mbɛ a‑a n baun, a ta‑a n na a 'a banda bu ɔ mansaya ɔ. Tando ni ma a tɔɛ ma, kuɔ fɔ ni kuɔ fɔ. A ni ma ka.


Yataa ɛ mɔɛ chɛ n dua‑a wan, miin mbe an faa bia, ni ko yawaenɛ‑a an tan. Koe min na mu, ni an‑na an koe chɛ ɔ bia, Yataa ɛ boo ɔ gbasi woo min be‑a an ma, ɛ ma‑a kuɔ fɔ fɔɛ an na. Fɔɛ chɛ, a na‑a tooɔdia be koe an na mɔɛ n ma, miin toen mu a a.


Wo sɔnɛ n ma ni kawa mɔɛ chɛ n tɛ ɔ, miin ma Yataa sɔn. An mbe a ma‑a, ni mɔɛ n‑na wo chee wɛɛ ko yama ma mɔɛ n na, an mbe wo sɔn chɛndɛ chɛ yen‑da wan. Chɛ an mbe a ma‑a an ni tando be Yataa ma, a na tee ma.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ