GBOO FEAN BƆƐ KƆYINDI KO A 13:5 - Yataa 'a Dɔbɛnɛ Nama

⁵ Wo wo wandi ma mɛn, wo ni a ɔ yen, ni wo boo a chiien fan mu, wo kai fa koe a Chasi a. Wo ni a ya, mbɛ wo ma‑a gbɛ mɔ dɔndɔɛ a, wo bɛ Chisɔsi Chasi a. Fɔ dechee, ni chia ɔ chia ee wo ye, wo wandi ma mɛn koe chɛ a.

GBOO FEAN BƆƐ KƆYINDI KO A 13:5 ပူးပေါင်းရင်းမြစ်များ

CHƆN 14:23

Mbɛ Chisɔsi ɔ, “Mɔɛ min toen mu n na, ɛ koe chɛ n ma wan, n‑na miin fɔ a ye, an ma koe a. Fa ɛ to‑a wan a mɔɛ chɛ a. A sin, Fa ni ma, ni n fan, nn mbe na‑a wan a tena, mbɛ nn bɛ gbɛɛ ɛ ma‑a kaina dɔndɔ.

CHƆN 15:4

Mmɔ ma mɔ dɔndɔya ɔ, wo ma n boo ka, n bɛɛ, n mbe ee wo boo ka‑a. Kɔnɛ bonɛ ee kun a ni gbɔ be, ni a kaenɛ ma‑a kɔnɛ kuu ba ma. A chia dɔndɔ gbe chɛ a, wo wɛɛ, wo ee kun wo ni ko ɔ ko ma, mɔɔ ni mmɔ bɛ ma‑a mɔ dɔndɔya ɔ.

CHƆN 17:23

Nn bɛ an na, mɔ dɔndɔɛ mu nn na, yɔ mɔ fea wɛɛ, mɔ ɛ buɛ min dɔ. Chɛ ni a ma, an mbe mɔ dɔndɔya min dɔ an nyɔn na, a da ni fa gban. Chɛ ɛ a ma‑a wan, i wakoe ee mɔɛ miin faa ɔ, an ni a ɔ sɔn, mbɛ i wan‑na n sɔ. A yɛ to, an mɔɛ chɛ n ni a ɔ gbɛ chɛndɛ chɛ, mbɛ i toen fan mu n fɛ den chɛ n na, yɔ i toen mu n na buɛ min dɔ.

CHƆN 17:26

N‑na i wakoe ɔ yian fan an na, an‑na i sɔn. A sin, n gboo ɔ ee fa‑a a ɔ yian koe a an na. Chɛ ɛ a ma‑a wan, n ko a di ka buɛ min dɔ i ye, a nyɔn sima koadia ni ma an faa ɔ. Mbɛ a sin fan mbe a ma‑a, nn bɛ an na, nn ni ma mɔ dɔndɔɛ a.”

CHƆN 6:56

Mɔ ɔ mɔ min mbe n gboo daun‑da, a ni n wii min, nn fea a mɔɛ chɛ a, nn mbe ma‑a wan mɔ dɔndɔɛ a.

CHƆN 6:6

A na‑a chɛ fɔ, min mbe a ma dechee, a ni Fiipi yiima sɔn. Tea ni min na, a wan Chisɔsi na‑a a ɔ sɔn fan, ɛ koe min ma tena, a e na to tisa chɛ chɛ‑a.

GBOO DOMI KO A 1:28

An gbu sin nii ma to ni, tea yiinachii chɛ koe a, a si Yataa ma. Chɛ ko a, Yataa‑a an to wan nɔ, an ni ma an kun ye, an 'na yiinachii yama chɛ a. Chɛ ɛ a ma wan, an ni koe n ma, miin ma nyin an ma koe a.

GBOO DOMI KO A 8:10

Chɛɛ ni Chasi ma‑a wo wɛn fɛ, ɛ a ma wan, wo ni ma fɔɛ ɔ. Chɛ ɛ ma‑a wan wo a, wo gboo ɛ fa‑a wɛɛ boo ɔ boo, wo 'a ko yama boo ɔ. Chasi sin mbe chɛ ma‑a wan wo ko a, koe min na mu, wo ya‑a mɔ tandenɛ a Yataa tena.

GBOO SAA KƆYINDI KO A 11:28

Chɛ an fɛ mu, mɔ ɔ mɔ ni a wandi faa ma mɛn pɛn, a e na to biidi chɛ daun‑da, a basan gbɛ chɛ min koe a.

GBOO SAA KƆYINDI KO A 11:31

Chɛɛ ni mmɔ‑a mmɔ wandi ma mɛn pɛn, Yataa ee na‑a kaa a tɛ‑a mmɔ wakoe ma.

GBOO SAA KƆYINDI KO A 3:16

Wo gbu sin‑na a ɔ sɔn fan, mbɛ wo gbɛɛ mu Yataa 'a chenɛ an na. A sin, Yataa Nyina ɛ wan wo tɛ ɔ.

GBOO SAA KƆYINDI KO A 6:15

Wo gbu ni a ɔ sɔn, mbɛ wo gboo mu Chasi wandi sɔna n fan na. Mɔɛ sin mbe ee a gboo ya, min mu Chasi ta a, a ni a a tun ko tɛ mɔɛ ta a. Chɛ ee ma ɛnden bɛɛ a.

GBOO SAA KƆYINDI KO A 6:19

Wo ni a ɔ sɔn, mbɛ wo gboo mu Yataa Nyina 'a chenɛ n fan na, miin mbe tenchen a ko a. Yataa an‑na an Nyina chɛ be wo ma, an ni ma wo fɛ. Wo ee wo wandi an ko a, chɛɛ wo e Yataa an ko a.

GBOO SAA KƆYINDI KO A 6:2

Wo gbu ni a ɔ sɔn, mbɛ mɔɛ miin mbe chɔchi ɔ, an fan mbe na‑a kaa a tɛ‑a, a si mɔɛ n gbɛɛ ma dunya ɔ. Ni wo sin fan mbe na tena chɛ ma‑a, wo ee che wo ni tɛ wo wandi ɔ sanche, kaa a tɛ koe a tataya bai n ma.

GBOO SAA KƆYINDI KO A 9:24

Wo‑a a ɔ sɔn fan gbu, mbɛ bui chɛ tɔmbɔɛ ɔ, bui chɛ mɔɛ gbɛɛ an mbe ee a to a ɔ an nyɔn ko a. Chɛɛ dɔndɔ gbe, an mbe boo ɔ gbasi woo ma sɔn, sɔ koe a a bɔɛ n ya ɔ. Chɛ an fɛ mu, wo bui chɛ chɛ, wo ni boo ɔ gbasi woo chɛ ma sɔn.

GBOO SAA KƆYINDI KO A 9:27

Chɛɛ n mbe n fandi gboo ma wan tindin, mbɛ n‑na n tachɛ buɛ ma mɛn. N mbe chɛ ma, min mbe a ma, Yataa ma na n na yɛ a boo kɔ, ni n ban‑da mɔɛ n chee‑a bui chɛ koe a.

GBOO FEAN BƆƐ KƆYINDI KO A 6:16

Yataa 'a chenɛ nu, an bɛ fen chɛ n na, an‑na miin ya Yataa a, ko dɔndɔ ee che ma‑a an tɛ ɔ. Koe min na mu, mmɔ mu chenɛ an na, Yataa ko a, min mbe ma‑a kuɔ fɔ ko a. Yataa wandi gbu sin‑na a fɔ ka wan, a ɔ, “N mbe ma‑a wan an tɛ ɔ, n mbe ben ben an tɛ ɔ. N sin mbe ma‑a wan an 'na Yataa a, an bɛɛ, an mbe ma‑a wan n 'na mɔɛ n na.”

Gboo Kadesia Ko A 2:20

N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.

Gboo Kadesia Ko A 4:19

N 'na den toa nu, n mbe tɔɔya ɔ bia tena wo ko a, aan wo sɔnɛ ni bɔ Chasi ta a.

Gboo Kadesia Ko A 6:4

Chɛɛ mɔ ɔ mɔ ni a wandi gbu tachɛ buɛ ma mɛn. A tima a mu, mɔ ɔ mɔ ɛ a ɔ yen‑da, mbɛ mɔɛ e yonka tɛ i wandi an ko a dechee, chɛɛ i bɔɛ ma.

Gboo Ɛfisɔsi Ko A 3:17

A sin ni a ma to, Chasi wakoe ni ma wo faa ɔ, koe min na mu, wo‑a wo kai fa a a. N mbe samunɛ chɛ tena, wo ni sɔ gban koadia ɔ, wo ni yɛ, wo ɔ ni gbɛa chɛndɛ chɛ.

Gboo Kɔdɔsai Ko A 1:23

Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.

Gboo Kɔdɔsai Ko A 1:27

Yataa toen ni, a ni a ɔ yian mɔɛ chɛ n na, a‑a koe min dɔ nun an ma. An koe ma kawaen ni, a sin dua wa ni, mɔɛ n ko a, miin nii ma Chu mɔ a. An koe ɔ nundenɛ gbu an nɛ, mbɛ Chasi wakoe ɛ wan wo wɛɛ faa ɔ, min mu wo 'a yiinatɛ a, Yataa 'a basɔmaya ma sɔn koe a.

Gboo Kɔdɔsai Ko A 2:19

An mbe ee Chasi bia‑a an boo fea a, a wɛn mu mmɔ kun ti a. Chasi an mbe na a 'a mɔɛ n gbɛɛ a kaina dɔndɔɛ. Ɛ wan dechee yɔ mɔ gbu gboo, ni a sɔna nu, an gbɛɛ‑a tun tunden mu buɛ min dɔ. Fasa mɛsɛ chɛ nu, miin mbe an dɔ, an tɛ ma tɛ ni, a sin an mbe wai chɛ kuiɛ dɔndɔya an dɔ. An mbe koa wan, yɔ Yataa toen mu an ni koa buɛ min dɔ.

Gboo Kɔdɔsai Ko A 2:7

Wo ban‑da wo kai fa‑a a a gban. Chɛ an fɛ mu, wo a a tun wo kai fa koe ma a a, wo ma yɛ kuu kɔ. A sin, wo‑a wo kai fa ka buɛ min dɔ a a, wo ma yɛ to kuu kɔ, yɔ a fɔen mu buɛ min dɔ wo ye. Tima ɔ tima ko a, wo Yataa wai bɔ.

1 TIMOTI 2:15

Chɛɛ musu n mbe bauncha sɔn‑da wan den suunɛ ɔ. Chɛ ɛ ma wan, ni yiimatɛ ma‑a an tachɛ buɛ ɔ, koadia ɛ an faa ɔ, an sin tandenɛ ɛ Yataa tena, an mbe ta‑a an kai fa‑a a a.

2 TIMOTI 3:8

Yɔ Chanesi ni buɛ min dɔ, an fea Chambesi a, an ni Mosisi ma bɔ wan, kamin chɛ n bɛɛ, an mbe ka wan tea ma bɔ‑a. Mɔɛ n fan nɛ miin yiima ɔ chɛ chɛenɛ ɛ, an sin 'na danaya ban‑da an dɔ Chisɔsi ko a.

TAITƆSI 1:13

A‑a tea bai an fɔ ka. Chɛ an fɛ mu, an tɛn dɔ tɛ chɛndɛ chɛ, min mbe a ma, an na ni ten Chisian danaya ɔ.

TAITƆSI 1:16

An‑na Yataa sɔnɛ ɛ an da ɔ wan, chɛɛ a ee an sɔnɛ ɔ. An ma nyin, an mbe ee Yataa 'a sawa ya, an sin ma nyin fen kɔ fen ko a.

TAITƆSI 2:2

A fɔ mɔ kaima ma taenɛ n ye, an ma gbɛ wa min, an ni ma basɔmaya tɔɛ n na, yiimatɛ tɔɛ nu, danaya ɛ miin dɔ Chisɔsi ko a chɛndɛ chɛ, a basan koadia a, ni faabia.

GBOO IBU MƆƐ N KO A 12:15

Wo tima ya, wo ma na wo kan kɔ sɔ koadia demanɛ a, Yataa ɛ min be. Wo dɔndɔ wɛɛ ma ma yɔ kɔn konama. Ni a koa‑a dechee, ɛ ma kɔn yama an na, a bɔɛ n tɛ ɔ.

GBOO IBU MƆƐ N KO A 4:1

Chɛ an fɛ mu, tooɔdia ɛ wɛ ka nɔ tima min na, mmɔ don koe a suin tena chɛ, Yataa‑a min dɔ bɛn, mmɔ chiandenɛ ni ma, kɔkɔɛ mmɔ dɔ nu, mmɔ ee na‑a kun‑da don koe a suin tena chɛ.

GBOO IBU MƆƐ N KO A 6:8

Chɛɛ ni an duu gboo chɛ, wai nyan‑da a ma, a basan binɛ a, duu gboo a tenden ma. A to‑a ɛnden fan na, Yataa ni a danka, a sin, ta an mbe a kasaa‑a.

CHIMISI 4:4

Wo ma danaya ni gba Yataa tena. Wo gbu‑a a ɔ sɔn fan, mbɛ ni dunya chɛ ko a dia‑a wo ye, mbɛ Yataa ɛ ma‑a wan wo chɛɛ ma nyɔɛ a. Chɛ an‑na a fɔ, ni dunya chɛ ma‑a mɔ ɔ mɔ koadia nyɔɛ a, Yataa ma‑a a mɔɛ chɛ chɛɛ ma nyɔɛ a.

1 PITA 5:9

Wo sɔ chidi wo 'a danaya ɔ, Chasi a. Sitana ma kun wo ma. Koe min na mu, wo‑a a ɔ sɔn fan, mbɛ wo bɔɛ miin bɛɛ kai faen mu Chasi a dunya gbɛɛ ɔ, an mbe ko yawaen dɔndɔ gbe chɛ an dɔ bia tena.

KO Ɔ NUNDENƐ 2:5

Wo wo yii na chii, wo ni buɛ min dɔ a kɔma a, mbɛ wo‑a wo kan kɔ sɔ wo 'a ko yama n na, wo ni yɛ wo chɛ chɛ wai kɔma n dɔ. Ni chɛ ma, n mbe na‑a wan, mbɛ n‑na wo 'a dambo si fen chɛ ka a sɔ gba ɔ, n‑na a ya, wo tɔɔ koe a.