GBOO FEAN BƆƐ KƆYINDI KO A 13:3 - Yataa 'a Dɔbɛnɛ Nama

³ Wo toen mu, wo ni a ɔ sɔn, mbɛ n mbe koɔ tena, Chasi 'a gbasaya an dɔ. Wo sin mbe a ɔ sɔn‑da wan. Ni a ma‑a tachɛ‑a wo a, a ee ma gboo ɔ fa ɔ. Chɛɛ ɛ min ma, ɛ a 'a gbasaya ɔ yian fan wo tɛ ɔ.

GBOO FEAN BƆƐ KƆYINDI KO A 13:3 ပူးပေါင်းရင်းမြစ်များ

MATIU 10:20

Koe min na mu, wo e ma tena ka bai min fɔ‑a, a ee ma tena wo wandi an fɔ bai a. Chɛɛ a bai chɛ n mbe ka tena Yataa Nyina an tena. Fa Yataa ɛ a a na‑a wan, a ni bai chɛ n don wo da a, a fɔ koe a.

DUKU 21:15

Koe min na mu, n mbe bai n don‑da wan wo da a, mbɛ n‑na yiimatɛ be wo ma. Ni wo‑a bai kan kɔ kan fɔ, wo chɛɛ ma nyɔɛ n mbe ee che‑a kɔɔsa bia chɛ‑a a ma.

GBOO SAA KƆYINDI KO A 7:40

Chɛɛ n ta yiinachii ɔ, musu chɛ 'a buɔdia ma ɛ munda‑a wan, ni a ma si ni kai ko a. N sin danden fan mu a a, mbɛ Yataa Nyina ɛ wan n bɛɛ fɛ, n sɔ koe a chia ma.

GBOO FEAN BƆƐ KƆYINDI KO A 10:1

N fan Pɔɔ, n fan mbe ka wo disa tena. N fɛn mu ka, an dɔ, n ma chimaen mu, n mbe ma wo baima, n sin mbe wo bia wan chinchincha a. An dɔ, chɛɛ ni n ka‑a wo baima, n mbe wo bia wan faaakɔɔɛ a. N mbe wo disa tena, machimaya ɔ, a basan chinchincha a, Chasi ni min yian.

GBOO FEAN BƆƐ KƆYINDI KO A 10:4

Nn mbe chɛɛ chɛ tena feanka miin na, dunya chɛ ta ma. Chɛɛ nn mbe Yataa 'a gbasaya an ya tena, nn ni kaina n yɔn, Sitana kai fa tena nu.

GBOO FEAN BƆƐ KƆYINDI KO A 12:12

Yataa‑a a ma wan, n‑na kamaya ko wa sɛsɛ ma, a ɔ yian koe a wo a, mbɛ Chisɔsi 'a sɔ mɔɛ mu n na. N na‑a an ma wan, faabia wa ɔ.

GBOO FEAN BƆƐ KƆYINDI KO A 2:10

Mɔ ɔ mɔ, wo e min to‑a nɔ, a 'a ko yama ko a, n bɛɛ n mbe a to‑a wan nɔ. N‑na ko ɔ ko min to nɔ, ni tataya koe gbu ma wɛɛ, n mbe a ma‑a wan wo ko a, Chasi chen kɔɔ.

GBOO FEAN BƆƐ KƆYINDI KO A 2:6

Wo sɛsɛ, wo e tɔɔya min chɛ‑a a mɔɛ chɛ a, a‑a a kun a ko a.

GBOO FEAN BƆƐ KƆYINDI KO A 9:8

A sin, Yataa kundenɛ mu, a ni mɔɛ kɔ boo fen chɛndɛ a, a ɔ benden ba a. Chɛ ni a ma, a mɔɛ chɛ toen mu fenɛ min na tima ɔ tima ko a, a ni ma a boo ɔ. A sin gbu, fenɛ ɛ ma‑a wan a boo ɔ, ko kan kɔ kan ma koe a, min nyin a ma koe a.