GBOO FEAN BƆƐ KƆYINDI KO A 13:11 - Yataa 'a Dɔbɛnɛ Nama

¹¹ N suun ma nyɔɛ nu Chasi ɔ, an nɛ, wo buɔdia bɔ. Wo butuin chɛ, wo ni wo tachɛ buɛ n dɔ bɛn. Wo wo too ma sɔ n 'na dasi n ma. Wo ma kuiɛ dɔndɔɛ ɔ, wo ni ma faachima ɔ. A sin, Yataa min mbe faachima be, koadia ɛ to a faa ɔ, ɛ ma‑a wan wo kɔ.

GBOO FEAN BƆƐ KƆYINDI KO A 13:11 ပူးပေါင်းရင်းမြစ်များ

MATIU 1:23

“A yen ko, sunkun tɔngbɔɛ, min ma kai koe ɔ sɔn, ɛ na tena bu ma‑a, mbɛ a‑a den kainɛ suun. An mbe an den chɛ chee‑a wan, an dɔ, Imanuɛɛ,” min fasaien mu, Yataa ɛ mmɔ tɛ ɔ.

MATIU 5:48

Chɛ an‑na a fɔ, koadia ma ban wo faa ɔ mɔ dɔ mende n ko a, yɔ koadia ee ban buɛ min dɔ Fa Yataa, min mbe banda bu ɔ, a faa ɔ.”

MAKI 10:49

Mbɛ Chisɔsi sɔ‑a, mbɛ a‑a a fɔ, a ɔ, “Wo a chee n ye.” Mbɛ an‑na ya te tɔɛ chɛ chee, an dɔ, “I faa ma yɔn, i kɔɔ sɔ, a yen ko i chee‑a.”

MAKI 9:50

Wo a ma kuiɛ ni ma wo wandi gbu ɔ, wo ni ma faachima ɔ wo nyɔn na. Kuiɛ nyin fan, ni a ɔ ma sɛ ni. Chɛɛ ni a ɔ sɛ‑a, mɔ ee che to, i ni a ma a dia ni yɛ a ɔ.”

DUKU 9:61

Mbɛ mɔɛ dɔndɔɛ wɛɛ‑a a fɔ a ye, a ɔ, “Fa, n ma bɛnden mu n ni bea i fɛ, chɛɛ a ma n ni ta pɛn, n ni n saa n baa mɔɛ n na.”

CHƆN 17:23

Nn bɛ an na, mɔ dɔndɔɛ mu nn na, yɔ mɔ fea wɛɛ, mɔ ɛ buɛ min dɔ. Chɛ ni a ma, an mbe mɔ dɔndɔya min dɔ an nyɔn na, a da ni fa gban. Chɛ ɛ a ma‑a wan, i wakoe ee mɔɛ miin faa ɔ, an ni a ɔ sɔn, mbɛ i wan‑na n sɔ. A yɛ to, an mɔɛ chɛ n ni a ɔ gbɛ chɛndɛ chɛ, mbɛ i toen fan mu n fɛ den chɛ n na, yɔ i toen mu n na buɛ min dɔ.

CHISƆSI 'A SƆ MƆƐ NU 15:29

Wo ma daun fenɛ daun, mɔɛ n‑na min bɔ yasi a, fen chɛ n tena, miin ma Yataa a. Wo ma soe kan kɔ kan daun, min kanɛ a ma tɛ ni, wo gbu sin ma wii daun. A yɛ to, wo ma koe tɛ. Ni wo ma wo boo chɛ ni to chɛ n dɔ, a nyin fan wo ko a. Wo mmɔ a gbɛ.

CHISƆSI 'A SƆ MƆƐ NU 18:21

Chɛɛ a ni kɛn a saa an na, a‑a bai chɛ an fɔ an ye, a ɔ, “Ni Yataa dɔn‑da, n mbe yɛ‑a wan to wo tena.” Mbɛ a si‑a dɛndɛ ɔ, a ka Ɛfisɔsi, mbɛ a ta‑a.

CHISƆSI 'A SƆ MƆƐ NU 23:30

Chɛ an fɛ mu, mɔɛ‑a a fɔ kɛn n ye, mbɛ Chu mɔɛ n mbe dɔbɛnɛ chɛ tena, a fa koe a, n ma tima yayi ni. N‑na a ma wan, an na‑a i tena. Mɔɛ chɛ n bɛɛ, miin‑na a bia, n‑na a fɔ wan an bɛɛ ye, mbɛ an ni ta an 'na bai a i tena.

GBOO DOMI KO A 12:16

Wo wo boo a si wo nyɔn kɔɔ chɛndɛ chɛ. Wo ma ma dɔpanda tɔɛ n na. Baa ee ka mɔɛ miin ma, wo an ma wo dia nyɔɛ n na. Wo ma wo ta mansaencha a sɛ kaka.

GBOO DOMI KO A 12:18

Wo ta nan gbu, wo butuin chɛ chia ɔ chia a, wo ni ma faachima ɔ mɔ ɔ mɔ a.

GBOO DOMI KO A 14:19

Chɛ an fɛ mu, tima ɔ tima ko a, mmɔ butuin chɛ an koe chɛ n fan ma koe a. Koe chɛ nu, miin mbe na faachima a mɔɛ n tɛ ɔ, an sin mbe a ma to, mmɔ ɛ mmɔ nyɔn dɔ gbɛa, mmɔ 'a danaya ɔ Yataa a.

GBOO DOMI KO A 15:13

Yataa, min‑na yiinatɛ chɛ be, a ni buɔdia be wo ma. Yataa, a ni faachima be wo ma. A ni koe chɛ n ma wo ye, koe min na mu, wo kai faen mu an na. Yiinatɛ chɛ ma ni mun‑da wo ɔ kaka, Yataa Nyina 'a gbasaya ɔ.

GBOO DOMI KO A 15:33

Yataa min mbe faachima be mmɔ ma, a boo ni ma wo kɔɔ. A ni ma ka.

GBOO DOMI KO A 16:20

A sin dɔ ee yansan tena to, Yataa min mbe faachima be mmɔ ma, mbɛ a kun‑da Sitana ma wo ko a. Mansa Chisɔsi ni wo dua.

GBOO SAA KƆYINDI KO A 1:10

N suun ma nyɔɛ nu Chasi ɔ, n mbe wo disa tena, mmɔ 'a mansa Chisɔsi Chasi tɔɛ ɔ, kuiɛ dɔndɔya ni ma wo tɛ. Wo sɛmbɛ wo nyɔn kɔɔsa bia koe a. Wo dɔn wo nyɔn ye, wo yiima ni ma dɔndɔ gbe, a ɔ ma du du.

GBOO FEAN BƆƐ KƆYINDI KO A 1:4

Ko gbɛama gbɛɛ ɔ, ɛ nn nande wan. Ɛ chɛ ma, min mbe a ma, nn bɛɛ ni che mɔ dɔ mende nande‑a, miin mbe ko gbɛama dɔ mende n dɔ. Yataa ɛ nn nande buɛ min dɔ, nn bɛɛ ni mɔ dɔ mende bɛɛ nande a buɛ ɔ.

GBOO FEAN BƆƐ KƆYINDI KO A 13:9

Koe min na mu, n bu ɔ diama an mbe ma, tima ɔ tima ko a, gbasaya ee wɛɛ nn boo ɔ, chɛɛ wo sin dɔ gbɛama ɛ. Nn mbe samunɛ chɛ min ko a, an nɛ, mbɛ mabɔ ma na ma wo ma.

Gboo Ɛfisɔsi Ko A 4:12

A‑a chɛ n ma, min mbe a ma, mmɔ wɛn mu ka Yataa 'a mɔɛ n na, mmɔ ma ni bɛn an wai chɛ koe a. Chɛ ni a ma, mmɔ ɔ ni gbɛa gbau gbau, mmɔ wɛn mu Chasi gboo a.

Gboo Ɛfisɔsi Ko A 4:3

Yataa Nyina‑a wo ma mɔ dɔndɔɛ a, chɛ an‑na a fɔ, wo ko ɔ ko ma, wo e che min ma koe a, wo ni ma faa chima ɔ, tima ɔ tima ko a.

Gboo Ɛfisɔsi Ko A 6:23

Fa Yataa, an fea Mansa Chisɔsi Chasi a, an ni faa chima be wo ma, wo wan suun ma nyɔɛ nu Chasi ɔ. An ni koadia yian wo a, a sin, wo ni wo kai fa an na.

Gboo Fiipai Ko A 1:27

Koe chenama mu gbɛ min na sanche, an nɛ. Wo koe n ma, wo 'a fɔɛ ɔ, yɔ mɔɛ nu miin dan‑da sakana bai chɛndɛ chɛ a, a si Chasi ma. Chɛ an mbe a ma‑a, n ni na wo tena, n ma na wɛɛ wo tena, n mbe wo ma tɔ chɛndɛ a min‑da wan. Mbɛ wo e sɔ ɔ gban, wo yiima a kandenɛ ɛ, wo kuiɛ a kandenɛ ɛ. A sin, wo e wan wo boo si‑a wo nyɔn kɔɔ wo sɔɛ gbɛɛ a, danaya chɛ ko a, min mbe bɔ sakana bai chɛndɛ chɛ ɔ.

Gboo Fiipai Ko A 3:16

Chɛɛ chɛ gbɛɛ ɔ, mmɔ‑a kanɛ min ma sɔn, mmɔ tachɛ a chia a.

Gboo Fiipai Ko A 4:2

N mbe Yuodia disa tena, an fea Sintiche a, an ni ma kuiɛ dɔndɔya ɔ, yɔ wo suun ma nyɔɛ nu Mansa Chisɔsi ɔ.

Gboo Fiipai Ko A 4:4

Wo e ka buɛ min dɔ, wo ma‑a mɔ dɔndɔɛ a Mansa Chisɔsi a, wo buɔdia bɔ tima ɔ tima ko a. Ka n mbe a fɔ to wo ye, wo buɔdia bɔ.

Gboo Fiipai Ko A 4:9

Ko ɔ ko, wo‑a n yen miin ma‑a, wo‑a miin kan, an to‑a wo yii ma, wo an ma. An ni ma n da a bai n na, chɛ ma, an ni ma n chɛ chɛ wai n na. A sin, Yataa min mbe faa chima be mmɔ ma, ɛ ma‑a wan wo kɔ.

Gboo Saa Tɛsadonika Ko A 3:10

Su ɔ tee a, nn mbe samunɛ chɛ tena wo ko a, nn faa gbɛɛ a. Nn mbe a ɔ tisa tena, a ni a ma mmɔ bɛ ni mmɔ nyɔn ye, nn ni wo deman chia dɔ n na, miin nyin wo 'a danaya ko a.

Gboo Saa Tɛsadonika Ko A 4:1

A danka a gbɛ, nn suun ma nyɔɛ nu Chasi ɔ, wo‑a a kan fan nn ma, wo e ma fɔɛ min sima ɔ, min mbe Yataa faa chima. Wo sin, tea ko a, wo e tachɛ tena ka wan fɔɛ ɔ. Sanche gbɛ sin, a dinden fan mu wo ma, mbɛ wo ma yɛ to kuu kɔ. Mmɔ ma‑a mɔ dɔndɔɛ a, mmɔ bɛ Mansa Chisɔsi a. An fɛ mu, nn mbe wo faa ma nande tena, wo ni a a tun tachɛ koe a chɛndɛ chɛ.

Gboo Saa Tɛsadonika Ko A 4:18

Chɛ ko a gbɛ, wo wo nyɔn faa ma nande bai chɛ n na.

Gboo Saa Tɛsadonika Ko A 5:13

Wo basɔmaya wa be an ma, wo ni koadia yian an na, an 'na wai ko a, an mbe min chɛ tena. Faachima ni ma wo gbɛɛ tɛ ɔ.

Gboo Saa Tɛsadonika Ko A 5:16

Wo bu ɔ diama ni ma tima ɔ tima.

Gboo Saa Tɛsadonika Ko A 5:23

Yataa wandi, min mbe faachima be mmɔ ma, a ni a ma wo ni ma a ko a tenchen chia ɔ chia a. A ni wo kun ma fɛn chia gbɛɛ a. Mabɔ kan kɔ kan ma ma wo ma, wo 'a fɔɛ gbɛɛ ɔ, tima min na mmɔ 'a mansa Chisɔsi Chasi ɛ na‑a.

GBOO FEAN BƆƐ TƐSADONIKA KO A 2:16

Nn mbe samunɛ chɛ tena, Mansa Chisɔsi Chasi tena, an fea mmɔ Fa Yataa a, min toen mu mmɔ a. A sin, ɛ mmɔ faa ma nande tima ɔ tima ko a. Koe min na mu, a 'a koadia demanɛ, a ma mmɔ a bea ni kuɔ fɔ. A sin, a na‑a yiinatɛ be wan mmɔ ma chɛndɛ chɛ.

GBOO FEAN BƆƐ TƐSADONIKA KO A 3:1

A danka a gbɛ, nn suun ma nyɔɛ nu Chasi ɔ, wo samunɛ chɛ nn ko a. An mbe a ma, sakana bai chɛ, a si Mansa Chisɔsi ma, a tɛ ma tɛ, a ni fasan a ɔ ben‑da bui chɛ bui chɛ a. A sin to, mɔɛ n ni an boo a si a kɔɔ basɔmaya a, yɔ wo‑a a ma buɛ min dɔ.

GBOO FEAN BƆƐ TƐSADONIKA KO A 3:16

Nn mbe samunɛ chɛ tena, mmɔ 'a mansa Chisɔsi wandi, mmɔ 'a faachima ɛ ka min tena, a ni faachima be wo ma tima ɔ tima ko a. A ni a be wo ma, chia ɔ chia a. A ni ma wo gbɛɛ kɔ.

2 TIMOTI 2:22

Chɛ an‑na a fɔ, i boo bɔ kamin tɔngbɔya fɔɛ ɔ, i ni ma mɔ tandenɛ a, danaya ni ma i ɔ Chisɔsi ko a, koadia wɛɛ ni ma i ɔ, a basan faachima a. Chɛ ma, wo bɛ mɔɛ chɛ n na, wo bɛ ɛ Chisɔsi chee, miin na faa ɔ gbɛenɛ ɔ.

GBOO IBU MƆƐ N KO A 12:14

Wo butuin chɛ, ma koe a faachima ɔ mɔ ɔ mɔ a. A sin to, wo ni ma tenchen Yataa ko a. Koe min na mu, mɔ ɔ mɔ ee Mansa Yataa yen‑da, ni a ee ka.

GBOO IBU MƆƐ N KO A 13:20

Yataa‑a a ma wan, mmɔ 'a mansa Chisɔsi‑a a kɔɔ sɔ, a ka saya ɔ. Mmɔ ɛ wan gbɛ yɔ sa nu, Chisɔsi ɛ miin kun ma fɛn. A‑a a wandi wii a bɔn fan, mmɔ ko a. Chɛ sin ma‑a wan dɔbɛn nama a, min mbe ma‑a kuɔ fɔ ko a. Chisɔsi wii chɛ 'a gbasaya ɔ, Yataa min mbe faa chima be,

CHIMISI 1:4

Wo 'a faabia ma ni munda, a da ni fa gban. Chɛ ɛ a ma‑a wan, wo ni ma yɔ Yataa toen mu buɛ min dɔ wo ma koe a. A sin, mabɔ kan kɔ kan mbe ee ma‑a wo ma fɔɛ ɔ.

1 PITA 3:11

A ni a kan kɔ sɔ ko yama ma a, a ni ko chɛndɛ ma. A ni yɛ, a ni butuinɛ chɛ, a faa gbɛɛ a, faachima ko a.

1 PITA 3:8

Ka n mbe n da a bai chɛ kunɛ a bia nɛ, mbɛ wo yiima ni ma dɔndɔ. Wo ni to wo nyɔn na wo faa gbɛɛ a. Chinchimaya ni ma wo ɔ wo nyɔn ko a, wo sin ma dɔpandaya bɔ.

1 PITA 5:10

Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.

KO Ɔ NUNDENƐ 22:21

Mansa Chisɔsi 'a dua ni ma Yataa 'a mɔɛ n gbɛɛ ma. A ni ma ka.