GBOO FEAN BƆƐ KƆYINDI KO A 13:10 - Yataa 'a Dɔbɛnɛ Nama

¹⁰ Chɛ an fɛ mu, n mbe gboo chɛ nyɛn tena, wo tena, n mbe ee tima min na wo baima. N mbe chɛ ma tena, min mbe a ma, ni n‑na a fo wo ma tima min na, n mbe ee na‑a wo bia‑a faaakɔɔɛ a. N mbe ma‑a gbasaya chɛ a tachɛ‑a, Mansa Chisɔsi‑a min be n ma, wo ɔ gbɛa koe mu, wo yɔn koe ma.

GBOO FEAN BƆƐ KƆYINDI KO A 13:10 ပူးပေါင်းရင်းမြစ်များ

GBOO SAA KƆYINDI KO A 4:21

Ni n na‑a tima min na, wo wandi an mbe wo faa ma ya a gbɛ. Ni n mbe sɔnkɔ wan wo ma, n ni wo a tɔɔya. Chɛ ma, ni n mbe koadia an dɔ yian wo a, mbɛ n‑na wo bia chɛndɛ chɛ.

GBOO SAA KƆYINDI KO A 5:4

Ni wo bɛn‑da kaina dɔndɔ, Mansa Chisɔsi tɔɛ ɔ, n mbe ma‑a wan wo tɛ ɔ, n faa ɔ. A sin, mmɔ 'a mansa Chisɔsi 'a gbasaya ɔ, ɛ ma‑a wan mmɔ tɛ ɔ.

GBOO FEAN BƆƐ KƆYINDI KO A 10:2

N mbe wo disa tena, wo ma a ma, n ni n faa a kɔɔ wo ma, ni n che‑a nɔ wo tena tima min na. Koe min na mu, n‑na a ɔ sɔn fan, mbɛ n mbe che wan n faa sɔ‑a mɔɛ chɛ n ma. Mɔɛ chɛ nu, miin mbe a fɔ, mbɛ nn mbe koe n ma dunya chɛ ɔ yiinachii an na.

GBOO FEAN BƆƐ KƆYINDI KO A 10:4

Nn mbe chɛɛ chɛ tena feanka miin na, dunya chɛ ta ma. Chɛɛ nn mbe Yataa 'a gbasaya an ya tena, nn ni kaina n yɔn, Sitana kai fa tena nu.

GBOO FEAN BƆƐ KƆYINDI KO A 10:8

Koe min na mu, n mbe ee mau, ni n‑na yonka tɛ wɛɛ kaka, a si gbasaya ma, Mansa Chisɔsi‑a min be nn ma, wo kun ma. An gbasaya chɛ, ɛ wo ɔ gbɛa koe an na, wo a bea koe ma bun.

GBOO FEAN BƆƐ KƆYINDI KO A 13:2

N‑na wo a si wan, n 'na gba fean bɔɛ ɔ, wo kɔndɔn‑da. N‑na wo a si wan, wo wɛn na‑a ko yama ma, a kɔma a, a basan mɔɛ tɔɛ n gbɛɛ a. Chɛɛ n mbe a fɔ‑a wan to sanche, mbɛ n mbe ee ka buɛ min dɔ wo tɛ ɔ, mbɛ n mbe na‑a to tima min na, mɔ ɔ mɔ kun mbe ee bɔ‑a tɔɔya ɔ.

GBOO FEAN BƆƐ KƆYINDI KO A 13:8

Koe min na mu, nn mbe ee ko ɔ ko ma, miin mbe ee tea gbee a. Chɛɛ ɛ ma tea gbee an na, a si Chisɔsi ma.

GBOO FEAN BƆƐ KƆYINDI KO A 2:3

Chɛ an fɛ mu, n‑na gboo saa chɛ nyɛn wo tena, n na‑a min nyɛn ka. N nii ma to ni, n ni na nɔ, mbɛ n‑na faayɔnɛ ma sɔn wo a, wo wɛn mbe a ma, n bu ɔ ni dia. Koe min na mu, n danden fan mu a a, mbɛ ni n bu ɔ dia‑a, mbɛ wo gbɛɛ bu ɔ dia‑a.

GBOO FEAN BƆƐ KƆYINDI KO A 6:6

Nn‑na a ɔ yian fan, mbɛ nn mbe wai chɛ tena Yataa an ko a. Nn sɔnɛ a koen fan mu Yataa tena, a 'a yiimatɛ ɛ wan nn dɔ, nn mbe nn faa bia wan. A sin to, nn mbe ko chɛndɛ ma wan mɔɛ n na. Yataa Nyina ɛ wai chɛ tena wan nn dɔ, koadia wɛɛ ɛ nn faa ɔ.

TAITƆSI 1:13

A‑a tea bai an fɔ ka. Chɛ an fɛ mu, an tɛn dɔ tɛ chɛndɛ chɛ, min mbe a ma, an na ni ten Chisian danaya ɔ.