GBOO FEAN BƆƐ KƆYINDI KO A 12:9 - Yataa 'a Dɔbɛnɛ Nama

⁹ Chɛɛ a‑a a fɔ wan n ye, a ɔ, “N 'na koadia demanɛ, a‑a a kun i ko a. Koe min na mu, tima min na ee kun ko ma, n 'na gbasaya danka ee a tima chɛ a.” Chɛ an fɛ mu, n bu ɔ di yonka tɛ koe a kaka, a si gbasaya ma min mbe ee n boo ɔ, min mbe a ma, Chisɔsi 'a gbasaya ni ma n kun ma.

GBOO FEAN BƆƐ KƆYINDI KO A 12:9 ပူးပေါင်းရင်းမြစ်များ

MATIU 28:18

Mbɛ Chisɔsi gbɛn‑da an ma, mbɛ a ɔ, “Fa min mbe banda bu ɔ, a‑a gbasaya gbɛɛ be n ma, fen fen kan kɔ kan kun ma, banda bu ɔ a basan dunya chɛ ma a.

MATIU 28:20

A sin, wo ni mɔɛ n kan sawa chɛ n gbɛɛ bia koe a, n na‑a miin be wo ma. Wo sin ni dan to a a, mbɛ n mbe ma‑a wan wo fɛ tima ɔ tima, aan dunya chɛ ni ban bɛɛ.”

DUKU 21:15

Koe min na mu, n mbe bai n don‑da wan wo da a, mbɛ n‑na yiimatɛ be wo ma. Ni wo‑a bai kan kɔ kan fɔ, wo chɛɛ ma nyɔɛ n mbe ee che‑a kɔɔsa bia chɛ‑a a ma.

GBOO SAA KƆYINDI KO A 10:13

Dɔsiman kan kɔ kan mbe ee wo tan, min sima ma mɔ gbu tan nin bɛ. Chɛɛ Yataa ee a da a kuiɛ yɔn, a sin mbe ee dɔn dɔsimanɛ ni na mɔ gbu tena, i 'a danaya ɔ ma gbɛ min dɔ bia koe a. Ni dɔsimanɛ na‑a i tena tima min na, a tima dɔndɔ gbe chɛ kɔɔ, ɛ chia yian‑da wan e kun buɛ min dɔ, i ni bɔ a ɔ. Ɛ i ɔ gbɛa‑a wan a ɔ bia koe a.

GBOO SAA KƆYINDI KO A 15:10

Chɛɛ Yataa 'a koadia demanɛ ɔ, n ma‑a mɔɛ a, n mu mɔɛ min na. A 'a koadia demanɛ chɛ sin, a‑a min be n ma, chia yen‑da wan a ma. Chia dɔ mende sin gbu a, n‑na wai chɛ wan, a ben Chasi 'a sɔ mɔɛ tɔɛ kan kɔ kan ma. A maen mu wɛɛ ka boo ɔ boo, mbɛ n fandi an ma a ma ni, n ni koe chɛ n ma. Chɛɛ Yataa 'a koadia demanɛ an na wai chɛ n na.

GBOO SAA KƆYINDI KO A 2:3

Chɛ an‑na a fɔ, mmɔ bɛ ni kɛn, n gboo ɔ nii ma gbɛa nin bɛ. A yɛ to, chianɛ ni wan n dɔ, a basan ma samba a.

GBOO SAA KƆYINDI KO A 2:5

Chɛ ni a ma, wo ma wo kai fa mɔ gbu 'a yiimatɛ a. Chɛɛ wo ni wo kai fa Yataa 'a gbasaya an na.

GBOO FEAN BƆƐ KƆYINDI KO A 11:30

Ni n mbe kun fan n ni yonka tɛ, n mbe yonka tɛ‑a, a si koe chɛ n fan ma, miin mbe a ɔ yian, mbɛ gbasaya ee n boo ɔ.

GBOO FEAN BƆƐ KƆYINDI KO A 12:1

N mbe yonka a tun‑da wan a ma. Fen kɔ fen mbe ee wɛɛ ka boo ɔ boo yonka ɔ. Chɛɛ n mbe a a tun‑da wan gbɛ koɔ koe a, a si koe n ma, miin dɔ nunden ni, Mansa Chisɔsi‑a miin dɔ yian n na.

GBOO FEAN BƆƐ KƆYINDI KO A 12:10

Gbasaya ee ka buɛ min dɔ n boo ɔ, chɛ‑a n faa chima, Chasi ko a. N faa chimaen mu, mainɛ ɔ bia koe a, yakɔɔtawa bia koe a, ko ma gbaaenɛ ɔ bia koe a, a basan ko gbɛama n na. Koe min na mu, gbasaya ee n boo ɔ tima min na, a tima chɛ a mu, n dɔ gbɛ.

GBOO FEAN BƆƐ KƆYINDI KO A 12:15

Ɛ ma wan buɔdia n ma, n ni n boo fenɛ gbɛɛ be, a basan n fandi gbu wɛɛ a, basan koe a wo ma. N mbe chɛ ma‑a wan, n 'na koadia kun ma ɛ sa‑a wan wo ko a, n ta ma ni dɔɔya wɛɛ wo faa ɔ.

GBOO FEAN BƆƐ KƆYINDI KO A 12:5

Chɛ an fɛ mu, n mbe yonka tɛ‑a wan, a si kamin chɛ ma. Chɛɛ n mbe ee yonka tɛ, a si n fandi ma. N mbe yonka tɛ dechee, a si fen chɛ n fan ma, miin mbe a ɔ yian, mbɛ gbasaya ee n boo ɔ.

Gboo Ɛfisɔsi Ko A 3:16

Dua sɛsɛ ɛ wan a boo ɔ, banda bu ɔ. A sin, n mbe samunɛ chɛ tena, a ni a ma wo ɔ ni gbɛa, wo 'a danaya ɔ. Chɛ ni ma, Yataa Nyina 'a gbasaya ɔ

Gboo Fiipai Ko A 4:13

Chasi 'a gbasaya ɔ, ɛ min be n ma, n mbe che wan, n ni ko ɔ ko kan kɔ kan ma.

Gboo Kɔdɔsai Ko A 1:11

Nn mbe samunɛ chɛ tena, Yataa ni gbasaya gbɛɛ be wo ma, a 'a gbasaya kamayaen ba ɔ. Wo ni ko gbɛama kan kɔ kan dɔ bia, faabia ɔ, wo bu ɔ diama ɛ.

1 TIMOTI 1:14

Mmɔ 'a mansa 'a bauncha koadia yii‑a n kun na. Chɛ‑a danaya chɛ wan n dɔ Chisɔsi Chasi ko a, a basan koadia a. Chɛ an mbe ma mmɔ a, ni mmɔ ma‑a mɔ dɔndɔɛ a, mmɔ bɛ Chisɔsi Chasi a.

GBOO IBU MƆƐ N KO A 11:34

An na‑a ta man ba n na dufɛn fan, mbɛ an bɔ‑a saya yuu a, chɛɛ chɛ boo ɔ. An na faen fan ni, chɛɛ an dɔ gbɛa‑a wan. An fanka ni koo chɛɛ ɔ, an sin na‑a chɛnyɛ dɔ gbɛɛ ɔ soya n bɔ wan chɛɛ ɔ.

GBOO IBU MƆƐ N KO A 4:16

Chɛ ko a gbɛ, mmɔ ma sika, mmɔ ma na koe a Yataa 'a mansaya sea tena, koadia demanɛ ma ɛ sɔn kaina min. Chɛ an mbe a ma‑a, a ni chinchin mmɔ ma, mbɛ mmɔ‑a a 'a koadia demanɛ ma sɔn, tima min na mmɔ toenɛ ɛ ma‑a demanɛ a.