GBOO FEAN BƆƐ KƆYINDI KO A 12:7 - Yataa 'a Dɔbɛnɛ Nama

⁷ A sin to, Yataa nii ma to ni n kunɛ ni koa, yonka a, a si ko ɔ nunden chɛ n ma, miin dɔ yian‑da n na. Yataa‑a mɔnɛ ma koe si wan n na. An koe chɛ ma‑a wan Sitana 'a bosa a, n gbasi koe a, n kunɛ ma na koa n na.

GBOO FEAN BƆƐ KƆYINDI KO A 12:7 ပူးပေါင်းရင်းမြစ်များ

MATIU 26:67

Mbɛ an‑na an da yii fu Chisɔsi ya a, dɔ n‑na a tu botani a, dɔ n sin‑na a gban fɛ gbasi.

MATIU 4:10

Chɛɛ Chisɔsi‑a a fɔ a ma, a ɔ, “Ka n fɛ, Sitana, ta. Koe min na mu, Yataa 'a gboo ɔ te, ‘Mɔɛ e i 'a mansa Yataa dɔndɔ gbe an fai dechee, mbɛ i yɛ‑a, i‑a a ma wai chɛ.’ ”

DUKU 13:16

Mbɛ sanche gbɛ wo a yen ko, mmɔ suun ma nyɔɛ dɔndɔ an nɛ musu chɛ a, mmɔ gbɛɛ bɔ‑a Ebeami 'a dambi dɔndɔ gbe chɛ an dɔ. Sitana‑a a chii wan, ɛ tɔɔya ɔ san tan kun ma sɛi ko a. Chia ɔ chia a, fɔ ni a fuin‑da wan, a ni ma suin tee wɛɛ ma a.”

GBOO SAA KƆYINDI KO A 4:11

A sɔ sanche ma, nn mbe ee daun chɛ tima dɔ a, nn sin kanɛ a ɛ gbaa wan. Nn ma chiienɛ ɛ koa taa an na, nn mbe ee si kaina dɔndɔ, nn sin mbe gbasi ɔ yen ka wan.

GBOO SAA KƆYINDI KO A 5:5

Wo an mɔ bonda ya, wo ni a be Sitana ma, a ni tɔɔya. Chɛ ɛ a ma‑a wan, mbɛ a wandi‑a bauncha ma sɔn, mmɔ 'a mansa Chisɔsi ɛ na‑a to tima min na.

GBOO FEAN BƆƐ KƆYINDI KO A 10:10

Mɔɛ n mbe a fɔ wan, an dɔ, “Pɔɔ ɛ bai miin nyɛn a 'a gboo n dɔ, an kɔɔ fanka wan, dimaya wɛɛ an dɔ. Chɛɛ,” an dɔ, “ni a ma‑a mmɔ tɛ ɔ, a ma chimaen mu, baa wɛɛ ee a da a kuiɛ ma.”

GBOO FEAN BƆƐ KƆYINDI KO A 10:5

Kɔɔsa bia gbɛɛ, nn mbe a yɔn fan. Nn ni yɛ, dɔpandaya min mbe mɔɛ n dɔ, min mbe an ka‑a tena Yataa sɔn‑da, nn ni a yɔn. Yiima kan kɔ kan ni ma nn boo ɔ bia ɔ, don koe a Chasi kɔɔ.

GBOO FEAN BƆƐ KƆYINDI KO A 11:20

Wo gbu sin mbe wo faa bia wan, mɔɛ ni wo yɔn bia wɛɛ chɛ. Chɛ ma, mɔɛ ni wo boo fenɛ daun, chɛ ma, a ni wo chii, chɛ ma, a ni a yombo sɔ a ma, chɛ ma, a ni wo ya a gbasi.

GBOO FEAN BƆƐ KƆYINDI KO A 12:1

N mbe yonka a tun‑da wan a ma. Fen kɔ fen mbe ee wɛɛ ka boo ɔ boo yonka ɔ. Chɛɛ n mbe a a tun‑da wan gbɛ koɔ koe a, a si koe n ma, miin dɔ nunden ni, Mansa Chisɔsi‑a miin dɔ yian n na.

Gboo Kadesia Ko A 4:13

Wo‑a a ɔ sɔn fan, mbɛ a saa a, gboo ɔ gbandi, an na‑a a ma, n‑na sakana bai chɛndɛ chɛ sa wo tena, a si Chisɔsi ma.

1 TIMOTI 3:6

A ni ma mɔɛ an na min kai faen mu Chisɔsi a tima dɔ ko a. Chɛɛ ni tima kundu ko a mu dechee, kɔkɔɛ ɛ a ma‑a wan, a ni dɔpandaya bɔ. A sin, Yataa ee a tɔɔya‑a, yɔ Sitana ma‑a buɛ min dɔ.