GBOO FEAN BƆƐ KƆYINDI KO A 12:6 - Yataa 'a Dɔbɛnɛ Nama

⁶ Ni n toen mu wɛɛ, n ni yonka tɛ, n mbe ee che ma‑a woo mɔɛ a. Koe min na mu, n mbe ma‑a ka tea an fɔ‑a. Chɛɛ n mbe ee yonka tɛ. Koe min na mu, n ma to ni mɔ ɔ mɔ ni n ya mɔ chenama a, a ben koe n ma, an mbe n yen miin ma‑a, a ni ben to koe n ma, an mbe miin na min n da a.

GBOO FEAN BƆƐ KƆYINDI KO A 12:6 ပူးပေါင်းရင်းမြစ်များ

GBOO DOMI KO A 9:1

N mbe ka tea bai an fɔ tena. N mbe ee fania fɔ tena, a mu min na, Chasi an ta mu n na. N 'na yiinachii gbu wɛɛ, an fea Yataa Nyina a, ɛ min 'na gbasaya kɔɔ, an dɔnden fan mu n 'na tea chɛ ma.

GBOO SAA KƆYINDI KO A 3:5

Chɛɛ n fan Pɔɔ, n ma mɔ a, Apɔdɔsi wɛɛ ma mɔ ɔ mɔ a. Min sin sien mu nn ma, Yataa 'a yɔnɛ gbama mu nn na, miin‑na a ma, wo dan‑da Chisɔsi Chasi a. Mansa Yataa‑a nn sɔ wai chɛ‑a buɛ min dɔ, nn‑na a chɛ ka wan.

GBOO FEAN BƆƐ KƆYINDI KO A 1:18

Yataa ee a da a kuiɛ ka a gba ɔ tima dɔndɔ wɛɛ ko a. Chɛ an fɛ mu, n bɛɛ n mbe ee che wo too ɔ dia‑a bi koe a, mbɛ sinan n‑na n yiima mun, n dɔ n mbe ee a ma to.

GBOO FEAN BƆƐ KƆYINDI KO A 11:16

Ka n mbe a fɔ to. Wo dɔndɔ wɛɛ, wo ma n ya woo mɔɛ a. Chɛɛ ni wo‑a n ya wɛɛ ka, wo wo boo a si n kɔɔ n 'na wooya ɔ. Chɛ ɛ a ma‑a wan, n bɛɛ, n ni yonka tɛ ɛnden na.

GBOO FEAN BƆƐ KƆYINDI KO A 11:31

Tando ni be Yataa ma kuɔ fɔ ko a. A wan mu Mansa Chisɔsi Chasi fa a, ni a 'a Yataa. A‑a a ɔ sɔn fan, mbɛ n mbe ka tea an fɔ tena.

GBOO FEAN BƆƐ KƆYINDI KO A 12:11

N mbe ka wooya koe n fan ma tena, chɛɛ wo wan‑na a din n ma, a ma koe a. Koe min na mu, a ni nyan fan, wo ni n pɛmbɛ. Ni mɔ a tenden bɛɛ gbu ma n na, chɛɛ mɔɛ chɛ nu, wo e miin chee ka Chasi 'a sɔ mɔɛ wa n na, an ma ben ni n ma chia ɔ chia a.

GBOO FEAN BƆƐ KƆYINDI KO A 12:7

A sin to, Yataa nii ma to ni n kunɛ ni koa, yonka a, a si ko ɔ nunden chɛ n ma, miin dɔ yian‑da n na. Yataa‑a mɔnɛ ma koe si wan n na. An koe chɛ ma‑a wan Sitana 'a bosa a, n gbasi koe a, n kunɛ ma na koa n na.

GBOO FEAN BƆƐ KƆYINDI KO A 5:13

Koe min na mu, ni nn wooen bɛɛ mu, mbɛ Yataa an ko a mu. Chɛ ma, ni nn yiima tɛen fan mu, mbɛ wo sin fan ko a mu.

GBOO FEAN BƆƐ KƆYINDI KO A 7:14

N gbu na‑a wo ma yonka tɛ wan a tena, wo sin ma n na mau ni. Tima ɔ tima ko a, nn‑na bai miin gbɛɛ fɔ wo ye, tea nu mu. A sin, a chia dɔndɔ gbe chɛ a mu, nn‑na yonka min tɛ Taitɔsi tena, a si wo ma, a wɛɛ ma‑a tea a.