GBOO FEAN BƆƐ KƆYINDI KO A 12:20 - Yataa 'a Dɔbɛnɛ Nama

²⁰ N faa gbaaenɛ mu, kɔkɔɛ ni n che‑a wo tena, n mbe ee na‑a wo tan‑da, yɔ n toen mu n ni wo tan buɛ min dɔ. A sin to, kɔkɔɛ wo wɛɛ, wo ee na‑a to‑a n ma buɛ a, wo ta faa ma ɔ. N chiandenɛ mu, n ma na koɛ tan wo tɛ ɔ, a basan toomaya a. A yɛ to, faagbandia basan wo ta diana koe n dechee a, main chɛ basan ko ɔ fɔɛ a, dɔpanda basan ko a fasanɛ a.

GBOO FEAN BƆƐ KƆYINDI KO A 12:20 ပူးပေါင်းရင်းမြစ်များ

GBOO DOMI KO A 1:29

Ko yama nu, an fan faenɛ an faa an na gban. An toen mu an bɔ n boo fenɛ n fan na, an toen mu to fen fen ni ma an dɔndɔ gbe ta a, an ma to ni an nyɔn na, an sin mbe an nyɔn fa wan. A yɛ to, an mbe butuinɛ chɛ, an mbe an nyɔn bun, an mbe ta‑a yiinachii yama chɛ‑a an nyɔn na. A sin to, an mbe an nyɔn tɔɛ ɔ tɛ ka wan.

GBOO DOMI KO A 1:30

An mbe bai yama sa a si an nyɔn ma, an ma to ni Yataa nan fan na. An mbe an nyɔn main fan, mbɛ an‑na dɔpandaya bɔ, an mbe ta‑a yonka tɛ‑a. Tima ɔ tima ko a, an mbe yiinachii an na, ko yama ma munda ma koe a. An mɔɛ chɛ nu, an mbe ee baa be an woo mɔɛ n bɛɛ ma.

GBOO DOMI KO A 2:8

Chɛɛ mɔɛ nu, miin toen mu dechee an fandi a, an sin ma to ni tea a, an mbe bea ko yama n fan fɛ. An mɔɛ chɛ n tana, Yataa faa ɛ tɛ‑a wan an ma yama yama, a ni an tɔɔ.

GBOO SAA KƆYINDI KO A 1:11

Koe min na mu, n suun ma nyɔɛ nu Chasi ɔ, n‑na a a min, mbɛ bɛn mbe ee wo tɛ, an fɛ mu n mbe koɔ tena ka wo tena. Mɔɛ dɔ nu Kowɛ 'a chenɛ a, an ban‑da a ɔ yian‑da n na.

GBOO SAA KƆYINDI KO A 14:33

Koe min na mu, Yataa ee koe ɔ basan basan, ɛ na kuiɛ dɔndɔya an na mɔɛ n tɛ ɔ. A sin mbe ka wan chɔchi n gbɛɛ ɔ, Yataa 'a mɔɛ n tɛ ɔ,

GBOO SAA KƆYINDI KO A 5:2

Koe an nɛ, wo e di chɛ min na. Chɛɛ chɛ gbɛɛ ɔ, wo e dɔpanda an bɔ tena. Chɛɛ wo ni an mɔ bonda chɛ gbain fan, min‑na ko bonda chɛ ma, a ni bɔ wo tɛ ɔ chɔchi ɔ.

GBOO FEAN BƆƐ KƆYINDI KO A 1:23

Chɛɛ Yataa an mu n 'na sii a, a si bai chɛ ma, n mbe ka min fɔ‑a wo ye. Mbɛ n toen ni, n ni wo to wan nɔ, an na‑a a ma n ma yɛ ni nɔ wo tena Kɔyindi duu ɔ.

GBOO FEAN BƆƐ KƆYINDI KO A 10:2

N mbe wo disa tena, wo ma a ma, n ni n faa a kɔɔ wo ma, ni n che‑a nɔ wo tena tima min na. Koe min na mu, n‑na a ɔ sɔn fan, mbɛ n mbe che wan n faa sɔ‑a mɔɛ chɛ n ma. Mɔɛ chɛ nu, miin mbe a fɔ, mbɛ nn mbe koe n ma dunya chɛ ɔ yiinachii an na.

GBOO FEAN BƆƐ KƆYINDI KO A 10:6

A sin, ni wo ban‑da a ɔ yian‑da gbae, mbɛ wo e Chisɔsi an ko a, nn ma bɛndenɛ ɛ ma‑a wan, mɔ ɔ mɔ tɔɔ koe a, min mbe koe ma‑a, min mbe a ɔ yian ɛnden bɛɛ a, mbɛ a ee an ko a.

GBOO FEAN BƆƐ KƆYINDI KO A 12:21

N faa gbaaenɛ mu, mbɛ ni n yɛ‑a to nɔ wo tena, n 'na Yataa ɛ a ma‑a wan, a ni n ma yii, wo ya kɔɔ. A sin, n mbe na‑a di chɛ‑a wan, a si mɔɛ chɛ n sɛsɛ wakoe ma, miin na‑a ko yama ma, an sin ma an kan kɔ sɔ ni ko yama ma a. An 'na ko tɛ chɛ, min danka ee ka.

GBOO FEAN BƆƐ KƆYINDI KO A 13:2

N‑na wo a si wan, n 'na gba fean bɔɛ ɔ, wo kɔndɔn‑da. N‑na wo a si wan, wo wɛn na‑a ko yama ma, a kɔma a, a basan mɔɛ tɔɛ n gbɛɛ a. Chɛɛ n mbe a fɔ‑a wan to sanche, mbɛ n mbe ee ka buɛ min dɔ wo tɛ ɔ, mbɛ n mbe na‑a to tima min na, mɔ ɔ mɔ kun mbe ee bɔ‑a tɔɔya ɔ.

GBOO FEAN BƆƐ KƆYINDI KO A 2:1

Chɛ an fɛ mu, n‑na n yii na chii, mbɛ n ma na to wo tena, n ni wo faa yɔn.

Gboo Kadesia Ko A 5:15

Chɛɛ ni wo‑a wo nyɔn chin, wo ni wo nyɔn kasaa, chɛ ni ma wo yii ma. Mbɛ ni wo ma tima ya ni, wo e ban‑da wan wo nyɔn kasaa‑a gbae.

Gboo Kadesia Ko A 5:26

Mmɔ ma yonka tɛ, mmɔ sin ma sɛ mmɔ nyɔn faa ma, mmɔ sin ma toomaya bɔ mmɔ nyɔn na.

CHIMISI 4:11

N suun ma nyɔɛ nu Chasi ɔ, wo ma wo nyɔn ma bɔ. Mɔ ɔ mɔ min mbe a bɔɛ ma bɔ‑a, a ni kaa a tɛ a ma, a mɔɛ chɛ ɛ ma‑a ka sawa chɛ an ma bɔ‑a, Mosisi‑a min be. Ɛ ɛ ma‑a ka kaa a tɛ‑a an sawa chɛ an ma. Ni mɔɛ sin‑na kaa a tɛ sawa chɛ ma, mbɛ a ee ma‑a to a kɔɔ. Koe min na mu, a ban‑da ma‑a kaa a tɛ mɔɛ a sawa gbu ko a.

1 PITA 2:1

Chɛ an fɛ mu, wo wo boo bɔ ko yama ma gbɛɛ ɔ. Wo sɛmbɛ fania fɔ koe a. A yɛ to, wo sɛmbɛ ma koe a nɛnɛn fea ti n na. A sin, wo main chɛ kan kɔ kan boo ka, mbɛ wo sɛmbɛ‑a too koe a mɔ dɔ gbɛɛ n na.

2 PITA 2:18

An mbe bai n fɔ wan, yiimatɛ ee miin dɔ, dɔpandaya bai nu. An mbe koe yama n ma to, miin na di an gboo n ye. An mbe chɛ n ma, mɔɛ chɛ n bia koe an na, mɔɛ chɛ miin‑na a kuu sɔ an kunɛ bɔ‑a an ko yama chɛ n dɔ.

CHUDA 1:16

An mɔ bonda chɛ nu, an faa ee chima, tima ɔ tima an mbe gbonyɛ‑a. An sin, an faa ma koe yama nu, an mbe bea an fan fɛ. A yɛ to, an da ɔ yonka koo, an sin mbe da ma dia bai n sa wan mɔ dɔ mende n tena, min mbe a ma dechee, an faa ma koe ni chɛ an ye.