GBOO FEAN BƆƐ KƆYINDI KO A 12:18 - Yataa 'a Dɔbɛnɛ Nama

¹⁸ N na‑a Taitɔsi disa wan na koe a wo tena. Mbɛ mmɔ suun ma nyɔɛ Chasi ɔ, n‑na a sɔ, an fea a a. Taitɔsi nii ma wo kafa ni, ae? Nn fea Taitɔsi a, nn yiima ni dɔndɔ gbe, a basan nn 'na ko ma buɛ wɛɛ a.

GBOO FEAN BƆƐ KƆYINDI KO A 12:18 ပူးပေါင်းရင်းမြစ်များ

GBOO DOMI KO A 4:12

Ebeami sin fan mu mɔɛ chɛ n bɛɛ gbu fa a, mɔɛ miin na kaminchaen mu ka. Chɛ ma si ni an na kamincha koe chɛ an ma, chɛɛ a sien mu an tachɛ buɛ dɔndɔɛ an ma, an kai fa koe Yataa a. Mmɔ fa Ebeami a e na to kamincha‑a, a tachɛ buɛ ni ka wan gbɛ Yataa a.

GBOO SAA KƆYINDI KO A 4:21

Ni n na‑a tima min na, wo wandi an mbe wo faa ma ya a gbɛ. Ni n mbe sɔnkɔ wan wo ma, n ni wo a tɔɔya. Chɛ ma, ni n mbe koadia an dɔ yian wo a, mbɛ n‑na wo bia chɛndɛ chɛ.

GBOO FEAN BƆƐ KƆYINDI KO A 7:2

Kaina ni ma wo faa ɔ, nn ko a. Koe min na mu, nn ma baa ni mɔ ɔ mɔ ma, nn ma mɔ ɔ mɔ sɔ ni chia yama ma, nn ma mɔ ɔ mɔ kafa ni.

GBOO FEAN BƆƐ KƆYINDI KO A 7:6

Chɛɛ Yataa, min mbe faayɔn tɔɛ n faa ma nande, a‑a a ma wan nn faa chima‑a, kɛn Taitɔsi na‑a nn tena.

GBOO FEAN BƆƐ KƆYINDI KO A 8:6

Chɛ ko a, nn bɛɛ, nn‑na a din fan Taitɔsi ma, min‑na wai chɛ kuu sɔ, a ni a a tun. A ni basan wo ma, wo ni wai chɛ nɛnɛ a ban, min mu koadia wai a.

1 PITA 2:21

An ko bonda chɛ mu, Yataa na‑a wo chee, a ɔ, wo ni a ma. Koe min na mu, Chasi wandi gbu‑a ko yawaenɛ ɔ bia wan wo ko a, min mu tɔmɔsi a wo tena. Chɛ ni a ma, wo wɛɛ ni puin a chen gba ɔ.