GBOO FEAN BƆƐ KƆYINDI KO A 12:17 - Yataa 'a Dɔbɛnɛ Nama

¹⁷ Chɛɛ a ma to ni n yii ma, n ni ben mɔɛ chɛ n dɔndɔ wɛɛ ɔ, n na‑a miin sɔ wo tena, n ni wo kafa. Ae?

GBOO FEAN BƆƐ KƆYINDI KO A 12:17 ပူးပေါင်းရင်းမြစ်များ

MAKI 5:26

A na‑a tɔɔ wan bui ti sɛsɛ ye. A‑a a boo fenɛ gbɛɛ ma tachɛ wɛɛ, chɛɛ chɛ gbɛɛ ɔ, a ma gboo ɔ bɔɛ ma sɔn ni, gbandi gbu ta‑a wan ya ɔ ma.

GBOO SAA KƆYINDI KO A 16:10

Ni Timoti che‑a wo ma, wo a ma wo ni a ɔ yian a a, mbɛ a che‑a ka a waa wan. Koe min na mu, ɛ ka Mansa Chisɔsi 'a wai an na, yɔ n mbe a a buɛ min dɔ.

GBOO SAA KƆYINDI KO A 4:17

Chɛ gbu an fɛ mu, n mbe Timoti sɔ tena wo tena. Mɔɛ mu a a, mɔɛ ɛ che i yii sɔ‑a min ma gbau gbau, wai chɛ koe a Chisɔsi Chasi ko a. N 'na denɛ mu gbɛ a a, n toen mu min na kaka. Ɛ a ma‑a wan wo ee nyina‑a koe n ma, n mbe bea tena miin fɛ, n 'na fɔɛ ɔ, Chisɔsi 'a sɔmɔya ɔ. N ni mɔɛ n kan ko dɔndɔ gbe chɛ n fan na, chɔchi kan kɔ kan dɔ, n ni ta miin dɔ.

GBOO FEAN BƆƐ KƆYINDI KO A 12:18

N na‑a Taitɔsi disa wan na koe a wo tena. Mbɛ mmɔ suun ma nyɔɛ Chasi ɔ, n‑na a sɔ, an fea a a. Taitɔsi nii ma wo kafa ni, ae? Nn fea Taitɔsi a, nn yiima ni dɔndɔ gbe, a basan nn 'na ko ma buɛ wɛɛ a.

GBOO FEAN BƆƐ KƆYINDI KO A 9:5

Chɛ an fɛ mu, n‑na n yii na chii, mbɛ a nyin fan, n ni mmɔ bɔɛ Chisian chɛ n disa, an ni na n ya ɔ wo tena. Mbɛ wo na‑a wo boo fenɛ miin be koe fɔ, wo sin‑na a sa tena ɔ bɛn, a be koe a, wo ni a be. An ni a sa tena ɔ bɛn, n ya ɔ. Chɛ sin mbe a ɔ yian‑da wan, mbɛ wo ta faa ɔ mu, wo‑a a be, chɛɛ mɔ an ma a din ni wo ma.