GBOO FEAN BƆƐ KƆYINDI KO A 12:15 - Yataa 'a Dɔbɛnɛ Nama

¹⁵ Ɛ ma wan buɔdia n ma, n ni n boo fenɛ gbɛɛ be, a basan n fandi gbu wɛɛ a, basan koe a wo ma. N mbe chɛ ma‑a wan, n 'na koadia kun ma ɛ sa‑a wan wo ko a, n ta ma ni dɔɔya wɛɛ wo faa ɔ.

GBOO FEAN BƆƐ KƆYINDI KO A 12:15 ပူးပေါင်းရင်းမြစ်များ

GBOO DOMI KO A 9:3

Chɛ ɛ ma tena n na, n suun ma nyɔɛ n fan ko a, Chu mɔɛ nu, n chɛnyɛ mɔɛ nu. Ni chɛ ɛ ma wan demanɛ a an tena, ɛ ma wan n 'na yiinachii ɔ, n fandi gbu, Yataa ni n danka, mbɛ nn fea tɛ du‑a Chasi a, an ko a.

GBOO FEAN BƆƐ KƆYINDI KO A 1:6

Ni nn‑na ko yawaenɛ ɔ bia tima ɔ tima, wo nande koe mu, wo ni bauncha ma sɔn. Ni nn‑na nande ma sɔn, mbɛ wo wɛɛ‑a a ma sɔn. Mbɛ wo‑a fanka ma sɔn, wo faa bia koe a, wo ni ko yawaen chɛ n dɔ bia, nn bɛɛ‑a miin dɔ bia.

GBOO FEAN BƆƐ KƆYINDI KO A 11:11

N mbe chɛ fɔ tena, wo wakoe an ma don ni n ma, n toen fan mu wo a. Yataa‑a chɛ ɔ sɔn fan.

GBOO FEAN BƆƐ KƆYINDI KO A 12:14

Sanche gbɛ, gba sawan bɔɛ an nɛ ka, n ma bɛndenɛ ɛ, na koe a wo kɔndɔn‑da. A sin, n mbe ee wo ɔ tisa fen kɔ fen ko a. Koe min na mu, n ma to ni wo boo fenɛ an na, n toen mu wo wandi gbu an na. A ni ma boo ɔ boo gbɛ, denɛ n fan mbe ee an woo mɔɛ n da kɔ. Chɛɛ an woo mɔɛ n fan mbe an da kɔ.

GBOO FEAN BƆƐ KƆYINDI KO A 12:9

Chɛɛ a‑a a fɔ wan n ye, a ɔ, “N 'na koadia demanɛ, a‑a a kun i ko a. Koe min na mu, tima min na ee kun ko ma, n 'na gbasaya danka ee a tima chɛ a.” Chɛ an fɛ mu, n bu ɔ di yonka tɛ koe a kaka, a si gbasaya ma min mbe ee n boo ɔ, min mbe a ma, Chisɔsi 'a gbasaya ni ma n kun ma.

GBOO FEAN BƆƐ KƆYINDI KO A 2:3

Chɛ an fɛ mu, n‑na gboo saa chɛ nyɛn wo tena, n na‑a min nyɛn ka. N nii ma to ni, n ni na nɔ, mbɛ n‑na faayɔnɛ ma sɔn wo a, wo wɛn mbe a ma, n bu ɔ ni dia. Koe min na mu, n danden fan mu a a, mbɛ ni n bu ɔ dia‑a, mbɛ wo gbɛɛ bu ɔ dia‑a.

GBOO FEAN BƆƐ KƆYINDI KO A 4:12

Chɛ a ɔ yian fan, mbɛ saya ɛ wan tun ben‑da nn na san‑da. Chɛɛ wo tana, kuɔ fɔ fɔɛ an mbe wo ko a.

GBOO FEAN BƆƐ KƆYINDI KO A 7:2

Kaina ni ma wo faa ɔ, nn ko a. Koe min na mu, nn ma baa ni mɔ ɔ mɔ ma, nn ma mɔ ɔ mɔ sɔ ni chia yama ma, nn ma mɔ ɔ mɔ kafa ni.

GBOO FEAN BƆƐ KƆYINDI KO A 7:3

N ma bai chɛ fɔ ni, n tɛɛ si koe an na wo ma. Koe min na mu, yɔ n na‑a a fɔ buɛ min dɔ tee, wo ko a di nn ye kaka. Mmɔ bɛ, mmɔ ɛ ma‑a wan tima ɔ tima ko a. Mmɔ tɛ ee ka‑a fɔɛ chɛ ɔ, saya wɛɛ ee mmɔ tɛ ka‑a.

Gboo Kadesia Ko A 4:10

Wo e tee n ya wan, a ben tee dɔ nu ma. Wo e kau dɔ n bɛɛ ya ka wan, ni tima dɔ nu, a basan sanɛ dɔ n bɛɛ a.

Gboo Fiipai Ko A 2:17

Wo e wo wandi be tena wan yɔ yasi, wai chɛ koe a Chasi ko a. Koe min na mu, wo‑a wo kai fa a a. N bu ɔ di, n sin mbe buɔdia bɔ‑a wan wo gbɛɛ a, an ni a ma wɛɛ, n wii ni bɔn, yɔ an mbe gbɛ bɔ buɛ min dɔ yasi a.

Gboo Kɔdɔsai Ko A 1:24

Sanche chɛ ɔ, n mbe tɔɔya min gbɛɛ chɛ tena, wo ko a, n bu ɔ diama mu. A sin, n gboo chɛ ɔ, n mbe tɔɔya chɛ a ban‑da wan, Chasi‑a min dɔ bia, a gboo ko a, min mu chɔchi a.

Gboo Saa Tɛsadonika Ko A 2:8

Wo ko a dia‑a wan nn ye kaka. Chɛ‑a a ma wan, nn 'na fɔɛ gbu ɔ, nn ma bɛnden ni basan koe a wo ma. Nn ma Yataa 'a sakana bai chɛndɛ chɛ dechee an sa ni wo tena.

2 TIMOTI 2:10

Chɛ an‑na a ma, n mbe ko ɔ ko ɔ bia tena mɔɛ chɛ n ko a, Yataa‑a miin ya a ta mɔɛ n na. Yataa 'a bai, an bɛɛ ni ma mɔ dɔndɔɛ a, an bɛ Chisɔsi Chasi a, an ni bauncha ma sɔn. An mbe ma‑a wan, an bɛ Yataa a, kuɔ fɔ ko a.

GBOO IBU MƆƐ N KO A 13:17

Wo kooya be wo ya ɔ sɔɛ n ma, wo ni bea an da a kuiɛ n fɛ. An fan mbe wo kun ma fɛn tena, tima ɔ tima ko a. Koe min na mu, an mbe na‑a wan a ɔ yian‑da Yataa a, an ni wo kun ma fɛn buɛ min dɔ. Ni wo‑a kooya be an ma, an mbe an 'na wai chɛ‑a buɔdia an na. Ni wo ma kooya be ni an ma, an mbe a chɛ‑a faa yɔnɛ an na. A sin mbe ee ma‑a ko a tenden na wo tena.